Цәеиԥҳа Владислав Арӡынба ибаҟа апроеткқәа рзы: авторцәа рыхьӡақәа маӡоуп

87
Владислав Арӡынба ибаҟазы аконкурс аекспозициа аартын Ацәыргақәҵатә зал хадаҟны. Аԥсны акультура аминистрра азинтә ҟәша аиҳабы Ирма Цәеиԥҳа арадио Sputnik Аԥсны аефир аҿы еиҭалҳәеит иреиӷьу апроект алхразы онлаин бжьыҭара шымҩаԥысло атәы.
Цәеиԥҳа Владислав Арӡынба ибаҟа апроеткқәа рзы: авторцәа рыхьӡақәа маӡоуп

"Архитекторцәа рхаҭа дара рдунеихәаԥшышьа зеиԥшраз ала рыпроектқәа аарԥшуп, акритериақәа ҳәа акгьы иалкааны иҟамызт. Иҳадаргылаз аусумҭақәа рыхԥагьы ауаҩы ишәага иаҟараны иҟаҵоуп. Аусумҭақәа равторцәа рыхьыӡ аарԥшӡам, даара рыхԥагьы ирымоуп рхатә номерқәа, акомиссиа алахәылацәа абжьы зырҭоу авторцәа ракәӡам, дара аусумҭақәа рхаҭақәа роуп. Акомиссиа иалахәу амонументалтә ҟазара иадҳәалоу роуп. Иреиӷьу апроекттә усумҭа аилкааразы имҩаԥысуеит абжьыҭара акультура министрра аофициалтә саит аҿы, уи хыркәшахоит амҽыша асааҭ 12 рзы. Амонументалтә комиссиеи онлаин абжьыҭареи рҿы иаҳа аԥыжәара згаз апроект ала анаҩс абаҟагьы ргылахоит", - еиҭалҳәеит Цәеиԥҳа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

87

Аџьынџьал иҳәеит аҭыԥантәи ахаланапхгараҭарақәа рахь алхрақәа раан иалагалоу аԥсахрақәа

10
(ирҿыцуп 15:53 02.03.2021)
Алхратә комиссиа алахәылацәа раԥшьгарала аҭыԥантәи ахаланапхгараҭарақәа рахь алхрақәа рымҩаԥагаразы иалагалоуп азакәантә шьаҭа змоу арҽеирақәеи, арҿыцрақәеи ртәы арадио Sputnik аефир аҿы еиҭеиҳәеит Аҟәатәи алхратә комиссиа алахәыла Рисмаг Аџьынџьал.
Хра злоу ахҭысқәа: Аџьынџьал аҭыԥантәи ахаланапхгараҭарақәа рахь алхрақәа рымҩаԥгара иазкны

Аҟәатәи алхратә комиссиа аинициативтә гәыԥқәа ашәҟәы ранҵара хацдыркуеит хәажәкыра 2 инаркны.

Аԥсны Аҳәынҭқарра Азакәан "Аԥсны Аҳәынҭқарра аҭыԥантәи ахаланапхгараҭара аусбарҭақәа рахь алхрақәа рымҩаԥгаразы" ахәҭаҷ 5 инақәыршәаны, алхрақәа мҩаԥгахоит 2021 шықәса мшаԥы 11 рзы".

"Акомиссиа астатус амазароуп. Алхарақәа рымш аҽны ауаа аусутә раҳҭоит алхрақәа аус рыдырулартә еиԥш. Алхратә комиссиа ирылаҭалатәуп ауалафахәы. Азакәан излаҳәоз ала уи азы азин ҳамамызт, аӡәы аусура иааԥхьара, уи азы аԥара изшәаразы, аха уажәшьҭа уи аҭагылазаашьа ԥсахуп. Аҩбатәи- есымша проблемас иҳаман алхратә сиақәа. Хаҭала асиақәа уанрызхәыцлак, алхраҿы ауаҩы ихы рылаирхәуеит атәылауаҩшәҟәы ала. Закәанла уахәаԥшуазар, алхратә сиақәа иаҳа ииашаны измоу апаспорт-визатә маҵзуроуп. Шықәсқәак раԥхьа апаспортизациа Аԥсны имҩаԥган, аҩныҵҟатәи аусқәа рминистр иахь ашәҟәы ҳҩит, дахаҵгылеит, иҳауит апаспортә-визатә маҵзура иамоу абаза. Убарҭ рыла аус хурц ҳҭахуп, еилаҳкаарц ҳҭахуп, шаҟаҩы Аҟәа инхо. Иара убас иԥсахын алхырҭатә ҭыԥқәа. Иҟан аҭыԥқәа 400-ҩык алхрақәа рхы ахьрыладырхәуаз, иҟан 1500-ҩык раҟара алхыҩцәа ахьыҟазгьы. Иахьынӡаҳалшоз зегьы еиҟараны еицырзеиԥшны иҟаҳҵеит", - еиҭеиҳәеит Аџьынџьал.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

