Сымсым Гәдоуҭа ақалақь иалоу арахә рзы: агәамсам ҭаԥсарҭақәа ирхагылоуп

104
(ирҿыцуп 16:00 12.02.2021)
Гәдоуҭа араион акоммуналтә усбарҭа аиҳабы Феликс Сымсым арадио Sputnik аефир аҿы еиҭеиҳәеит хылаԥшрада ақалақь иалоу арахә азҵаара ӡбашьас иарҭаз, насгьы уи аус шеиҿкаахо атәы.
Раионк аԥсҭазаараҟынтә: Сымсым Гәдоуҭа ақалақь хылаԥшрада иалоу арахә азҵааразы

"Ақалақь иалоу арахә даара ирацәаны аԥхасҭа ҳанаҭоит. Ҩынтәым-хынтәым ԥсыхәас иҟаҳамҵац акгьы ыҟам, аха уаҳа ӡбашьа ҳзамҭеит. Ақалақь аҿы акгьы ҳзеиҭаҳауам, арахә агәамсам ҭаԥсарҭақәа ирҭалоит, иаадырҳәуеит. Ақалақь аҿы арахә зааӡои, Лыхны ақыҭеи аҟнытә ауп арахә аԥхасҭа ҳазҭо. Уаанӡа иҭаҳкуан, аха мчыбжьык ҵыр арахә ашьапы ҵакәкәоит, икаҳауеит. Уи аҩыза агәнаҳа ҳаргьы иаҳҭахым, дара аԥшәмацәагьы иԥхашьаны аӡәгьы дашьҭалан дааӡом. Арахә аҩныҟа ианымаа, ҳара ашьхаҿы ҳаҟам, ақәыџьмақәа ирфаӡом, еилукаартә иҟоуп ҳара ишҭаҳкыз. Иҭаҳкыз мчыбжьык ашьҭахь иауҳашьҭуеит, ҳааҟәымҵӡакәа абри ҳаҿуп. Мчыбжьык аҿҳәара рымоуп аԥшәмацәа, анаҩс арахә амашьынақәа ирықәҵаны ақалақь иалган иганы ахкаарақәа рҿы иаанҳажьлоит", - ҳәа еиҭеиҳәеит Сымсым.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

104

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14
Нонна Делба

Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

22
Аҟәатәи актәи абжьаратә школ аиҳабы Нонна Делԥҳа арадио Sputnik аефир аҿы еиҭалҳәеит COVID-19 зыдбалаз хҩык арҵаҩцәа рышьҭахь, ахәыҷқәеи егьырҭ арҵаҩцәеи ршәарҭадаразы иарбан усмҩаԥгатәқәоу ирыдыркылаз.
Делԥҳа еиҭалҳәеит COVID-19 зыдбалаз арҵаҩцәа рышьҭахь иарбан усмҩаԥгатәқәоу ирыдыркылаз

"Ашколқәа зегьы рҿеиԥш ҳаргьы аҵаратә процесс хацҳаркит, аусурагьы еиҿкаан асанитартә ԥҟарақәа инарықәыршәаны. Аҵаҩцәа рхыԥхьаӡара ахьырацәоу аклассқәа еихшан ҩ-гәыԥкны. Арҵаҩцәагьы аҵаҩцәагьы ашкол ахь ианааиуа иаҳшәоит ршоурақәа. Аха убри аан аиҵбыратә классқәа рырҵаҩцәа хҩык ачымазара рцәа иалалеит. Иазгәаҭатәуп, дара рхы ишакум ирбаанӡа аусура аҟнытә рхы ишақәиҭтәыз. Ҩ-ҭаацәарак рҿы ахәыҷқәа анычмазаҩха, дара зычмазаҩхаз еилкаахаанӡа, ачымазараҿкы ҳаламларцаз даргьы русура аанкылан. Арҵаҩцәа ҩыџьа рҿы ачымазара аналкааха, асанитартә ҳақьым лахь адырра ҟасҵеит акласс аҿы итәоу ахәыҷқәа зегьы ргәаҭаразы. Адырҩаҽны, иаашьҭын абригада иҟаз аҵаҩцәа зегьы рҟнытә иган анализ, иара убасгьы арҵаҩцәа рҟнытәгьы. Игәарҭаз аҵаҩцәа рҟнытә аӡәы иҟны ачымазара шьақәдырӷәӷәеит. Аклассқәа рыхԥа аҽыԥхьакрахь ишьҭуп хәажәкырамза 4-нӡа", - ҳәа еиҭалҳәеит Делԥҳа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

22
Атемақәа:
Аҿкычымазара – акоронавирус Аԥсни адунеи аҿи: иалкаау