Гәбаз араионтә еизарақәа рзы: аҳәса иаҳа ирацәаны иалахәзар бзиоуп

14
(ирҿыцуп 18:15 25.03.2021)
Гәдоуҭа араион алхратә комиссиа ахантәаҩы Лавренти Гәбаз арадио Sputnik аефир аҟны еиҭеиҳәеит аҭыԥантәи ахаланапхгараҭарахь адепутатразы акандидатцәас шаҟаҩы ықәдыргылаз араион аҟны аԥшьгаратә гәыԥқәа, алхрақәа рҽазыҟаҵара шцо.
Гәбаз араионтә еизарақәа рзы: аҳәса иаҳа ирацәаны иалахәзар бзиоуп

Мшаԥы 11 рзы аҭыԥантәи ахаланапхгараҭарахь адепутатцәа ралхразы Аԥсны абжьыҭара мҩаԥгахоит. Азакәан инақәыршәаны депутатс далхзар алшоит 25 шықәса зхыҵыз дарбанзаалак Аԥсны атәылауаҩ. Зус рыӡбахьоу адепутатс дҟалар ауам, иара убасгьы анаркологиатәии апсихоневрологиатәии диспансерқәа рҟны иҭаҩу, анаркоманцәеи атаксикоманцәеи арахь иаҵанакуа.

Гәдоуҭа араион алхратә комиссиа ахантәаҩы Лавренти Гәбаз иажәақәа рыла, 63 аԥшьгаратә гәыԥк рҟынтәи 6 гәыԥк рырзаҳалқәа дырхынҳәит.

"57- ҩык акандидатцәа, ари ахыԥхьаӡара маҷӡам, альтернативатә ҟазшьа рыманы алхрақәа мҩаԥысуеит. Уи аԥхьа иҟаз алхрақәа ирҿырԥшны, иахьазы иқәгылоу хәҩык рыла еиҳахеит. Усҟан 50-ҩык раҟара ыҟазҭгьы, иахьазы алхрақәа рхы рыладырхәырц рҭахуп 57-ҩык. Апартиақәа рҟынтәи зхы ықәзыргыло, шамахамзар, зынӡа имаҷуп. Сынтәа иқәгылоу рҟынтәи 54-ҩык аԥшьгаратә гәыԥқәа рыла ашәҟәы зыҽҭазгалаз роуп. Апартиа аганахьала зынӡа иҳамаӡам араион аҟынтәи акандидатура. Хҩык ықәыргылоуп ақыҭа азеиԥш еизарақәа рыла", - иҳәеит Гәбаз.

Араионтә еизарахь адепутатразы хәҩык аҳәса неиуеит, иреиҵбу 25 шықәса лхыҵуеит. Гәдоуҭа араион аҿы 29 алхырҭатә ҭыԥ хада ыҟоуп, алхыҩцәа рхыԥхьаӡара 25 нызқьҩык инархыҳәҳәоит.

Шәазыӡырҩы аудио.

14

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

5
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

5

Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

42
(ирҿыцуп 19:04 17.04.2021)
Баслахәтәи анхаҩы Аслан Дохнаӡе арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит ақыҭаҟны ақьармытӡырҭа шаадыртыз, раалыҵ азы аҭахрақәа зеиԥшроу, ақьармыт ахкқәа шаҟа рымоу, раалыҵ злырхуа, ахәқәа зеиԥшроу.
Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

Шәазыӡырҩы аудио.

Иара убас шәаԥхьар ҟалоит:

42
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0