Илона Квициния

Кәыҵниаԥҳа ахьаҵлақәа ирызку ацәыргақәҵазы: аныӡаара ишықәгылоу ауаа азхьаҳарԥшыр ҳҭахуп

25
(ирҿыцуп 17:57 19.03.2021)
Аԥсуа ҳәынҭқарратә музеи аҟны Аԥсны ахьаҵлақәа ирызку ацәыргақәҵа аатит иахьа. Амузеи аусзуҩ Илона Кәыҵниаԥҳа арадио Sputnik аефир аҟны еиҭалҳәеит аҭааҩцәа ацәыргақәҵаҟны ирбарц ирылшо атәы.

 

Кәыҵниаԥҳа ахьаҵлақәа ирызку ацәыргақәҵазы: аныӡаара ишықәгылоу ауаа азхьаҳарԥшыр ҳҭахуп

"Аԥсны ахьа бнақәа. Иацы. Иахьа. Уаҵәы" ахьӡуп иахьа Аԥсуа ҳәынҭқарратә музеи аҟны иаатыз ацәыргақәҵа. Уи Аԥсны ахьаҵлақәа зҭагылоу ауадаҩрақәа ауаа реилыркааразы ауснагӡатәқәа ирыхәҭакуп. Ацәыргақәҵа аартызаауеит хәажәкыра 26–нӡа.

 

"Ацәыргақәҵаҟны ажәлар ирыдаагалоит иуникалтәу афотосахьақәа, урҭ еиуеиԥшым ақыҭақәа рҟны еизаҳгеит. Зашҭақәа, згәараҭақәа рҟны еиқәханы иҟоу, жәытәнатә аахыс пату зықәны иҟаз ахьа ҩнқәа рацәаӡам, аха афотосахьақәа ҟаҳҵартә еиԥш аҭагылазаашьа ҳауит… Убасгьы 11 хкы рҟынӡа афатә ҟаҵоуп. Уи амузеи аԥсабара аҟәша аусзуҩцәа рнапала, гәыкала арҭ амшқәа зегьы иҟарҵоз ахьа злоу, жәытә аахыс аԥсуаа акҿаҩраҿы рхы иадырхәоз афатәқәа роуп", - лҳәеит Кәыҵниаԥҳа.

Лара иазгәалҭеит ииасхьоу аамҭақәа рзы аԥсуаа ахьаҵла иаларыгӡоз иахьазы иаларыгӡартә ишыҟам.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

25

Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

41
(ирҿыцуп 19:04 17.04.2021)
Баслахәтәи анхаҩы Аслан Дохнаӡе арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит ақыҭаҟны ақьармытӡырҭа шаадыртыз, раалыҵ азы аҭахрақәа зеиԥшроу, ақьармыт ахкқәа шаҟа рымоу, раалыҵ злырхуа, ахәқәа зеиԥшроу.
Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

Шәазыӡырҩы аудио.

Иара убас шәаԥхьар ҟалоит:

41

Ахьиба еиҭеиҳәеит "Ауадҳара" аӡын аамҭазгьы аус аурц азы иҟаҵатәу

167
(ирҿыцуп 16:46 17.04.2021)
Апансионат "Ауадҳара" аиҳабы Радмир Ахьиба арадио Sputnik аефир аҿы иҳәеит иааиуа аԥхынтәи аамҭа рыҽшазыҟарҵо, насгьы аӡынтәи аамҭазгьы акурорт аус аурцаз ргәы иҭоу атәы.
Ахьиба еиҭеиҳәеит Ауадҳара аӡын аамҭазгьы аартра шрыгәҭаку

"Аҿаҵақәа ирылагоит лаҵара 15 инаркны, аха иара уажәгьы иҳаҳауеит ауаа аарц шырҭаху атәы. Аҽазыҟаҵарақәа ҳарҿуп, ҳҽеиҵаҳхыр ҳҭахуп, аплан иаҳарбеит иҳагу иҳабзоу, аӡын аамҭазы акурорт аус аҳарурц шаҳҭаху. Ари ашықәс азы раԥхьаӡа акәны аӡынгьы аус ҳурц ҳагәҭакуп. Урыстәылантәи ауаа иҳазҵаауа ыҟоуп, асы рацәаны ишьҭалоит, ара иаангылартә еиԥш иҟаҵатәуп. Ҳәарада, аӡын апансионат ааҳартырцаз аџьабаа даара ибатәуп, атехника ҳҭаххоит. Сынтәа атехника аахәареи аҩнқәа рыргылареи ҳгәы иҭоуп. Аԥхьа ауаа ҳарԥыланы арахь техникала ихаҳгало ала ашьапы аҳаркырц ҳгәы иҭоуп. Аҳәынҭқарра ҳавагылар, иҳацныҟәар, ҳгәы иҭоу рацәоуп", - еиҭеиҳәеит Ахьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

167

Адунеи аҿы иаарԥшу COVID-19 ахҭысқәа 140 миллион иреиҳахеит

1
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

1
Атемақәа:
Аҿкычымазара – акоронавирус Аԥсни адунеи аҿи: иалкаау