Џьопуа еиҭеиҳәеит арахә рҟнытә ауаҩ иахь ачымазарақәа ыиасыр шалшо

7
(ирҿыцуп 11:24 01.04.2021)
Аԥсны аветеринартә маҵзура аиҳабы Роман Џьопуа арадио Sputnik аефир аҿы еиҭеиҳәеит арахәи ауааи еицырзеиԥшу ачымазарақәеи, насгьы урҭ реилкааразы имҩаԥырго аҭҵаарақәеи ртәы.

 

Џьопуа еиҭеиҳәеит арахә рҟнытә ауаҩы иахь ачымазарақәа ыиасыр шалшо

"Арахәи ауааи еицырзеиԥшу ачымазарақәа акрааҵуеит иҟоижьҭеи, даргьы маҷым. Иахьатәи аамҭаз актуалра аанызкыло Аԥсны ааԥкра, анаҩс еиҭа ҩ-чмазарак. Ҳара есааԥынреи ҭагалани имҩаԥаагоит аҭҵаарақәа, бруцеллиоизи туберкулиози рзы. Бруцеллиоиз ауаҩы ихьыр алшоит ахш анижәуа азхара имыршыкәа, нас ашәаӡа аҟнытә. Иара убас, ичмазаҩу арахә рҟнытә ауаҩы рыфатә ахьриҭо ала. Уажәы ҳаспециалистцәа ари аус ала араионқәа рҿы аус аиҿкаара иаҿуп. Ари есышықәсатәи ҳаплан иалоуп, аха уи ауадаҩрақәа ацуп. Ауаа ҳара иҳадҵаалар акәым, зынӡа ирҭахӡам аҭҵаарақәа рымҩаԥгара. Аԥсны атуберкулиоз маҷӡам, иҟалоит уи ауаҩы иҟынтә арахә ахь ииасыр, иара убасгьы арахә аҟынтә ауаҩы иахь. Ауаҩы иҿы Манту азы агәаҭара шыҟарҵо еиԥш, аветеринарцәа имҩаԥаагоит турбекуленизациа. Арахә агәыр рылаҵаны ареакциа ҳазыԥшуеит. Еиҳарак арахә роуп атуберкулиоз зыхьуа. Хыцыԥхьаӡа адигностика аҟаҵара ауӡом, аха иалх-иалхны агәаҭарақәа мҩаԥгахоит. Абруцеллиоиз акәзар, уи ахш аџьармыкьахь ма адәқьанқәа рахь ирызҭо ауаа рырархә гәаҭахоит", - ҳәа еиҭеиҳәеит Џьопуа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

7

Ажьиԥҳа аҭыԥантәи адепутатцәа рзы: рҵарагьы ыҟазароуп, аԥсшәагьы рдыруазароуп

5
Тҟәарчал араион алхратә комиссиа алахәыла Рита Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны аҭыԥантәи ахаланапхгараҭаратә усбарҭақәа рахь алхрақәа реихшьаала ҟалҵеит.
Раионк аԥсҭазаараҟынтә: Ажьиԥҳа ахаланапхгараҭарақәа рахь алхрақәа ирызкны

Аԥсны аҭыԥантәи ахаланапхгараҭарахь алхрақәа мҩаԥысит мшаԥы 11 рзы.

"Адепутатрахь иқәгылаз акандидатцәа ҩажәаҩык рахьынтә 15-ҩык алхын. Иманшәаланы еилагарада имҩаԥысит алхрақәа. 5196- ҩык ашәҟәы иҭагалаз алхыҩцәа рҟынтәи 2052 -ҩык алхрақәа рхы рыладырхәит. Уи аԥхьа иҟаз ас еиԥш алхрақәеи дареи еиҿурԥшуазар, усҟан 2800-ҩык ыҟан алхыҩцәа. Актәи аилатәара мҩаԥысраны иҟоуп иааиуа ашәахьаҽны мшаԥы 19 рзы. 15-ҩык адепутатцәа рахьынтә ҩыџьа аҳәса ыҟоуп. Уи аԥхьа иҟаз адепутатцәа рахьынтә ҩыџьа ықәгылан, руаӡәк ҩаԥхьа далырхит, уи Тҟәарчалтәи араионтә хәышәтәырҭа аиҳабы Лали Гаргәылиа лоуп", - лҳәеит Ажьиԥҳа.

Ажьиԥҳа лгәаанагара лҳәеит аҭыԥантәи ахаланапхгараҭарақәа рахь инеиуа адепутатцәа зеиԥшразар акәу.

5

Габуниа: ашәахтәқәҵара напхгара азура асистемаҟны иаҭахуп арԥсыҽрақәак

5
(ирҿыцуп 18:58 14.04.2021)
Ашәахтәқәҵара иазыԥҵәоу, ашәахтәқәа рылгараан уадаҩрақәас иҟоу атәы арадио Sputnik аефир аҟны еиҭеиҳәеит Ашәахтәқәеи аизгақәеи рминистрра апресс- маҵзура аиҳабы Гьаргь Габуниа.
Атәылауаҩи аиҳабыреи: Габуниа ашәахтәқәа ралгара иазкны

Мшаԥы 14 Аԥсны ашәахтә маҵзура аусзуҩцәа рзанааҭтә ныҳәамшуп. 27 шықәса раԥхьа иаԥҵан Ареспублика аҳәынҭқарратә ашәахтә маҵзура, анаҩс уи ашәахтәқәеи аизгақәеи рминистрра ҳәа иҟалеит 2002 шыкәсазы.

"Иахьа Аԥсны ашәахтәқәҵара иазыԥҵәоу ауаҩы изымшәо, ибизнес иазышьҭнамхо иҳаракӡам. Иаагозар, иара иназыцҵоу ахәԥсазы ашәахтә атәы ҳҳәозар, Урыстәыла 20 процент ыҟоуп, ҳара ҳҟны 10. Аилыркаа ҟасҵар сҭахуп, ихьанҭоу ашәахтә иазыԥҵәоу акәӡам, ихьанҭоу атауар анаауго, ирҭиаанӡа аԥхьа ишәатәу аҳазалхратә хеилак еизырго ауп. Уи, хымԥада, иаруадаҩуеит аус. Ашәахтәқәҵара иазыԥҵәоу 10 процентк абизнес иаԥырхагахаратәы иҟам, ашәахтәқәҵара напхгара азура асистема аганахьала иаҭахуп арԥсыҽрақәак ралагалара, сгәаанаграла, аха уи иазхәыцуазар акәхап", - иҳәеит Габуниа.

Шәазыӡырҩы аудио.

5