Аҟәысба Аԥснынтәи Ермантәылаҟа аихамҩазы: зҳәынҭқарра иахәаша зҭаху даҿагылаӡом

90
(ирҿыцуп 10:06 19.02.2021)
Ҭырқәтәыла иҟоу Аԥсуа культуратә хеилакқәа рфедерациа ахантәаҩы Аҭанур Аҟәысба арадио Sputnik аефир аҟны еиҭеиҳәеит Аԥсны иагәылсны Урыстәылеи Ермантәылеи рыбжьара аихамҩатә еимадара аус арура азҵаара иацхраарц, ҳдиаспора ахаҭарнакцәа ирыдыркыло ашьаҿақәа ртәы.
Аҟәысба Аԥснынтәи Ермантәылаҟа аихамҩа аус аруразы: зҳәынҭқарра иахәаша зҭаху даҿагылазом

Аԥсны иалсны Урыстәылеи Ермантәылеи рыбжьара аихамҩатә еимадара аус аруразы, еиҟароу азинқәа змоу алахәцәа раҳасабала Аԥсны шазхиоу уи апроект алахәхаразы Жзлар реизара адепутатцәа Урыстәыла Ахәынҭқарратә Дума ашҟа ажәалагала ҟарҵеит, убасгьы Москва аиԥылара рыман. Убасгьы ари азҵаара ацхрааразы Ҭырқәтәыла иҟоу аԥсуа диаспора ахаҭарнакцәа Ҭырқәтәыла аиҳабыра рҟны аицәажәарақәа мҩаԥыргоит.

"…ари ҿыцны иҟалаз аҭагылазаашьа ҳазҿлымҳауп Ҭырқәтәыла иқәынхо аԥсуаа, аҭынчра иахәарҭаны, абизнес азы ихәарҭаны ишыҟалаша ҳазхәыцуеит. Ҳаргьы ҳгәаанагара раҳҳәоит араатәи аҳәынҭқарра анапхгара, ҳаицәажәоит ари аус аганахьала. Ҿыцны еиҿыркаауа излагаз ф-гәыԥк ҳәа ззырҳәо Аԥснгьы алалар ҳҭахуп. Уи Қырҭтәыла, Ермантәыла, Азербаиџьан, Урыстәыла, Иран зегьы ахьыҟоу ауп. Ари адгьылҵакыраҟны аимак- аиҿакқәа хәыҷык рҭышәнартәалара иазеиӷьхоит ҳәа ҳӷәыӷуеит (аихамҩа аартра –аред.). Ермантәылеи Азербаиџьани рыбжьара иҟалаз аибашьра ашьҭахь, аихамҩа иалацәажәаны даҽа мҩакахь иахьеихаз Аԥсны иагыжьны ииашоуп ҳәа ҳгәы иаанагаӡом… Ари азҵаара ҳаԥсадгьыли егьырҭ аҳәынҭқаррақәеи ишрыхәарҭахо азы ишақәнагоу аӡыргара, идҳардырыц азы ишҳалшо аус адаҳулоит", - иҳәеит Аҟәысба.

Шәазыӡырҩы аудио. Иаҳа инеиҵыху анҵамҭа шәаҳәар шәылшоит арадио Sputnik аефир аҟны.

Иара убас шәаԥхьар ҟалоит:

90

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4

Гәбаз аҭыԥантәи ахаланапхгараҭарақәа рахь алхрақәа рзы: активра ӷәӷәоуп

8
Гәдоуҭа араион алхратә комиссиа ахантәаҩы Лавренти Гәбаз арадио Sputnik аефир аҟны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рыҽшырзыҟарҵо атәы.
Раионк аԥсҭазаараҟынтә: Гәбаз аҭыԥантәи ахаланапхгараҭарақәа рахь алхрақәа рзы

Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысраны иҟоуп мшаԥы 11 рзы. Хәажәкыра ҩба рзы акандидатцәа рҭаҩра иалагеит.

"Гәдоуҭа араион аҟны алхырҭатә ҭыԥ хадақәа 29 ыҟоуп, ус анакәха 29-ҩык араионтә еизарахь адепутатцәа алхтәуп. Иара убас ақыҭақәа зегьы рҟны имҩаԥысуеит аҭыԥантәи ахадарақәа рахь адепутатцәа ралхра. Афон ҿыц ақалақьтә еизарахь 9-ҩык ралхра еиҿкаахоит. Аԥҟаԥҵәа анҭыжьха ашьҭахь 10 мш алхратә ҭыԥ хадақәеи акомиссиақәеи реиҿкаара мҩаԥаагон. Иахьазы араион аҟны акомиссиақәа зегьы еиҿкаауп. Иахьазы араионтә алхратә комиссиахь аԥшьгаратә гәыԥқәа инаргахьеит 14 –ҩык ркандидатурақәа. Алхыҩцәа рнапынҵақәа реизгаразы ашәҟәқәа раҳҭеит. Хәажәкыра 20-нӡа аҿҳәара рымоуп. Алхыҩцәа 50 иреиҵамкәа, 70 иреиҳамкәа алхыҩцәа рнапынҵа аҭахуп акандидатура ишақәшаҳаҭу ала. Иахьанатә иубаратәы иҟоуп даара активра шыӷәӷәоу. Уажәнатәгьы алхырҭатә ҭыԥ хадаҟны ҩыџьа ахьықәгылоу ыҟоуп, хҩыкгьы рыӡбахә ахьҳәоу. Излазбо ала кандидатк имацара дҟалап ҳәа сгәы иаанагом", - иҳәеит Гәбаз.

Шәазыӡырҩы аудио.

Иара уҩас шәаԥхьар ҟалоит:

8

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау