Атәылауаҩи аиҳабыреи: Џьапуа ақыҭанхамҩа аусхк аҟны алшарақәа ртәы
(ирҿыцуп 11:14 23.02.2021)
Аԥсны ақыҭанхамҩа "абӷа еиҵнахыртә" азы аҳәынҭқарра лшарас иамоу атәы арадио Sputnik аефир аҟны далацәажәеит аԥыза-министр актәи ихаҭыԥуаҩ, ақыҭанхамҩа аминистр Беслан Џьапуа.Атәылауаҩи аиҳабыреи: Џьапуа ақыҭанхамҩа аусхк аҟны алшарақәа ртәы
"Аԥсны аинвестициақәа ралагаларазы алшара ыҟоуп ззаҳҳәо, - ус иагьыҟоуп азоуп. Ҳара иҳамоу абиуџьет ала, ақыҭанхамҩа ааглыхратә комплекс ашьҭыхра ҳалшаӡом. Сынтәа ҳбиуџьет аҟны иарбоугьы макьана ишьақәыргылаӡам. Иара уи 100 мииллион мааҭ азоужьны иҟаларгьы, иаанагаӡом ақыҭанхамҩа ааглыхратә комплекс иадҳәалоу азҵаарақәа ҳаӡбоит ҳәа. Убри аҟынтә зегь раԥхьа иргыланы ҳзықәгәыӷуа Урыстәылантәи аинвестициақәа роуп. Иҟоуп ақыҭанхамҩа иадҳәалоу Ҭырқәтәылантәи аинвестициақәагьы. Ақыҭанхамҩа аус адызуло, амал алазгало ирыхәаша азинҷыдақәа арбоуп. Атәыла анҭыҵынтә иаауа аинвесторцәа рзы иманшәалоуп ҳәа ирыԥхьаӡоит иахәаԥшуа", - иҳәеит Џьапуа.
Инеиҵыху аиҿцәажәара шәаҳар шәылшоит аудиофаил аҟны.
Иара убас шәаԥхьар ҟалоит:
- Бжьаниеи Патрушеви Аԥсны ақыҭанхамҩа аҿиара азҵаара иалацәажәеит
-
Џьапуа еиҭеиҳәеит Аԥсни Урыстәыла рқыҭанхамҩатә усҳәарҭақәа русеицура шыҟоу
"Ақыҭа - нхарҭа ҭыԥуп": Какалиа аԥсуа қыҭа иахьатәи абзазашьеи аҿиареи ртәы
(ирҿыцуп 11:09 01.03.2021)
Ақыҭанхамҩа ԥасатәи аминистр Амиран Какалиа арадио Sputnik адырраҭара "Ақыҭа - нхарҭа ҭыԥуп" аҟны игәаанагара иҳәеит Аԥсны Аџьынџьтәылатә еибашьра ашьҭахьтәи ашықәсқәа рзы ақыҭақәа рҭацәра, рхьысҳара зыхҟьаз, уаҟа аԥсҭазаара арҿиаразы иҟаҵатәу ҳәа иибо. Ақыҭа - нхарҭа ҭыԥуп: Какалиа аԥсуа қыҭа иахьатәи абзазашьеи аҿиареи ртәы
Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.
Шәазыӡырҩы аудио.
Иара убас шәаԥхьар ҟалоит:
- Ҳагба: ҳбызшәеи ҳаԥсуареи еиқәхар ҳҭахызар - ақыҭа ҭаҳгароуп
-
"Сабша-мҽышала узынхаӡом" – ақыҭа ԥсҭазаара иацу ауадаҩрақәа ртәы
Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы
Аҭоурых иагәылаҵәаху: Ахԥҳа Аԥсны аҩыҟаҵареи аӡахәааӡареи ирыдҳәалоу ажәытә ԥшаахқәа ртәы
Шәазыӡырҩла арубрика "Аҭоурых иагәылаҵәаху" есмҽыша арадио Sputnik Аԥсны аефир аҿы.
Иара убас шәаԥхьар ҟалоит:
- Абжьеи, аӡахәабӷьы: аҩы хәшәык аҳасабала жәлар рмедицинаҟны ахархәара шамоу
-
Акаҷыҷ, Аҳардан, Амлахә: аӡахәа, ажь, аҩы аԥсуаа ркультураҿы
-
Зан диашоу, заб дхәахәоу, зыԥҳа дхагоу: аҩы аныҳәарақәа рҟны иааннакыло аҭыԥ
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит
АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.
Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.
Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.
©
Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит
Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.
©
Видео пресс-служба ЮВО
Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.
Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.
Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.
Иара убас шәаԥхьар ҟалоит:
-
Двинианин амобилтә госпиталь амедусзуҩцәа аҳаҭыртә шәҟәқәа риҭеит