Амҷба аҭыԥантәи алхрақәа рзы: атәылауаҩшәҟәы змам ргәы иалоуп, уи иахьалахәым

11
(ирҿыцуп 19:06 22.03.2021)
Гал араион аҭыԥантәи ахаланапхгараҭаратә усбарҭақәа алхрақәа рахь акандидатцәа ашәҟәы рҭагаларазы аус шеиҿкаази, абжьыҭаразы шаҟаҩы азин рымоуи ртәы арадио Sputnik аефир аҿы еиҭеиҳәеит араион алхратә комиссиа ахантәаҩы Игорь Амҷба.
Раионк аԥсҭазаараҟынтә: Амҷба Гал араион аҿы алхрақәа рымҩагара иазкны

"Аԥсны аҩныҵҟатәи аусқәа аминистрра иаҵанакуа апаспортә визатә ҟәша иаанашьҭаз асиала 872-ҩык алхыҩцәа ҳамоуп. Алхрақәа мҩаԥгахоит зегьынџьара, аха иҟоуп ақыҭақәак аӡәык ҩыџьак рыда атәылауаҩшәҟәы змоу ахьнымхо, убарҭ ақыҭақәа еицҵаны, алхратә закәан излаҳәо, алхырҭатә ҭыԥқәа ҟаҵоуп. Адепутатцәа рхеилак ахь 11-ҩык алырхраны иҟоуп. Уаанӡа иҟан 25-ҩык. Аҵыхәтәантәи адепутаттә алхарақәа араион аҿы имҩаԥган 2009 шықәса рзы. Уажәы алхрақәа мҩаԥысран ахьыҟоу аҭыԥқәа еилкаауп, аха дара макьана еиқәшәам, уигьы ари амчыбжь нҵәаанӡа еиқәыршәахап ҳәа ҳгәы иаанагоит", - еиҭеиҳәеит Амҷба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

11

Қорсаиа: ҳашцо ҳцалар, иааиуа аӡын азы ҳенергетика ҳалгоит

5
(ирҿыцуп 10:16 14.04.2021)
Аԥсны аенергетика аганахьала ишьақәгылаз аҭагылазаашьази, амаинингқәа ҳтәылаҿы ԥеиԥшс ирымоуи рзы игәаанагара арадио Sputnik аефир аҿы иҳәеит 40 шықәса анџьнырс аус зуа Даур Қорсаиа.
Хра злоу ахҭысқәа: Қорсаиа Аԥсны аенергетика иазкны

"Уажәы аус шцо ицалар, амаининг фермақәа ҳарцәошәа, аха ииашаҵәҟьаны уи ус акәымкәа, жәаҳәарада ЕгрыГЕС аныҟарҵалакгьы акгьы иҳахәаӡом, избанзар, иалагеижьҭеи иаҳагьы иацлеит, ауаа ишаархәац иаархәоит, уи иахҟьаны еиҭа аӷьычрақәа цәырҵит, аӡәы иҟынтә аӡәы иӷьычуеит, урҭ рҟнытә даҽа шьоукы, апроцесс уажәгьы иаҿуп. Макьана ахықә аҟынӡа имнеиӡац, ари аанкылашьа амаӡам, избанзар, акриптовалиута ахә ацлара иаҿуп, ауаа знык аԥара агьама збаз, уи имариаӡаны изырҳауа, аанкылаша мчы ҳамаӡам", - азгәеиҭеит иара.

Қорсаиа иажәақәа рыла ас еиԥш ҳашцо ҳцалар, иааиуа аӡын азы ҳенергетика ҳалгоит.

"Иаанхаз атраснформаторқәа акакала, ҩба-ҩбала ибжьыслоит, ас еиԥш ақәыӷәӷәара рзычҳаӡом, иҳауа алашара ҳазхаӡом, аҭагылазаашьа еиҳагьы еицәахоит, ауаа еиҭа иархәалоит амаинингқәа, ирыԥшаалоит излаарго амҩақәа, аха убри аан амаининг аԥхьаҟатәи аԥеиԥш амоуп. Уи ахылаԥшра ӷәӷәа амазароуп аҳәынҭқарра аганахьала, иҟазароуп аԥҟарақәа. "Амшынеиқәафымцамч" атехникатә ҭагылазашьа изаԥнаҵароуп уи зҽазызкыр зҭаху изы, азин ылхны, ашәахтә акәҵаны, алашара ахә ақәҵаны, насгьы, ҭыԥла Гал араион ада афермақәа рыргылара азин ыҟамзароуп. Усҟан ацәаҳәақәа ақәыӷәӷәара роуӡом, уа алашара убыллар, иаҳа иныухуа алашарагьы маҷхоит",- агәаанагара ааирԥшит Қорсаиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

5
Атемақәа:
Аԥсны аенергетика апроблемақәа

Џьугьелиа Рамадан аурычра аԥҟарақәа рзы: ҳгәабзиара иазеицәоу Ҳазшаз иҳадиҵом

9
(ирҿыцуп 18:29 13.04.2021)
Аԥсылманцәа рзы иԥшьоу амза Рамадан сынтәа иалагоит мшаԥымза 13 инаркны. Аԥсны аԥсылманцәа рдоуҳатә усбарҭа ахада ихаҭыԥуаҩ Абдураҳман Џьугьелиа арадио Sputnik аефир аҿы еиҭеиҳәеит аурычра аԥҟарақәа ртәы.
Џьугьелиа: ҳаныхәыҷыз амзаҿа ангыло аԥхьа иаабар, ҳамҭак ҳарҭоит ҳәа, аҵла ҳхалан ҳаԥшуан

"Ҳазшаз игәра зго зегьы џьанаҭ ҳақәгәыӷуеит, уахь ақәшәаразы иаҳа имаҷны агәнаҳа умазароуп, ибзиоу аусқәа ныҟәугозароуп. Сара иаха амзаҿа ангыла, ҳәарада, сеигәырӷьеит. Ацәылаҷҷара иалгаанӡа, уажәы асааҭ 4 рзы ацәылаҷҷара иалагоит, убраанӡа жәа-минуҭк шыбжьоу ауаҩы акрифароуп, нас акрыфара аанкыланы амра ҭашәаанӡа иԥшоит. Саргьы убас сналагеит иахьатәи сымш. Ауаҩы игәабзиара иазеицәоу Ҳазшаз ԥҟарак ҳара иҳадиҵаӡом, абри аурычрагьы убас ауп ишыҟоу. Ахәыҷы ари идцалаӡам, уныҟәугартә уаныҟалак аамҭа инаркны иахьынӡаулшо иныҟәугоит. Иахьазы ҳаҩнаҭаҿы сыҷкәын дыурычуеит, сара, сан шьҭа лгәыбзиара иауӡом", -  еиҭеиҳәеит Џьугьелиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара