Микрофон  - Sputnik Аҧсны, 1920
Арадио

Маланиаԥҳа атуризм азы акадртә резерв аԥҵаразы: сус арманшәалоит

© Sputnik / Томас ТхайцукЕлизавета Малания
Елизавета Малания - Sputnik Аҧсны, 1920, 24.02.2021
Анапаҵаҩра
Аԥсны атуризм аминистрра асаит аҿы акадртә резерв абаза аԥҵара хацыркуп. Ари аус ахьынӡахәарҭоу атәы, насгьы ус еиԥш аҭахра ахьынӡаҟоу атәы арадио Sputnik аефир аҿы еиҭалҳәеит атуристтә еилахәыра "Аԥсуа-тур" аиҳабы Елизавета Маланиаԥҳа.

 

Ҳазлацәажәаша ҳамоуп: Маланиаԥҳа атуризм иадҳәалоу акадртә резерв аԥҵара иазкны

"Атуризм аганахьала акадрқәа ррезерв аԥҵара аус аминистрра даара ииашаны изызнеиз зҵаароуп. Аԥышәа змоу аусзуҩцәа рыԥшааразы ари ҳусура арманшәалоит. Иаҳҳәап, аекскурсиа амԥҩаԥгаҩцәа зегьы рус ахь ишьҭны еиҭа гәыԥҩык аԥсшьаҩцәа сзаазар, абаза схы иархәаны иаарласны дсыԥшаар сылшоит аамҭала исыцхрааша ауаҩы. Есышықәса аԥхын аамҭа ааигәахо ианалагалак, аԥсшьарҭатә ҩнқәа еизыргоит аусзуҩцәа, аҭыԥ аартразы, иарбанзаалакгьы занааҭла аԥышәа змоу убра иҭагалазар, зус ибзианы издыруа, уи аганахьала аҵара змоу, даара ицхырыаагӡахон. Ауаҩы иҭел мыԥшаауа, шаҟа шықәса аус иухьо еилкаауа, идыррақәа зеиԥшроузеишь ҳәа сымхәыцуа абри зегьы ахьызбаша абаза ҟалар, сусура аганахьала сарманшәалон", - ҳәа еиҭалҳәеит Маланиаԥҳа.

 

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

Ажәабжьқәа зегьы
0