Бигәаа еиҭеиҳәеит Гал араион ақыҭанхамҩаҿы имҩаԥысуа аусурақәа ртәы

8
(ирҿыцуп 14:33 22.02.2021)
Гал араион ахадара ақыҭанхамҩа аҟәша аиҳабы Беслан Бигәаа арадио Sputnik аефир аҿы еиҭеиҳәеит апты аҟынтә ахәшәтәрақәа рымҩаԥгаразы аминистрра аҟынтә ироуз апрепаратқәа рхы иадырхәарц ргәы ишҭоу.
Раионк аԥсҭазаараҟынтә: Бигәаа Гал араион аҿы апты аҟынтә ахәшәтәрақәа рымҩаԥгара иазкны

"Гал иаҭоуп апты кыгақәа жәа-нызқь цыра. Араион иаҵанакуеит ақыҭақәа 18, дара зегьы ишаны ираҳҭап ҳәа иазыӡбоуп. Иаҳшоит иааиуа амчыбжь азы. Иҳарҭеит еиҭа 50 цыра ахәшәтәрақәа зламҩаԥаҳгаша амаругақәа. Ахәшә макьана иаҳмоуцт, шаҟа ҳаураны иҟоу сызҳәом. Ақыҭанхамҩа аминистрраҿы адырра ҳарҭеит даргьы атракторқәа рыла ирхәышәтәырц ргәы ишҭоу. Егьыс ахәшә шҳаулак ҳамчқәа рыла аусурақәа хацҳаркырц ҳгәы иҭоуп", - ҳәа еиҭеиҳәеит Бигәаа.

Гал араион ахадара ақыҭанхамҩа аҟәша аиҳабы иҳәеит уажәазы араион иҿы иҟоу атехника ацәаӷәаразы азыҟаҵара иаҿуп ҳәа.

"Ацәаӷәара аамҭазы дара зегьы еиқәыршәаны, ирхианы иҟазарц адҵа ыҟоуп. Ҳгәы иҭоуп амхқәа ахьыҟаз ахкаарақәа ррыцқьара. Атехникала араион хар амаӡамкәа еиқәшәоуп", - иҳәеит Бигәаа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

8

"Ақыҭа - нхарҭа ҭыԥуп": Какалиа аԥсуа қыҭа иахьатәи абзазашьеи аҿиареи ртәы

11
(ирҿыцуп 11:09 01.03.2021)
Ақыҭанхамҩа ԥасатәи аминистр Амиран Какалиа арадио Sputnik адырраҭара "Ақыҭа - нхарҭа ҭыԥуп" аҟны игәаанагара иҳәеит Аԥсны Аџьынџьтәылатә еибашьра ашьҭахьтәи ашықәсқәа рзы ақыҭақәа рҭацәра, рхьысҳара зыхҟьаз, уаҟа аԥсҭазаара арҿиаразы иҟаҵатәу ҳәа иибо.
Ақыҭа - нхарҭа ҭыԥуп: Какалиа аԥсуа қыҭа иахьатәи абзазашьеи аҿиареи ртәы

Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.

Шәазыӡырҩы аудио.

Иара убас шәаԥхьар ҟалоит:

11

Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы

17
Аԥснытәи аҳәынҭқарратә музеи ажәытәӡатәи абжьаратәи ашәышықәсақәа рыҟәша аиҳабы Диана Ахԥҳа арадио Sputnik аефир аҟны дрылацәажәеит аҩыҟаҵареи аӡахәааӡареи ркультура Аԥсны акырӡа шахыҵуа шьақәзырӷәӷәо археологиатә ԥшаахқәа ртәы.
Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы

Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.

Иара убас шәаԥхьар ҟалоит:

17

Аексперт: Аԥсны абиуџьет азы ихәарҭахоит ашықәс зегьы иалагӡаны апутиовкақәа рҭилар

2
(ирҿыцуп 12:52 01.03.2021)
Ареспублика аҳауатә ҭагылазаашьа анаалоит амедицинатә ԥсшьара. Уи иахьа актуалра амоуп аҳәаанырцә аҳәаақәа ахьарку иахырҟьаны.

АҞӘА, хәажәкыра 1 - Sputnik. Аԥсны абиуџьет азы еиҳагьы ихәарҭахоит ашықәс зегьы иалагӡаны апутиовкақәа рҭилар ҳәа иҳәеит атуризм азы Урыстәыла Ауаажәларратә хеилак асанатор-курорттә ҿиаразы акомиссиа ахантәаҩы Дмитри Богданов ҳәа аанацҳауеит апортал Country Scanner.

Иара иазгәеиҭеит иааиуа ҩымз рзы шәачатәи апансионатқәеи асанаториқәеи реиҳарак рахь иҭиу аҭыԥқәа рхыԥхьаӡара 80% инаӡоит ҳәа. Иҟоуп жьҭаарамзазтәи аҭирақәагьы аанызкылахьоу.

Богданов игәаанагарала, Аԥсны иалшон Шәача иҟоу апансионатқәа разымхара ахарҭәаара.

"Аԥхын мацара акәымкәа ашықәс зегьы иалагӡаны апутиовкақәа ҭилатәуп. Аԥсны абиуџьет уи азеиӷьымхозар иазеицәахом", - ҳәа иҳәеит Богданов.

Ареспублика аԥхьанатә 500 000-ҩык рҟынӡа аныҟәаҩцәа аднакылар, краснодартәи асанаториқәа акыр рхы иақәиҭхон.

Убри аан иара игәаанагарала ахәԥсақәа рыцҵара аҭахым, амаҵзура аиӷьтәреи аматериалтәии атехникатәии база рырҭбаареи роуп иаҭаху.

Иара убас шәаԥхьар ҟалоит:

2