Цәеиба: Аҟәатәи афымцеихшарҭақәа ртрансформаторқәа рымчхара маҷуп

10
(ирҿыцуп 17:51 02.03.2021)
Аҟәатәи аподстанциақәа ргәыԥ аусзуҩ Денис Цәеиба арадио Sputnik аефир аҿы еиҭеиҳәеит аҳҭнықалақь аҿы иҟоу афымцеихшарҭақәа ацәаҳәақәа рымчхара анеизҳауа аамҭазы рҭагылазаашьа атәы.
Цәеиба Аҟәатәи афымцеихшарҭақәа рзы: иқәгылоу атрансформаторқәа рымчхара маҷуп

"Аҟәа аподстанциақәа хәба ыҟоуп, дара зегьы раионцыԥхьаӡа иаҵанакуеит. Ҩышықәса - хышықәса ҵуеит ақәыӷәӷәарақәа ирыцлеижьҭеи, аха уажәы иаҳа анырра ҟало иалагеит. Дара астанциа маҷқәа рҿы иқәгылоу атрансформаторқәа амчхара ирымоу иахысуа иалагеит. Ақалақь азҳара иаҿуп. Ауаа рхыԥхьаӡара иацлеит. Анаплакқәа еиҳахеит. Ахьҭақәа раан иаҿаркуа амаругақәа иаҳа ирацәахоит. Алашара аҩнаҭаҿы инеиаанӡа ацәыӡгьы рацәоуп ацәаҳәақәа ирыхҟьаны. Аҭагылазаашьа зынӡагьы ицәгьоуп ҳазҳәаӡом, хәыҷы-хәыҷла аԥсахра иаҿуп амаругақәа. Хәышықәса рахьтә знык имҩаԥгалатәуп апрофилактикатә усурақәа. Акапиталтә усурақәа ракәзар, "Синоп" аподстанциа 2014 шықәса рзы ихыркәшан, аподстанциа "Аҟәа-2" ҟаҵан 2016 шықәса рзы. Уажәы "Аҟәа-1" аҿы Аинвестпрограммала аусурақәа мҩаԥысуеит. Акызаҵәык, арҭ аподстанциақәа рҿы атрансформаторқәа зымчхара иаҳа иҳараку ықәыргылахом макьана, апроект аханатә ианышьақәдыргылоз иарбамызт", - ҳәа еиҭеиҳәеит Цәеиба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

10
Атемақәа:
Аԥсны аенергетика апроблемақәа (256)

Смыр атуризми ачымазараҿки рзы аҭагылазаашьазы: аҵәгьы мбылуа, акәацгьы ӡуа иҟаҳҵароуп

9
(ирҿыцуп 12:08 23.04.2021)
Ауаажәларратә палата алахәыла, Афон ҿыц иҟоу асасааирҭа ҩны аиҳабы Витали Смыр арадио Sputnik аефир аҟны игәаанагара иҳәеит атуризм аусхк аганхьала иахьазы ишьақәгылаз аҭагылазаашьазы.

Мшаԥы 20 рзы Роспотребнадзор аԥҟара ҿыцқәа аланагалеит. Урҭ рыла, лаҵара 1 ашьҭахь аҳәаанырцәынтә ихынҳәуа акоронавирус азы ҩынтә атест арҭароуп. Аҩбатәи атест аҭак аҳәынҭқарратә маҵзурақәа иаку рпортал аҿы икьыԥхьтәуп. Урыстәыла атәылауаа Аԥсны иаҭааз, Краснодартәи атәылаҿацә аҿы иҭаҩу рыда, егьырҭ атестқәа арҭар акәхоит.

Смыр атуризми ачымазара ҿки рзы аҭагылазаашьазы: аҵәгьы мбылуа, акәацгьы ӡуа иҟаҳҵароуп

"Уаанӡа аԥсшьарҭа ҭыԥ ахь иаар зҭахыз аҭыԥқәа ааныркылон, ахәԥса хәыҷык ршәон, ишаауаз ҳдыруан, ҳаргьы ҳарзыԥшын. Абри Роспотребнадзор аԥҟарақәа рыдыркылеижьҭеи рызҵаарақәа рацәахеит, иҟоуп заанаҵтәи аҿаҵатәқәа мап рцәызкуа. Уи даргьы ирҭахым, аха ирацәаны ақьаадқәа аҭахуп рҳәоит (ачымазара ҿкы инадҳәаланы агәаҭарақәа ирыдҳәалоу - аред.), ҳаргьы ҳахьыӡ ҳмырцәгьарц, иаарышьҭыз аԥара шьҭахьҟа иҳаргьежьуеит. Ари хәыҷык иаҳԥырхагоуп, ҳаԥхьаҟа ишыҟало сыздыруам. Акзаҵәык иазгәасҭарц исҭаху, ҳнапхгара аҟынтәи, атуризм аминистрра аҟынтә аинформациа иаша ҽеишәа иҳамаӡам, еилырганы аԥсшьаҩцәа адырра раҳҭарц азы. Абри абас ауп ҳәа иаҳҳәаратәы амҩа ҳақәҵатәуп", - ҳәа азгәеиҭеит Смыр.

Иаҳа инеиҵыху аицәажәара шәаҳар шәҭахызар, шәазыӡырҩыр шәылшоит аудиофаил.

9
Астан Агрба

Раионк аԥсҭазаараҟынтә: Агрба араионтә еизара аусура аиҭахацыркра иазкны

2
(ирҿыцуп 19:31 22.04.2021)
Гагра араионтә еизара ахантәаҩыс деиҭалхуп Асҭан Агрба, иара арадио Sputnik аефир аҿы еиҭеиҳәеит аизара аҿаԥхьа хыдҵас иқәгылоу, русура злахацдыркуа азҵаарақәа ртәы.
Раионк аԥсҭазаараҟынтә: Агрба араионтә еизара аусура аиҭахацыркра иазкны

"Араион аизараҿы 25-ҩык адепутатцәа ыҟоуп, ҭыԥк аҿы алхрақәа мҩаԥымсит. Раԥхьа иргыланы иӡбтәу азҵаарақәа реиҳарак ируакуп-ақалақь аҩныҵҟа, ақыҭақәа рҿы, аҳаблақәа рҿы азеиԥштә нхара азҵаарақәа, ҳамҩақәеи афымцеи рҭагылазаашьа, аӡы. Ҳалагоит акурорттә сезон аҽазыҟаҵарақәа, аԥсшьаҩцәа ҳарзыԥшуп. Дара ирыхәҭоу аҭагылазаашьа аԥҵара азҵаарақәа адепутатцәа араион ахадара аԥхьа иқәдыргылоит. Нас ҳҽеимаданы абарҭ аусқәа рынагӡара ҳрылагоит. Аԥсшьаҩцәа Гагра иаап ҳәа агәыӷрақәа ҳамоуп. Ус аинформациа ҳауеит аԥсшьарҭатә ҩнқәа рҟнытә заатәи аҿаҵақәа рыла", - еиҭеиҳәеит Агрба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

2
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

1
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

1