Дочиа еиҭеиҳәеит Тҟәарчал адгьыл ахьҳәазаз иахьазы иазыӡбоу атәы

25
(ирҿыцуп 16:33 17.02.2021)
Тҟәарчал араион ахада Исидор Дочиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит адгьыл ахьҳәазаз аҭагылазаашьа иахьа изеиԥшроу, амҩа аиҭашьақәыргылара азҵаара уажәазы иазыӡбоу.
Раионк аԥсҭазаараҟынтә: Дочиа Тҟәарчал адгьылҳәазара иазкны

Аԥсны аԥыза-министр ихаҭыԥуаҩ, аекономика аминистр Кристина Озган жәабран 16 рзы Тҟәарчал араион даҭааит адгьыл ахьыҳәазаз аҭыԥ лбаразы. Озган "Аҟәарахьчара" аиҳабы Гурам Ҳаразиа инапы ианылҵеит Бедиеи Тҟәарчали рыбжьара аамҭалатәи асхемала аимадараз ажәадгалақәа азырхиазарц.

"Ицәгьоуп амҩа азҵаара алацәажәара, ианыҟало атәы. Адгьыл ахьҳәазаз 15 гектар инареиҳаны иаҵанакуеит… иҟоуп 15- 30 метра рҟынӡа иахьҳәазаз аҿыгҳара. Иҳәазаз адгьыл маиҟәаԥтәи анышәаԥшь ҳәа изышьҭоу ауп. Иахьа амшқәа шышьақәгылаз ала, аҳәазара иахьалагаз аӡқәа ҭатәоуп хыхь, уахь атехника хагаланы аусурақәа рымҩаԥгара уадаҩуп…аамҭа аҭахуп, аспециалистцәагьы адԥхьалатәуп. Иахьа убасгьы ашәарҭара ыҟоуп иҳәазаны илбаауа адгьыл аӡы ҭачыр, нас ихыҵны ақыҭа ирыҵалар ҳәа. Уажәы иҳәазаны илбаауа адгьыл 100 метрак рҟынӡа аҵанакуеит амҩа. Иаур даҽа мҩак алданы, ахаҳә ықәԥсаны аамҭала аҟаҵара азыӡбаны иҳамоуп. Уи аспециалистцәа игәарҭароуп, амҩазы ҿыц иԥырҟо адгьыл мҳәазарц. Иааиуа амчыбжь азы ус еиԥш аусурақәа азгәаҭоуп. Ацҳақәа ҩба хҵатәуп, амҩа ҟаҵатәуп. Уажәы ауаа 80 километра рҟынӡа иакәшаны иаауеит ақалақь ахь", - иҳәеит Дочиа.

Тҟәарчал араион Бедиа ду ақыҭаҿы адгьылҳәазара иалагеит ажьырныҳәа 15 рзы. Мышқәак рышьҭахь Тҟәарчалҟа уназго амҩа ҭабгеит. Иахьазы ақыҭақәа Бедиа ду, Агу-Бедиа, Бедиа рахь анеира ԥкуп.

Аԥсны аԥыза-министр ихаҭыԥуаҩ, аекономика аминистр Кристина Озган Аԥсны акапиталтә ргылараз аусбарҭеи Агеологиеи, агеодезиеи акартографиеи русбарҭеи рнапы ианылҵеит Тҟәарчал адгьылҳәазара урыстәылатәи аҟазауаа радрыԥхьалара азҵаара аус адыруыларц.

Шәазыӡырҩы аудио.

Иара убас шәаԥхьар ҟалоит:

25

"Ақыҭа - нхарҭа ҭыԥуп": Сақаниа ақыҭа абзазашьеи аҿиареи ирызкны

25
(ирҿыцуп 11:38 09.03.2021)
Лыхны ақыҭа анхаҩы, Гәдоуҭатәи амашьына-трактортә станциа аиҳабы Лавренти Сақаниа арадио Sputnik адырраҭара "Ақыҭа - нхарҭа ҭыԥуп" аҟны еиҭеиҳәеит аԥсуа қыҭақәа иахьатәи рыбзазашьеи, урҭ рырҿиаразы иаҭахны ҳәа ииԥхьаӡои ртәы.
"Ақыҭа - нхарҭа ҭыԥуп": Сақаниа ақыҭа абзазашьеи аҿиареи ртәы

Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.

