Багаҭелиа: сынтәа ихадараны иҟоу агәабзиара аиҭашьақәыргылара иадҳәалоу атуризм ауп

25
(ирҿыцуп 10:17 18.03.2021)
Атуристтә цәыргақәҵа MITT-2021 аусура иалахәу Аԥсны ахаҭарнакцәа аԥсшьаҩцәа ирыдыргаларц ирылшо атәы арадио Sputnik аефир аҟны еиҭеиҳәеит "Акурорт Пицунда" иаҵанакуа еиду апансионатқәа рменеџьер Азамаҭ Багаҭелиа.
Багаҭелиа: сынтәа иаҳа ихадараны иҟоуп агәабзиара аиҭашьақәыргылара иадҳәалоу атуризм

Аԥсны атуризм аминистрра XXVII Жәларбжьаратәи атуристтә цәыргақәҵа MITT-2021 иалахәуп Москва. Аԥснытәи аделегациа напхгара аиҭоит атуризм аминистр Ҭеимраз Хышба. Сынтәа ауснагӡатә мҩаԥысуеит Жәларбжьаратәи ацәыргақәҵатә центр "Крокус Экспо" аҿы хәажәкыра 16-18 рзы.

"Арҭ амшқәа рзы еиуеиԥшым аиԥыларақәа мҩаԥаагеит. Ари ашықәс даара иуадаҩын атуристтә усхк азы. Ачымазара ковид иахҟьаны атуроператорцәа русура ахырхарҭа хәыҷык ирыԥсахуеит, иахьазы иаҳа ихадароу акакәны иҟалоит агәабзиара аиҭашьақәыргылара иадҳәалоу атуризм. Еиуеиԥшым аиԥыларақәа мҩаԥаагеит амедицинатә программа иадҳәаланы. Ас еиԥш ацәыргақәҵа Аԥсны атуризм аминистрра, еиуеиԥшым атуроператорцәа, асасааирҭақәа рхы аналадырхәо алҵшәа бзиа ҳнаҭоит",- иҳәеит Багаҭелиа.

MITT - адунеи аҟны аԥыжәара змоу хә-цәыргақәҵак рхыԥхьаӡараҟны иҟоу Урыстәыла атуристтә цәыргақәҵоуп. Уаҟа еиқәшәоит атуризм аусхк знапы алакуи уи амаҵзурақәа зхы иазырхәоуи.

Сынтәатәи ацәыргақәҵа иалахәуп 200 тәыла: Малаизиа, Мальдивы, Ҭырқәтәыла, Бырзентәыла, Болгариа, Черногориа, Таиланд, Албаниа, Саксониа, Никарагуа уҳәа егьырҭгьы.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

25

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5