Аҳәԥҳа галтәи ашколқәа рҿы аԥсшәа дырҵаразы: даара ирцәыцәгьахьеит

73
Гал араион аҵара аусбарҭа аԥсуа бызшәазы аметодист Ельмира Аҳәԥҳа арадио Sputnik аефир аҿы еиҭалҳәеит ашколқәа рҿы аҿкы чымазаразы аҭагылазаашьа зеиԥшроу атәы, насгьы аҵаратә процесс аиҭашьақәыргыларазы аметодика иалагалаз аиҭакрақәа ртәы.
Раионк аԥсҭазаараҟынтә: Аҳәԥҳа галтәи ашколқәа рҿы аҵаратә процесс иазкны

"Актәи абжьаратә школ аҿы хҩык арҵаҩцәа чмазаҩцәоуп. Аҩбатәи ашкол аҟынтә хҩык алкаан, урҭ рахьынтә хҩык аусурахь иҭыҵхьеит. Дара зегьы ачымазара марианы ирхыргеит. Аҵаҩцәа рахьынтә макьана аӡәгьы далкаам. Арҵаҩцәа рыҟамзаара аҵара процесс ианыԥшит ҳәа узҳәаӡом, избанзар, урҭ зыԥсахуаз арҵаҩцәа ыҟан. Ахәыҷқәа шныҟәац иныҟәоит, ишақәнаго еиԥш зегьы рмаҭәарқәа ирхысуеит. Ашколқәа рҿы лассы-лассы агәаҭарақәа мҩаԥаагоит, иаԥҵоу аԥҟарақәа иахьынӡарықәныҟәо аилкааразы", - ҳәа азгәалҭеит Аҳәԥҳа.

Аҳәԥҳа еиҭалҳәеит амшԥҵәатәқәа ахьыҟоу ашколқәа рҿы аҵаратә процесс шымҩаԥысуа, арҵаҩцәа уи ирызцәырнаго ауадаҩрақәа ртәы.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

73

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5