Агрба Пицундатәи акультуратә хан азы: ҳааҟәымҵӡакәа иаҳҳәоит, аха азҵаара ӡбашьа амаиуӡеит

398
(ирҿыцуп 18:51 18.02.2021)
Пицунда акультура ԥсҭазаара зеиԥшроу атәы арадио Sputnik аефир аҿы еиҭеиҳәеит аҭыԥантәи акультуратә хан аиҳабы Ҭеимыр Агрба.
Раионк аԥсҭазаараҟынтә: Агрба Пицундатәи акультуратә хан аҭагылазаашьазы

"Пицунда - акультуратә хҭысқәа рыла еснагь ибеиан, аха аҵыхәтәантәи аамҭаз еиуеиԥшым амзызқәа ирыхҟьаны ҳазлаҽхәо маҷхо иалагеит. Зегь раԥхьа иргылан акультуратә хан аҭагылазаашьа, уи анырра анаҭоит. 15 шықәса ҵуеит акультуратә хан абжа аус амуижьҭеи. Изыхҟьаз ҳзымдыруа амца акит, аконцертә зал акгьы узалымхуа ибылны ицеит. Ақәа кылсуа иалагеит, иԥхасҭахеит ауадақәа. Ахан аҭагылаазашьа даараӡа ицәгьоуп. Аԥсны Аинвестпрограммала акультуратә ханқәа реиҭашьақәыргылара аус анцоз, ари ахан зныкгьы асиа ианымлеит. Ҳааҟәымҵӡакәа ҳалацәажәоит акәымзар, ари азҵаара ӡбашьа амаиуӡеит. Иахьа ахәыҷқәа адәы ианҵаны апатриотизм ҳазрылааӡаӡом. Иахьынӡахәыҷу ашәаҳәашьеи акәашашашьеи дҳарбароуп", - ҳәа еиҭеиҳәеит Агрба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

398

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5