Габалыиа: аԥхьаҩцәа рацәаны измоу аҩымҭа ахаҭабзиара еснагь иҳаракым

23
(ирҿыцуп 17:35 03.03.2021)
Иахьа ашәҟәыҩҩ Адунеизегьтәи имш ныҳәоуп. Апоет, ажурнал "Алашара" апоезиа аҟәша аредактор Дырмит Габалиа арадио Sputnik аефир аҟны далацәажәеит арҿиара знапы алаку иахьатәи илшарақәа, аҩымҭа аԥхьаҩцәа рацәаны иамазароуп ҳәа агәаанагара дшазыҟоу.
Ҳазлацәажәаша ҳамоуп: Габалыиа ашәҟәыҩҩы иахьатәи иҭагылазаашьа атәы

"…Иаҳҳәап, ахныҟәгаразы иахьа ашәҟәыҩҩра шаламшо уи зегьы иаҳбарҭахеит. Арҿиаҩцәагьы иахьа ус еиԥш ахықәкы рҿаԥхьа иқәдыргылаӡом. Ганкахьала уи арҿиара ахаҭабзиара изланыԥшуа ыҟоуп, избанзар ашәҟәыҩҩы дыҩуазароуп имыҩҩыр ада анамуа. Аӡәы аҩра идуҵозар уи даҽа ҟазшьак, даҽа хаҭабзиарак аанахәоит. Иахьатәи арҿиаҩы ихы дақәиҭуп, ирҿиара дақәиҭуп. Иара иӡбоит ианыиҩҩуа, ишыиҩҩуа»,- иҳәеит Габалыиа.

Иара иазгәеиҭеит амассатә ҟазшьа аманы, жәаҩык рҟынтәи 7-8 ҩык шәҟәык иаԥхьароуп ҳәа аҭагылазаашьа шидимкыло рҿиаҩык иаҳасабала.

"Асахьаркыратә ҩымҭа хәҩык ирыдымхаргьы иазҿлымҳаны аԥхьаҩцәа амазар -уи ҩымҭоуп. Иахьа еиуеиԥшым ахархәагақәа уцырхрааны иарбан ҩымҭазаалак убас иурҽхәар, иӡыругар ҟалоит Аԥсны аҩныҵаҟа акәым, анҭыҵгьы. Еиуеиԥшым абызшәақәа рахь еиҭаганы, акритикцәа, мамзаргьы иахцәажәо адгаланы иахәҭоу ажәақәа ахырҳәаартә аҭагылазаашьа аԥуҵар ҟалоит. Уи еилызкаауа, иззеилымкаауа ахаҭабзиара еицҿакны еимдо иаԥхьалар рылшоит, аха уи аҩымҭа аҩаӡара шԥаҟоу? Аԥхьаҩцәа рацәаны измоу аҩымҭа ахаҭабзиара еснагь иҳаракуп сызҳәом",- ҳәа азгәеиҭеит Габалыиа.

Шәазыӡырҩы аудио.

23

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5