Нугзар Ашуба

Ашәба "аполитикатә амнистиазы": иаҳҳәои, ҳгәы иҭои еиқәшәозар, иалҵуеит

26
(ирҿыцуп 14:29 25.03.2021)
Ауаажәларратә еиҿкаара "Аидгылара" аҳәынҭқарра ахада иахь иҟанаҵаз ааԥхьара арадио Sputnik аефир аҿы ахҳәаа азыҟаиҵеит аполитикатә усзуҩы, 2002-2012 шықәсқәа рзы Жәлар реизара ахантәаҩыс иҟаз Нугзар Ашәба.
Ашәба "аполитикатә амнистиазы": зегьы иаҳҳәои ҳгәы иҭои еиқәшәозар, иалҵуеит

Ауаажәларратә еиҿкаара "Аидгылара" атәыла ахада иахь ааԥхьара ҟанаҵеит аполитикатә амнистиа алаҳәаразы, 2004 шықәса рзы мчылатәи амчра аԥсахра ахәшьара аҭаразы, иара убриалагьы ас еиԥш ахҭысқәа раанкыларазы.

"Ҳажәлар ршара ҳалагеижьҭеи акрааҵуеит, ақырҭцәа аныҟаз ршара ҳалагахьан, иаҳҳәозар 90-тәи ашықәсқәа ашәҟәыҩҩцәа ҳшеит, ус ҳшааиуаз аҳәынҭқаррагьы ҳааины ҳаадгылеит, ари иацымлозар, изгымхо усуп. Ашәҟәы иҩу саргьы садгылаҩуп, иҟәышу усуп, апрезидентгьы дадгылаҩуп ҳәа сгәы иаанагоит. Ахада имацара дтәаны анализ зегьы ҟаҵаны иара ихәшьара аиҭар ҟалоит, аха иаҳа инарҭбааны иааидтәаланы, имеисыкәа, иҵауланы алацәажәара зҭаху усуп ҳәа сгәы ианаагоит. Ииашаҵәҟьаны, абарҭ иҵауланы иҭымҵаакәа, иҵауланы ахәшьара рымҭакәа, уаҵәы ари ҳазлалҵуа аӡбарахь ҳаныиасуа, ҳазмыиасыр ҟалоит. Апартиақәа еиҿагыло ракәзар, убас реизыҟазаашьақәа шьақәгылеит Аԥсны, досу иара ииаша, мҩаԥигарц далагоит, аха уи ииша иадҳәалоуп ихәо, ма апартиа иалахәу џьоукы ирыхәо, нас Аԥсны амчра зларгаша убарҭ роуп зегьы ахаҟны идыргыло", - азгәеиҭеит Ашәба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

26

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

9
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

9

Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

42
(ирҿыцуп 19:04 17.04.2021)
Баслахәтәи анхаҩы Аслан Дохнаӡе арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит ақыҭаҟны ақьармытӡырҭа шаадыртыз, раалыҵ азы аҭахрақәа зеиԥшроу, ақьармыт ахкқәа шаҟа рымоу, раалыҵ злырхуа, ахәқәа зеиԥшроу.
Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

Шәазыӡырҩы аудио.

Иара убас шәаԥхьар ҟалоит:

42
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0