Кархалаа Марттәи ажәыларазы: агхақәа ҳгәы ҳдырхьуан, аха аиааира шаагоз ҳдыруан

95
(ирҿыцуп 13:13 15.03.2021)
Агәымшәаразы амедал занашьоу Зураб Кархалаа арадио Sputnik аефир аҿы еиҭеиҳәеит 28 шықәса раԥхьа март 15-16 рзы Аҟәа ахақәиҭтәраз имҩаԥгаз ажәылара атәы, аибашьцәа уи иадырҳәалоз агәыӷрақәа ртәы.
Афырхацәа рымҩала: Кархалаа Марттәи ажәылара иазкны

"Марттәи ажәылараз гәыӷрақәак ҳаман. Ианвар азы иалымҵыз аиааира уажәы иалыршахап ҳәа ҳхәыцуан. Амза 15 ауха аӡы ҳарит, хар ҳамаӡамкәагьы ҳнеихьан, аха Цугуровкаҟа ицоз зыманшәаламхеит, хәыҷы-хәыҷла ҳамгьежьыр ада ԥсыхәа ҟамлеит. Аҷкәынцәа ҳацәҭахо иалагеит. Уахыки-ҽнаки аӡы нырцә ҳалахан ҳаҟан, иҟан аибашьцәа зынӡа мчыбжьыкгьы изылымҵызгьы. Аухаҵәҟьа 222-ҩык ҭахеит. Марттәи ажәыларазы "ҳаҷкәынцәа ҭаирхеит" ҳәа зҳәазгьы ыҟоуп, аха уи ҟамлазҭгьы, аиааирагьы ҟаломызт. Зегьы ҳаибашьцәазма? Аибашьраҿы зны уаҵахароуп, зны уаиааироуп. Ажәылара аибашьцәа ргәы аԥхьа иканажьзаргьы, нас иазхәыцны ԥхьаҟа ицеит, ҳара иаҳзыҟамҵаз нарыгӡеит", - ҳәа азгәеиҭеит Кархалаа.

Зураб Кархалаа Марттәи ажәылараан ӷәӷәала дхәын. Аибашьцәа иаадырԥшыз ачҳареи агәымшәареи иабзоураны уи иԥсы ҭаны аибашьра адәаҟнытә иалгара алыршахеит. Арадиоефир аҿы игәаиларшәеит урҭ ахҭысқәа ртәы.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

95

Жәлар рдоуҳа: Ҭодуаԥҳа амифологиатә дунеи иазкны

0
(ирҿыцуп 13:50 14.04.2021)
Афольклорҭҵааҩ Есма Ҭодуаԥҳа арадио Sputnik арубрика "Жәлар рдоуҳа" аҿы еиҭалҳәеит аԥсуаа рқьабзқәа, рныҳәара злаарԥшу абызшәа атәы.
Жәлар рдоуҳа: Ҭодуаԥҳа амифологиатә дунеи иазкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

0

Қорсаиа: ҳашцо ҳцалар, иааиуа аӡын азы ҳенергетика ҳалгоит

5
(ирҿыцуп 10:16 14.04.2021)
Аԥсны аенергетика аганахьала ишьақәгылаз аҭагылазаашьази, амаинингқәа ҳтәылаҿы ԥеиԥшс ирымоуи рзы игәаанагара арадио Sputnik аефир аҿы иҳәеит 40 шықәса анџьнырс аус зуа Даур Қорсаиа.
Хра злоу ахҭысқәа: Қорсаиа Аԥсны аенергетика иазкны

"Уажәы аус шцо ицалар, амаининг фермақәа ҳарцәошәа, аха ииашаҵәҟьаны уи ус акәымкәа, жәаҳәарада ЕгрыГЕС аныҟарҵалакгьы акгьы иҳахәаӡом, избанзар, иалагеижьҭеи иаҳагьы иацлеит, ауаа ишаархәац иаархәоит, уи иахҟьаны еиҭа аӷьычрақәа цәырҵит, аӡәы иҟынтә аӡәы иӷьычуеит, урҭ рҟнытә даҽа шьоукы, апроцесс уажәгьы иаҿуп. Макьана ахықә аҟынӡа имнеиӡац, ари аанкылашьа амаӡам, избанзар, акриптовалиута ахә ацлара иаҿуп, ауаа знык аԥара агьама збаз, уи имариаӡаны изырҳауа, аанкылаша мчы ҳамаӡам", - азгәеиҭеит иара.

Қорсаиа иажәақәа рыла ас еиԥш ҳашцо ҳцалар, иааиуа аӡын азы ҳенергетика ҳалгоит.

"Иаанхаз атраснформаторқәа акакала, ҩба-ҩбала ибжьыслоит, ас еиԥш ақәыӷәӷәара рзычҳаӡом, иҳауа алашара ҳазхаӡом, аҭагылазаашьа еиҳагьы еицәахоит, ауаа еиҭа иархәалоит амаинингқәа, ирыԥшаалоит излаарго амҩақәа, аха убри аан амаининг аԥхьаҟатәи аԥеиԥш амоуп. Уи ахылаԥшра ӷәӷәа амазароуп аҳәынҭқарра аганахьала, иҟазароуп аԥҟарақәа. "Амшынеиқәафымцамч" атехникатә ҭагылазашьа изаԥнаҵароуп уи зҽазызкыр зҭаху изы, азин ылхны, ашәахтә акәҵаны, алашара ахә ақәҵаны, насгьы, ҭыԥла Гал араион ада афермақәа рыргылара азин ыҟамзароуп. Усҟан ацәаҳәақәа ақәыӷәӷәара роуӡом, уа алашара убыллар, иаҳа иныухуа алашарагьы маҷхоит",- агәаанагара ааирԥшит Қорсаиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

5
Атемақәа:
Аԥсны аенергетика апроблемақәа