10

Цәеиба Аҟәатәи афымцеихшарҭақәа рзы: иқәгылоу атрансформаторқәа рымчхара маҷуп

6
(ирҿыцуп 08:31 02.03.2021)
Аҟәатәи аподстанциақәа ргәыԥ аусзуҩ Денис Цәеиба арадио Sputnik аефир аҿы еиҭеиҳәеит аҳҭнықалақь аҿы иҟоу афымцеихшарҭақәа ацәаҳәақәа рымчхара анеизҳауа аамҭазы рҭагылазаашьа атәы.
Цәеиба Аҟәатәи афымцеихшарҭақәа рзы: иқәгылоу атрансформаторқәа рымчхара маҷуп

"Аҟәа аподстанциақәа хәба ыҟоуп, дара зегьы раионцыԥхьаӡа иаҵанакуеит. Ҩышықәса - хышықәса ҵуеит ақәыӷәӷәарақәа ирыцлеижьҭеи, аха уажәы иаҳа анырра ҟало иалагеит. Дара астанциа маҷқәа рҿы иқәгылоу атрансформаторқәа амчхара ирымоу иахысуа иалагеит. Ақалақь азҳара иаҿуп. Ауаа рхыԥхьаӡара иацлеит. Анаплакқәа еиҳахеит. Ахьҭақәа раан иаҿаркуа амаругақәа иаҳа ирацәахоит. Алашара аҩнаҭаҿы инеиаанӡа ацәыӡгьы рацәоуп ацәаҳәақәа ирыхҟьаны. Аҭагылазаашьа зынӡагьы ицәгьоуп ҳазҳәаӡом, хәыҷы-хәыҷла аԥсахра иаҿуп амаругақәа. Хәышықәса рахьтә знык имҩаԥгалатәуп апрофилактикатә усурақәа. Акапиталтә усурақәа ракәзар, "Синоп" аподстанциа 2014 шықәса рзы ихыркәшан, аподстанциа "Аҟәа-2" ҟаҵан 2016 шықәса рзы. Уажәы "Аҟәа-1" аҿы Аинвестпрограммала аусурақәа мҩаԥысуеит. Акызаҵәык, арҭ аподстанциақәа рҿы атрансформаторқәа зымчхара иаҳа иҳараку ықәыргылахом макьана, апроект аханатә ианышьақәдыргылоз иарбамызт", - ҳәа еиҭеиҳәеит Цәеиба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

6
Атемақәа:
Аԥсны аенергетика апроблемақәа

Апарламент аиҳабы ахада уаанӡатәи ицхырааҩ иумҭазы адепутатцәа ргәаанагар атәы иҳәеит

1
Ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы. Урҭ рҟынтәи 200-ҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент аиҳабы Валери Кәарҷиа Апарламент аҿаԥхьа еизаз рахь днеиит.

Иара иҳәеит ахада уаанӡатәи ихаҭыԥуаҩ Бенур Қәираиа иӡбахә ала аоппозициа ахаҭарнакцәа ирыҿцәажәан ҳәа. Иара ишиҳәо ала авидео адепутатцәа ирымбацызт.

"Аоппозициа ахадацәеи адепутатцәеи аҭагылазаашьа иалацәажәеит. Иӡбан хәажәкыра 3 рзы аилатәара мҩаԥгазарц. Аҭагылазаашьа гәыгәҭаҳажьуам", - иҳәеит Кәарҷиа.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы. Еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

1