Ҷыҭанаа сынтәатәи аԥсыӡкра аамҭа ахәшьара аиҭеит

10
(ирҿыцуп 10:29 18.02.2021)
Аекологиазы аҳәынҭқарратә еилакы ахантәаҩы Савели Ҷыҭанаа арадио Sputnik аефир аҟны сынтәатәи аԥсыӡкра аамҭа ахәшьара аиҭеит.
Ҷыҭанаа алкаақәа ҟаиҵеит сынтәатәи аԥсыӡкразы

Аԥсны акамшьиа акра иалагоит ԥхынҷкәынмзазы, ихыркәшахоит жәабран-хәажәкыра амзақәа рзы. 2020-2021 шықәсқәа рзы Аԥсны азин ыҟоуп 42 тонна акамшьиа акра.

"Сынтәа акамшьиа акразы аамҭа абжеиҳара мҩасхьеит, ҵыԥхи сынтәеи еиҿурԥшуазар, аиашазы, алкаақәа иҟауҵо рацәоуп. Ҵыԥх уажәааны азауадқәа зегьы 30 нызқь тонна рҟынӡа ркхьан. Сынтәа ҳахьааиҳьоу аамҭа аҟны иркхьеит 4 нызқь тонна рҟынӡа акамшьиа. Уи зыхҟьаз аҳауа аԥхарра ахьаҵаз ауп, мышқәак роуп иҵуа хәыҷык ихьшәашәарахеижьҭеи. Амшынӡы хьшәашәамхеит, акамшьиа акәзар Аԥсны аҟәарахьы аӡын ахнагарц иаауеит. Амшын еиқәа иаакәыршаны ахьҭа анкатәалак, ҳара ҳахь иаауеит, избанзар ҳара ҳҟны ҳамшын иаҿықәу аӡы иаҳа иԥхоуп. Сынтәа Ҭырқәтәыла аҟәарақәа рҟны иаангылеит, избанзар амш бзиан. Дара рҟны аԥсыӡкра уаҳа наҭахымкәа сынтәа имҩасуеит", - иҳәеит Ҷыҭанаа.

Аекологиазы аҳәынҭқарратә еилакы ахантәаҩы иазгәеиҭеит аԥсыӡкразы аҭагылазаашьа иаҳа еиӷьхар ҟалап хәыжәкырамзазы ҳәа. Сынтәатәи аҭагылазаашьа еиԥшны иҟалахьан 7-8 шықәса раԥхьа. Усҟан акамшьиа акразы аамҭа мшаԥынӡа инаскьаган иҳәеит Ҷыҭанаа.

Шәаӡыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аҟны.

Иара убас шәаԥхьар ҟалоит:

10

Џьопуа Гәылрыԥшь афымцалашара ахархәаразы: иаҳзыԥҵәоу арбага ҳахысран ҳаҟам

28
(ирҿыцуп 20:25 02.03.2021)
Гәылрыԥшь араион ахада ихаҭыԥуаҩ Асҭамыр Џьопуа арадио Sputnik аефир аҿы еиҭеиҳәеит араион аҿы афымца ахархәара хылаԥшра азызуа аштаб аусура атәы.
Раионк аԥсҭазаараҟынтә: Џьопуа Гәылрыԥшь афымца ахархәара хылаԥшра азызуа аштаб

"Гәылрыԥшь араион аамҭакала 34 мегаватт афымца ахархәаразы азин амоуп. Уажәы ашколқәеи ахәыҷбаҳчақәеи аусура иалагеит, уи инамаданы афымцалашара ахәархәара иаҳа иацлеит, аха ҳраион иазоужьу арбагақәа ҳархымсӡеит, убри аҟнытә аҭагылазаашьа цәгьам ҳәа ахыуҳәаартә иҟоуп. Ҳара иазыԥҵәоу арбага ҳахысрангьы ҳаҟам. Акаҭрантә зауад аҿы аус зуаз амаинингтә ферма акәзар, уаанӡагьы иаҿаҳхьан, уи аферма еиҳагьы еиҳан, маҷ-маҷ ақәгара иаҿын. Иахьазы уи азауад аҿы акгьы ыҟаӡам. Аштаб еиҿкаауижьҭеи 20 ферма инарзынаԥшуа аҿыхуп. Иҟоуп актәи амш инаркны аԥшәмацәа аилкаара аарԥшны иаҿызхыз, уи ашьҭахьгьы иаҿазымкыз. Иҟоуп еиҭа иаҿазкуагьы, урҭ рфермақәа зынӡагьы иқәыргартә аҟынӡа ҳазнеит, иахьазы быжь-фермак араион аҿы зынӡагьы иқәгоуп", -  еиҭеиҳәеит Џьопуа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

28
Атемақәа:
Аԥсны аенергетика апроблемақәа

Габелаиа Аԥсны Асовет мчра ашьақәгыларазы: ҳҭоурых аҿы аҵак ду змоу даҟьоуп

13
(ирҿыцуп 17:39 02.03.2021)
Асоветизациа 100-шықәса ахыҵра иазку жәларбжьаратәи аҭҵаарадырратә конференциа мҩаԥысуан Аҟәа. Аҵарауаҩ Аслан Габилаиа арадио Sputnik аефир аҿы еиҭеиҳәеит иажәахә зызкыз, насгьы уи имҩаԥигаз аҭҵааратә усура иаанырԥшыз атәы.
Хра злоу ахҭысқәа: Габелиа Аԥсны асоциалтә-економикатә ҭагылазаашьазы Асовет аамҭазы

"Асовет мчра ашьақәгылара аҵак ду змоу даҟьоуп Аԥсны аҭоурых аҿы. Сажәахә аҿы еиҳарак сызлацәажәоз Аԥсны асовет аамҭазы асоциалтә-економикатә ҟазшьа змаз ахҭысқәа ракәын. Сазааҭгылеит ақыҭанхамҩа аус, ареформақәа иҟаҵаз, ашколқәа аҿиара шроуз, акультуратә ханқәа рыргылара. Иазгәаҭатәуп, Аԥсны Асовет мчра анышьақәгыла ашьҭахь ҳтәыла аекономика даара аҿиара шаиуз, даара асоциалтә ҭагылазаашьа еиӷьхеит. Уи ҳнарбоит архивтә материалқәа, иара аҵарауаагьы уи ҭырҵаахьеит", - ҳәа еиҭеиҳәеит Габелаиа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

13

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау