Кәарҷиа: исҭахқәаз ԥыҭк аҟаҵара сахьӡеит, аха еиҭа иҟоуп, уажәшьҭа исылшо сыздырым

20
Аԥсны Жәлар Реизара аиҳабы Валери Кәарҷиа жәабранмза 10 рзы иазгәеиҭоит ииубилеи. 75 шықәса зхыҵыз аҵарауаҩ, афилологиатә ҭҵаарадыррақәа рдоктор, академик, аполитикатәи ауаажәларратәи усзуҩы арадио Sputnik аефир аҿы еиҭеиҳәеит ишықәсқәа дшырзыҟоу.
Аԥсны еицырдыруа ахьыӡқәа: Валери Кәарҷиа

Ауаҩы ҩнуҵҟала дажәӡом, 100 шықәса ихыҵыргьы, ус дыҟазаауеит ҳәа азгәеиҭеит Кәарҷиа арадиоефир аҿы. Ауаа дырцәыԥхашьаны ихы даҽакала имҩаԥигоит акәымзар, иҷкәынраан еиԥш ауп дшыҟоу ҳәа иҳәеит иара.

Аԥсны Жәлар Реизара аиҳабы еиҭеиҳәеит анаукеи аполитикеи реилагӡара аус ишиҭахыз еиԥш ишилымшаз.

"Ҩ-уск реилагӡара усҟак иҽеиӡам. Ҳара ҳабиԥара хәыҷык аџьабаа ҳбеит аԥсадгьыл ахақәиҭтәраз. Ауаҩы ԥыҭк анихыҵлак, игәы иаанаго далагоит, аҳәынҭқарратә ус ахьырыӡбо ааигәара дыҟамзар, игәҭакқәа зегьы хыбгалозшәа. Сара Апарламент ааигәара, азакәанқәа ахьрыдыркыло зыҟазар сҭахын, уи сыҷкәынра иабзоуран. Иҵегь саныӷәӷәаз анаукеи аполитикатә уси еиласыгӡон ицәгьамкәа, уажәы - исцәыхьанҭоуп. Спикерс сыҟоижьҭеи анаука даара иагсыжьит. Исҭахқәаз ԥыҭк аҟаҵара сахьӡеит, аха иҵегь исҭахқәаз ыҟоуп уажәгьы, аха уажәшьҭа исылшо сыздырам", - ҳәа иҳәеит Кәарҷиа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

20

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4

Гәбаз аҭыԥантәи ахаланапхгараҭарақәа рахь алхрақәа рзы: активра ӷәӷәоуп

8
Гәдоуҭа араион алхратә комиссиа ахантәаҩы Лавренти Гәбаз арадио Sputnik аефир аҟны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рыҽшырзыҟарҵо атәы.
Раионк аԥсҭазаараҟынтә: Гәбаз аҭыԥантәи ахаланапхгараҭарақәа рахь алхрақәа рзы

Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысраны иҟоуп мшаԥы 11 рзы. Хәажәкыра ҩба рзы акандидатцәа рҭаҩра иалагеит.

"Гәдоуҭа араион аҟны алхырҭатә ҭыԥ хадақәа 29 ыҟоуп, ус анакәха 29-ҩык араионтә еизарахь адепутатцәа алхтәуп. Иара убас ақыҭақәа зегьы рҟны имҩаԥысуеит аҭыԥантәи ахадарақәа рахь адепутатцәа ралхра. Афон ҿыц ақалақьтә еизарахь 9-ҩык ралхра еиҿкаахоит. Аԥҟаԥҵәа анҭыжьха ашьҭахь 10 мш алхратә ҭыԥ хадақәеи акомиссиақәеи реиҿкаара мҩаԥаагон. Иахьазы араион аҟны акомиссиақәа зегьы еиҿкаауп. Иахьазы араионтә алхратә комиссиахь аԥшьгаратә гәыԥқәа инаргахьеит 14 –ҩык ркандидатурақәа. Алхыҩцәа рнапынҵақәа реизгаразы ашәҟәқәа раҳҭеит. Хәажәкыра 20-нӡа аҿҳәара рымоуп. Алхыҩцәа 50 иреиҵамкәа, 70 иреиҳамкәа алхыҩцәа рнапынҵа аҭахуп акандидатура ишақәшаҳаҭу ала. Иахьанатә иубаратәы иҟоуп даара активра шыӷәӷәоу. Уажәнатәгьы алхырҭатә ҭыԥ хадаҟны ҩыџьа ахьықәгылоу ыҟоуп, хҩыкгьы рыӡбахә ахьҳәоу. Излазбо ала кандидатк имацара дҟалап ҳәа сгәы иаанагом", - иҳәеит Гәбаз.

Шәазыӡырҩы аудио.

Иара уҩас шәаԥхьар ҟалоит:

8

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау