Эдуард Губаз

Гәбаз аботаникатә баҳчазы: адгьыл амамзаара иахҟьаны аҵиаақәа иааигәацәаны еиҭаҳауп

12
(ирҿыцуп 11:15 13.03.2021)
Аботаникатә баҳчаҿы аӡыншьҭахь аҭааҩцәа рыбла аргәырӷьартә анхамҩеиҿкааратә усқәа рынагӡара иаҿуп, абри атәы арадио Sputnik аефир аҿы еиҭеиҳәеит абаҳча аиҳабы Едуард Гәбаз.
Гәбаз аботаникатә баҳчазы: адгьыл амамзаара иахҟьаны аҵиаақәа иааигәацәаны еиҭаҳауп

"Аԥхынтәи аԥсшьаҩцәа раара аус аҽазыҟаҵара нап аҳаркит. Аҵиаақәа реилыхра ҳаҿуп. Абаҳча аҭааҩцәа ахьныҟәо амҩахәасҭақәа иагу иабзоу ҟаҳҵоит. Аусзуҩцәа иҳамоу рацәам, аха ҳамчқәа еибыҭаны иҳамоу аамҭа иалагӡаны ҳгәы иҭоу зегьы наҳагӡартә ҳаҿуп. Сынтәа аҵаа ԥырхага ҳнамҭеит, макьанагьы уи иацәшәо аҵиаақәа хҩаны иҟоуп. Аботаникатә баҳча ахықәкы хадақәа руак - ула хызкуа аҵиаақәа реизгара. Ҵыԥх аконференциақәа рахь ааԥхьара ахьҳамаз ҳзымцеит, уахь ҳанцалак абжьааԥны аидара ҳаманы ҳаауеит, Аԥсны ианаалап ҳәа сгәы изаанаго. Ҳарҭ есышықәса 40-60 рҟынӡа ахкы еизҳарҳауеит. Амала, ақалақь аҿы иҟоу аботаникатә баҳча ҭәит. Аҵиаақәа рыла иацаҳҵартә адгьыл ҳамам. Аҟәа иҟоу адендропарк аботаникатә баҳча иатәу, уаагьы адгьыл усҟак иҟам. Уаанӡа ҳныҟәарақәа раан иаагахьаз ажәлақәа шьҭа ирхылҿиааз аҵиақәа реиҭаҳара ҳгәы иҭоуп, дара адендропарк аҿы еиҭаҳахоит. Аха мыцхәы еизааигәаны аиҭаҳарагьы ииашаӡам ҳәа сахәаԥшуеит. Ҳара ҳҿы адгьыл амамзаара иахҟьаны аҵиаақәа хәыҷык иааигәаны еиҭаҳазшәа сахәаԥшуеит", - ҳәа еиҭеиҳәеит Гәбаз.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

12

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5