Агрба еиҭеиҳәеит акультуратә усҳәарҭақәа русура ахацыркра иахьынӡазхиоу атәы

60
(ирҿыцуп 10:17 10.02.2021)
Аԥсны акультура аминистр Гәдиса Агрба арадио Sputnik аефир аҟны еиҭеиҳәеит ачымазара ҿкы аламырҵәаразы аԥкрақәа анаԥыхха аамҭазы, акультуратә усҳәарҭақәа русура ахацыркра иахьынӡазхиоу атәы.

 

Агрба еиҭеиҳәеит акультуратә усҳәарҭақәа русура ахацыркра иахьынӡазхиоу атәы

"Акоординациатә штаб алахәцәа ражәалагалақәа ҟарҵеит Аԥсны аҳәынҭқарра ахада иахь. Агәыӷра ҳамоуп азҵаара ӡбахоит ҳәа. Ҩымш-хымш рыҩнуҵҟа Агәабзиарахьчара аминистрра, асанитар-епидемиологиатә маҵзура, акультура аминистрра аусзуҩцәа рыла аусутә гәыԥ еиҿкаазарц азыӡбан. Агәабзиарахьчара аминистрра адҵа ҳанаҭароуп акультуратә хыбрақәа аус рур ахьынӡауа атәы зныԥшуа. Иҟоуп, хымԥада, урҭ аԥҟарақәа рыла аус зур зылшо, иҟоуп ус еиԥш алшара змам. Ҳара иазгәаҳҭоит акультуратә усҳәарҭақәа зегьы раартра шзалымшо, убри аҟынтә ус злымшо, аамҭала аус руам. Иахьазы Акоординациатә штаб аӡбамҭа шьаҭас иганы аҳәынҭқарра ахада иахь инаҳашьҭыз ашәҟәаҟны иарбоуп акультуратә усҳәарҭақәа русура жәабран 15 рзы иалагарц", - иҳәеит Агрба.

 

Иара убасгьы еиҭеиҳәеит иахьазы зусура ахацыркра иазхиоу, мамзаргьы иазхиам аколлективқәа ртәы.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

60
Атемақәа:
Аҿкычымазара – акоронавирус Аԥсни адунеи аҿи: иалкаау (1077)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

15
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

15
Нонна Делба

Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

22
Аҟәатәи актәи абжьаратә школ аиҳабы Нонна Делԥҳа арадио Sputnik аефир аҿы еиҭалҳәеит COVID-19 зыдбалаз хҩык арҵаҩцәа рышьҭахь, ахәыҷқәеи егьырҭ арҵаҩцәеи ршәарҭадаразы иарбан усмҩаԥгатәқәоу ирыдыркылаз.
Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

"Ашколқәа зегьы рҿеиԥш ҳаргьы аҵаратә процесс хацҳаркит, аусурагьы еиҿкаан асанитартә ԥҟарақәа инарықәыршәаны. Аҵаҩцәа рхыԥхьаӡара ахьырацәоу аклассқәа еихшан ҩ-гәыԥкны. Арҵаҩцәагьы аҵаҩцәагьы ашкол ахь ианааиуа иаҳшәоит ршоурақәа. Аха убри аан аиҵбыратә классқәа рырҵаҩцәа хҩык ачымазара рцәа иалалеит. Иазгәаҭатәуп, дара рхы ишакум ирбаанӡа аусура аҟнытә рхы ишақәиҭтәыз. Ҩ-ҭаацәарак рҿы ахәыҷқәа анычмазаҩха, дара зычмазаҩхаз еилкаахаанӡа, ачымазараҿкы ҳаламларцаз даргьы русура аанкылан. Арҵаҩцәа ҩыџьа рҿы ачымазара аналкааха, асанитартә ҳақьым лахь адырра ҟасҵеит акласс аҿы итәоу ахәыҷқәа зегьы ргәаҭаразы. Адырҩаҽны, иаашьҭын абригада иҟаз аҵаҩцәа зегьы рҟнытә иган анализ, иара убасгьы арҵаҩцәа рҟнытәгьы. Игәарҭаз аҵаҩцәа рҟнытә аӡәы иҟны ачымазара шьақәдырӷәӷәеит. Аклассқәа рыхԥа аҽыԥхьакрахь ишьҭуп хәажәкырамза 4-нӡа", - ҳәа еиҭалҳәеит Делԥҳа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

22
Атемақәа:
Аҿкычымазара – акоронавирус Аԥсни адунеи аҿи: иалкаау (1077)