Аҟәысба Қьефқьен азеиҭынҵлақәа реиҭаҳаразы: уа иҟаз ахҭыс цәгьа адунеиҿ уаҳа иҟамларцаз

25
Қьефқьен амҳаџьырраан аԥсуааи егьырҭ Кавказ жәларқәеи ахьыӡхыҵыз аҭыԥ азааигәара ҳџьынџьуаа азеиҭынҵлақәа ззеиҭарҳаз, насгьы ишеиҭарҳаз атәы арадио Sputnik аефир аҿы еиҭеиҳәеит Ҭырқәтәыла иҟоу аԥсуа культуратә хеилакқәа рфедерациа ахантәаҩы Аҭанур Аҟәысба.
Аҟәысба Қьефқьен азеиҭынҵлақәа реиҭаҳаразы: уа иҟаз ахҭыс цәгьа адунеи аҿы уаҳа иҟамларцаз

"Ҳабдуцәа ахьыӡхыҵыз аҭыԥ асимволтә ҵакы амоуп. Есышықәса уа ҳцаны дара ирхыргаз агәаҟра ҳазхәыцуеит, иаҳгәалаҳаршәоит. Уи аҭыԥ аганаҿ иҟоу адгьылқәа рырԥшӡара, ҳара иаҳнаалартә аҟаҵара хықәкыс иҳамоуп. Уи инамаданы Аԥсуа хеидкыла уа иҟоу абзоурала, ақалақь ахадара рылшарала иазыӡбан азеиҭынҵлақәа реиҭаҳара. Уи абӷьыц адунеи аҿы аинаалара, аҭынчра иасимволуп. Уа иҟалаз ари ахҭыс цәгьа уаҳа иҟамларцаз, ҳҿар идҳардырырц, абри ҿырԥшыгас иҟаҵаны адунеи аҿы ас ацәгьарақәа уаҳа иҟамларацы ахәыцшьа роуратәы ҳҭахуп. Азеиҭын ашәышықәсақәа инареиҳаны аҽеиқәнархауеит. 3500 шықәса иреиҳауп ара иҟоу урҭ аҵлақәа. Абас иҟалаз ари ахҭыс наунагӡа имыӡыртә, ари ҿырԥшыгас иҟаҵаны, аринахыс амилаҭқәа еинаалартә еиԥш, аибашьра иаҟәыҵны аҭынчра ҟаларатәы, абри ҳагәҭакы дҳардырыртә ҳҭаххеит", - ҳәа еиҭеиҳәеит Аҟәысба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

25

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5