Кәыҵниа аҭыԥантәи ахаланапхгараҭаратә усбарҭақәа рахь алхрақәа рзы: аҿар иаҳа иазҿлымҳауп

20
(ирҿыцуп 20:06 03.03.2021)
Тҟәарчал араион ахада ихаҭыԥуаҩ Витали Кәыҵниа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рҽазыҟаҵара шцо.
Раионк аԥсҭазаараҟынтә: Кәыҵниа алхрақәа рыҽшырзыҟарҵо атәы

Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысраны иҟоуп мшаԥы 11 рзы. Хәажәкыра ҩба рзы акандидатцәа рҭаҩра иалагеит.

"Иахьазы араион аҟны ишьақәыргылоуп араионтә алхырҭатә комиссиа. Иалхуп уи ахантәаҩи амаӡаныҟәгаҩи, алхырҭақәа рсиақәагьы ҟаҵаны иҳамоуп. Ҳаԥхьаҟа алхырҭатә ҭыԥқәа ркомиссиақәа аԥҵатәхоит, зынӡа ус еиԥш алхырҭатә ҭыԥқәа 15 ыҟоуп, иалырхуа адепутатцәагьы 15- ҩык ҟалоит. Шаҟаҩы ркандидатура ықәдыргыло макьана иҳаздырӡом. Алхыҩцәа рхыԥхьаӡара иахьазы ииашацәҟьаны ишьақәыргылам макьана, аҭҵаара ҳаҿуп. Егьырҭ алхрақәа раан ишыҟаз еиԥш хә-нызқьҩык рҟынӡа инаӡоит ҳәа ауп ишаҳдыруа. Макьана акандидатцәа рахьынтәи аӡәгьы дҳадымҵаалацт. Излаҳаҳауа ала рҽазыҟарҵоит аԥшьгаратә гәыԥқәа, абыжьқәа реизгара иаҿуп",- иҳәеит Кәыҵниа.

Шәазыӡырҩы аудио.

Иара убас шәаԥхьар ҟалоит:

20

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5