Лаша Марухба

Марыхәба: "Амцабз" ианаршьаз агран-приқәа ахәыҷқәа аргәырӷьеит, иарцыхцыхит

20
(ирҿыцуп 16:46 23.03.2021)
Жәларбжьаратәи арҿиаратә фестиваль-аицлабра "Аҟазарақәа рпланета" аҟны акәашаратә ансамбль "Амцабз" агран-приқәа 4 анашьан. Афестиваль ахь инаргаз акәашарақәа, ишықәгылаз уҳәа ртәы арадио Sputnik аефир аҟны еиҭеиҳәеит "Амцабз" асахьаркыратә анапхгаҩы Лаша Марыхәба.

Хә-номерк рҟынтәи агран-приқәа 4, убасгьы актәи аҭыԥ анашьан Москва еиҿкаау акәашаратә ансамбль "Амцабз" афестиваль "Аҟазарақәа рпланета" аҟны. Жәларбжьаратәи арҿиаратә фестиваль–аицлабра Урыстәыла аҳҭнықалақь аҿы имҩаԥысуан хәажәкыра 21 рзы.

Марыхәба "Амцабз" ианаршьаз агран-приқәа рзы: ахәыҷқәа аргәырӷьеит, иарцыхцыхит

"…Ари афестиваль ахь атәым ҳәынҭқаррақәа рҟынтә аколлективқәа аауеит, аха сынтәа еиҳарак иалахәыз Москвеи егьырҭ Урыстәыла ақалақьқәа рҟынтәи аколлективқәа роуп. Ҽнакала имҩаԥыргеит афестиваль, хы-хәҭакны ишан. Ахореографиаҟны ицәырган аестрадатә, аклассикатә, жәлар рыкәашарақәа, ацирктә, агимнастикатә уҳәа ирацәан аноминациақәа. Ижәбоит нас сентиабр аахыижьҭеи аҭагылазаашьа шыҟоу (апандемиа иадҳәаланы - аред.), иахьынӡаҳалшоз аколлектив аҳмыркӡеит, ашьшьыҳәа аусура ҳаҿын. Ачымазара иацәшәоз, ицоз ыҟан, аха анс аума, арс аума, излаҳалшоз ала хә-номерк дҳарбеит. Аҷкәынцәа 9-10 ҩык раҟара адаул иасуа, нас икәашо усгьы аномер ҳаман. Идҳарбаз акәашарақәа рыбжьара иҟан аԥсуа, ачечен, даӷьысҭанаа, ашьхарыуаа рыкәашара. Ԥшь-номерк рзы агран-при ҳарҭеит, аԥсуа кәашара актәи аҩаӡара алауреат ҳәа ахраҿа ацҵаны иҳарҭеит. Афестиваль аҟны 140 раҟара аномерқәа ыҟан, аколлективқәа рацәан…", - иҳәеит Марыхәба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

20

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5