Шәазыӡырҩы аудио.

Иара убас шәаԥхьар ҟалоит:

25
Пресс-конференция молодежного театра

Актриса Агәмааԥҳа: аԥхьа исоуаз ашәҭқәа еснагь схатә ҩыза иҟынтә акәын

16
(ирҿыцуп 17:17 08.03.2021)
Хәажәкыра 8 - аҳәса Жәларбжьаратәи рымш ныҳәоуп. Сыԥсҭазаараҿы разҟны исыман схатә ҩыза еилкаарыла сусуреи сзанааҭи дахьазнеиуаз, абри атәы лҳәеит арадио Sputnik аефир аҟны Аԥсны Жәлар рартистка Софа Агәмааԥҳа.
Актриса Агәмааԥҳа: аԥхьа исоуаз ашәҭқәа еснагь схатә ҩыза иҟынтә акәын

"Сыԥсҭазаараҿы разҟны исоуит аҭаацәараҟны аилибакаара, уи иара иганахьала иҟан, сара сганахьалагьы. Ирымҳәалои аихыбаара ҟалалоит ҳәа, ҳаҩнаҭаҟны иҟамызт. Уи иаргьы иџьшьоуп, саргьы", - лҳәеит Софа Агәмааԥҳа.

Аԥсны Жәлар рартистка иазгәалҭеит асценаҟны лықәгылара ашьҭахь раԥхьатәи ашәҭқәа лхатә ҩыза Виктор Џьниа (Абаза) иҟынтәи ишлоуаз, лзанааҭ акәымызҭгьы еинасыԥымхаргьы ауан ҳәа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

16

Рыӡбахә ҳәоуп аԥхынразы аҭыԥқәа еиҳа заа иахьҿарҵо Аԥсны акурортқәа

1
(ирҿыцуп 13:09 09.03.2021)
Асиа шьақәыргылоуп 2020-2021 шықәсқәа рзы Аԥсны заанаҵтәи аҭыԥқәа рҿаҵараз амаҵзура адыррала.

АҞӘА, хәажәкыра 9 - Sputnik. Аԥсшьараз анхарҭаҭыԥқәа рҿаҵара амаҵзура TVIL.RU адырра ҟанаҵоит Аԥсны акурортқәа реиҳа аҿаҵа ахьыҟарҵо ракәны иҟоуп ҳәа.

Атуристцәа реиҳараҩык заанаҵы 8 - 15 уахы аангылареи 1,3 - 2,7 нызқьмааҭ аныхреи рыгәҭакуп.

Убри аан аиҳарак аԥсшьара ахәԥса лаҟәуп Гәдоуҭа - 1,3 нызқьмааҭ уахык азы, еиҳа ахәԥса ҳаракуп Пицунда - 2,7 нызқьмааҭ уахык азы.

Ииасыз ашықәс иадкыланы заанаҵтәи аҿаҵақәа рхыԥхьаӡара еиҳахеит акурортқәа быжьба рҿы:

  • Гагра – 2419 мааҭ / 11,5 у.,
  • Пицунда – 2683 мааҭ / 11 у.,
  • Афон ҿыц -1984 мааҭ / 8 у.,
  • Аҟәа – 2441 мааҭ / 15 у.,
  • Цандрыԥшь – 2399 мааҭ / 13 у.,
  • Алаҳаӡы – 2579 мааҭ / 10 у.,
  • Гәдоуҭа – 1305 мааҭ / 14 у.

Иара убас шәаԥхьар ҟалоит:

1