Амҷба аррамаҵзура ахгаразы: ахаҵа ҳәа зхы зыԥхьаӡо иуалԥшьа наигӡароуп

19
(ирҿыцуп 13:48 23.02.2021)
Асовет ар афицар, Аԥсны Аџьынџьтәылатә еибашьра иалахәыз, Леон иорден занашьоу Рауль Амҷба арадио Sputnik аефир аҟны еиҭеиҳәеит Асовет Еидгыла аамҭақәа раан аррамаҵзура ахысра зеиԥшраз.
Ҳазлацәажәаша ҳамоуп: Амҷба асовет аамҭазы аррамаҵзура шихигоз атәы

Жәабран 23 - Аԥсадгьыл ахьчаҩцәа ирымшуп. Асовет еидгыла аамҭақәа рзы ари амш хшыҩзышьҭра аҭаны атәылақәа жәпакы рҿы иазгәарҭозҭгьы, иахьа еиҳарак Урыстәыла ауп ныҳәак еиԥш иахьаԥыло.

"…Усҟангьы, иахьагьы, уаҵәы иҟалогьы аӡәгьы издырӡом, дарбанзаалак ахаҵа ҳәы зхы зыԥхьаӡо, зуалԥшьа зыԥсадгьыли, зыжәлари, зҭаацәеи рҿаԥхьа иназыгӡараны иҟоу, хьаҳәхьачрада иуалԥшьа наигӡароуп. Акомиссариат аҟны акыр шықәса аус зуит. Арратә ҽазыҟаҵарақәа рахь ҳаргон. Аԥсуаа рхылҵшьҭра аҟыбаҩ бзиа злоу хшароуп, ацҳафырра рылоуп, рхы кашәаӡом. Ус иҟоуп гәык-ԥсыкала зуалԥшьта иазнеиуа. Иацәҟьаланы агәарабжьара ибжьаханы иҟоу рахь исҳәарц исҭаху, уаҵәтәи ԥсҭазаарак ҟаланы, ҳҳәынҭқарра ҳәынҭқарраҵас иҟаларц азы - ихьчазароуп. Уи зыхьчо аҿар рхыԥхьаӡара даара ирацәамзаргьы, иҟоу ибзиаӡаны иазыҟаҵазароуп…Ауаҩы д-профессорзааит, дакадемикзааит, аха иҳәынҭқарра аныхьчамха, ихаҭа даныхьчамха, акгьы илшаӡом. Уи ҳнарбоит ақырҭцәа анҳажәла инаркны иахьа уажәраанӡа ҳҭагылазаашьа", - ҳәа азгәеиҭеит Амҷба.

Шәазыӡырҩы аудио.

19

"Ақыҭа - нхарҭа ҭыԥуп": Сақаниа ақыҭа абзазашьеи аҿиареи ирызкны

25
(ирҿыцуп 11:38 09.03.2021)
Лыхны ақыҭа анхаҩы, Гәдоуҭатәи амашьына-трактортә станциа аиҳабы Лавренти Сақаниа арадио Sputnik адырраҭара "Ақыҭа - нхарҭа ҭыԥуп" аҟны еиҭеиҳәеит аԥсуа қыҭақәа иахьатәи рыбзазашьеи, урҭ рырҿиаразы иаҭахны ҳәа ииԥхьаӡои ртәы.
"Ақыҭа - нхарҭа ҭыԥуп": Сақаниа ақыҭа абзазашьеи аҿиареи ртәы

Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.

Шәазыӡырҩы аудио.

Иара убас шәаԥхьар ҟалоит:

25
Пресс-конференция молодежного театра

Актриса Агәмааԥҳа: аԥхьа исоуаз ашәҭқәа еснагь схатә ҩыза иҟынтә акәын

16
(ирҿыцуп 17:17 08.03.2021)
Хәажәкыра 8 - аҳәса Жәларбжьаратәи рымш ныҳәоуп. Сыԥсҭазаараҿы разҟны исыман схатә ҩыза еилкаарыла сусуреи сзанааҭи дахьазнеиуаз, абри атәы лҳәеит арадио Sputnik аефир аҟны Аԥсны Жәлар рартистка Софа Агәмааԥҳа.
Актриса Агәмааԥҳа: аԥхьа исоуаз ашәҭқәа еснагь схатә ҩыза иҟынтә акәын

"Сыԥсҭазаараҿы разҟны исоуит аҭаацәараҟны аилибакаара, уи иара иганахьала иҟан, сара сганахьалагьы. Ирымҳәалои аихыбаара ҟалалоит ҳәа, ҳаҩнаҭаҟны иҟамызт. Уи иаргьы иџьшьоуп, саргьы", - лҳәеит Софа Агәмааԥҳа.

Аԥсны Жәлар рартистка иазгәалҭеит асценаҟны лықәгылара ашьҭахь раԥхьатәи ашәҭқәа лхатә ҩыза Виктор Џьниа (Абаза) иҟынтәи ишлоуаз, лзанааҭ акәымызҭгьы еинасыԥымхаргьы ауан ҳәа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

16

Рыӡбахә ҳәоуп аԥхынразы аҭыԥқәа еиҳа заа иахьҿарҵо Аԥсны акурортқәа

1
(ирҿыцуп 13:09 09.03.2021)
Асиа шьақәыргылоуп 2020-2021 шықәсқәа рзы Аԥсны заанаҵтәи аҭыԥқәа рҿаҵараз амаҵзура адыррала.

АҞӘА, хәажәкыра 9 - Sputnik. Аԥсшьараз анхарҭаҭыԥқәа рҿаҵара амаҵзура TVIL.RU адырра ҟанаҵоит Аԥсны акурортқәа реиҳа аҿаҵа ахьыҟарҵо ракәны иҟоуп ҳәа.

Атуристцәа реиҳараҩык заанаҵы 8 - 15 уахы аангылареи 1,3 - 2,7 нызқьмааҭ аныхреи рыгәҭакуп.

Убри аан аиҳарак аԥсшьара ахәԥса лаҟәуп Гәдоуҭа - 1,3 нызқьмааҭ уахык азы, еиҳа ахәԥса ҳаракуп Пицунда - 2,7 нызқьмааҭ уахык азы.

Ииасыз ашықәс иадкыланы заанаҵтәи аҿаҵақәа рхыԥхьаӡара еиҳахеит акурортқәа быжьба рҿы:

  • Гагра – 2419 мааҭ / 11,5 у.,
  • Пицунда – 2683 мааҭ / 11 у.,
  • Афон ҿыц -1984 мааҭ / 8 у.,
  • Аҟәа – 2441 мааҭ / 15 у.,
  • Цандрыԥшь – 2399 мааҭ / 13 у.,
  • Алаҳаӡы – 2579 мааҭ / 10 у.,
  • Гәдоуҭа – 1305 мааҭ / 14 у.

Иара убас шәаԥхьар ҟалоит:

1