Миқааԥҳа еиҭалҳәеит иарбан ӡрыжәтәу ауаҩы изы еиҳа ихәарҭоу
(ирҿыцуп 18:13 22.03.2021)
Аӡы ҭзыжьуа аилахәыра "Кәыдры" алабораториа аиҳабы Асҭанда Миқааԥҳа арадио Sputnik аефир аҿы еиҭалҳәеит иарбан ӡрыжәтәу еиҳа ихәарҭоу, уи ииашаны ишыҵәахтәу.Хра злоу ахҭысқәа: Миқааԥҳа аӡы ахаҭабзиара иазкны
Хәажәкыра 22 рзы адунеи аҿы аҳәынҭқаррақәа жәпакы иазгәарҭоит аӡы жәларбжьаратәи амш.
"Ҳтәылаҿы иҟоу аӡқәа зегьы цқьоуп ҳәа иԥхьаӡоуп, аха дара зегьы еилазаарыла еиԥшӡам. Аӡрыжәтә цқьазароуп, аха иара иалазароуп анормативтә маҭәашьарқәа, ибеиазароуп аминиралқәа рыла. Акран аҟынтә иаауа аӡы рштәуп, уигьы знык ада иауӡом. Аӡыхьқәа рҟынтә ииагоу аӡы агьама ҷыда амамзар, иужәыр алшоит. Ԥсабарала, ӡык иамам аелементқәа егьы аӡы иамоуп аҟынтә акы иаалканы ажәразы ибзиоуп ҳәа узҳәом. Аӡқәа ԥсахлатәуп, иахьа уажәраанӡа ӡык ижәуа сыԥсҭазаара насыгӡоит ҳәа аҳәара ииашаӡам, избанзар, акы иалоу даҽакы иалаӡам. Аӡы ԥсабарала ихәарҭоу аелементқәа шалоу еиԥш ихәарҭамгьы алоуп. Убри аҟнытә араӡны анауҭалак урҭ аелементқәа ҵаҟа иартәоит, ус еиԥш х-литрак рҟнытә ҩ-литрак ужәыртә азин ыҟоуп, литрак кауҭәароуп", - еиҭалҳәеит Миқааԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- "Мышцәгьамзар аӡы зҭамло": Ӡыдаҟәара амаӡақәа
-
Анефт ишашьҭаз аӡы рԥшааит: Баӷрыԥшьтәи атыҩшаӡритә ӡыхь ахы шыҵнахыз
Чамагәуа Ҳабҩы азы: еизааигәаны аҭыԥԥшаӡарақәа рацәоуп
(ирҿыцуп 20:27 23.07.2021)
Аҷандара ақыҭан инхо Ҳабҩыҟа аԥсшьаҩцәа мҩаԥызго Адгәыр Чамагәуа арадио Sputnik аефир аҟны еиҭеиҳәеит уаҟа ауаа рыԥсшьаразы аҭыԥқәа зеиԥшроу, иахьа ауаа зҭаауа аҭыԥԥшӡарақәа ртәы.
Раионк аԥсҭазаараҟынтә: Чамагәуа Ҳабҩы аҭыԥԥшӡарақәа ртәы
"Ара даара аҭыԥ ԥшӡақәа рацәоуп, еизааигәоуп, хара ацара аҭахӡам. Ганкахьала ибзиазар ҟалап уамак иахьырзымдыруа, ауаа рацәа ахьымаауа, аԥсшьаразы иаҳа иманшәалоуп. Уи нас аамҭала акәзар акәхап, ҳаԥхьаҟа иаҳа ирацәахозаап ауаа, аха уи уазыҟаҵазар ауп. Ари Риҵаҟа ушцо еиԥш амҩақәа ус иманшәаланы иҟам", - иҳәеит Чамагәуа.
Шәазыӡырҩы аудио.
Иара убас шәаԥхьар ҟалоит:
-
Ҳара ҳауп зегь раԥхьа ҳаԥсабара ссир збаша: аҩнуҵҟатәи атуризми Ҳабҩи ирызкны
Шәлымба Аҟәа ауаажәларратә транспорт аанкыларазы: уи аҭагылазаашьахь ҳнеиргьы алшоит
Аҟәа ақалақь ахадараҿ аилацәажәара мҩаԥысит иҟоу аепидемиологиатә ҭагылазаашьа уадаҩ инадҳәаланы. Аҳҭнықалақь ахада иазгәеиҭеит ԥхынгәы нҵәаанӡа аџьармыкьақәа, ахәаахәҭратә ҭыԥқәа, ауаажәларратә транспорт рҟны аҭагылазаашьа ҭышәныртәалатәуп ҳәа.
Беслан Ешба инаҵшьны иазгәеиҭеит аиҳарак ахцәажәара аҭахны ишыҟоу ауаажәларратә транспорт – арныҟәцаҩцәа реиҳараҩык аԥкрақәа ирықәныҟәом. Аҟәатәи автотранспорттә наплакы аиҳабы Леонид Шәлымба иҳәеит арныҟәцаҩцәа 18-ҩык рҟынӡа шычмазаҩу, ас еиԥш ицар, ауаажәларратә транспорт аҿы аус зуа шыҟамло.
Шәлымба Аҟәа ауаажәларратә транспорт аанкыларазы: уи аҭагылазаашьахь ҳнеиргьы алшоит
"Сгәаанагарала, ачымазара шыҟоу ала иҟаларгьы ҟалоит (атранспорт аусура аанкылара - аред.), ада ԥсыхәа амаиур, аха сақәгәыӷуеит ауаажәлар иныҟәаҳго рхы рыхьчап ҳәа. Ҳара ҳрылыбжьаӡом, иахьа зегьы рхы рдыруеит. Амедицинатә сабрада ахаҵара иагьа ицәгьазаргьы ашоураан, хәыҷык рхы иахәаԥшны ацхыраара ҳарымҭар, уи аҭагылазаашьа ҳҭагыларгьы алшоит", - иҳәеит Шәлымба.
Шәазыӡырҩы аудио.
Иара убас шәаԥхьар ҟалоит:
-
Ешба Аҟәа аковидҿагыларатә уснагӡатәқәа рхылаԥшра рӷәӷәазарц анапынҵа ҟаиҵеит
Аԥсны акоронавирус 145-ҩык ишрылаз аадырԥшит иҳаҩсыз уахыки-ҽнаки рыла
(ирҿыцуп 23:42 23.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 20925-ҩык ыҟоуп, ргәы бзиахеит 16750-ҩык, рыԥсҭазаара иалҵит 285-ҩык.АҞӘА, ԥхынгәы 23 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 550-ҩык атестқәа рзыҟаҵан, урҭ рахьтә 145-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 192-ҩык, рҭагылазаашьа бааԥсуп 63-ҩык, ибжьаратәуп - 54-ҩык.
Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы пациент, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 23-ҩык, рҭагылазаашьа уадаҩуп- ааҩык. Гагратәи ахәшәтәырҭаҿы - 45-ҩык, урҭ рахьтә жәаҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>