Арышԥҳа еиҭалҳәеит Аԥсны апрофильтә рҵара аиҿкааразы иҟоу аҭагылазаашьақәа
Арышԥҳа: аурок аҿы ҳхы ҳақәиҭны ахымҩаԥгара ҳцәыуадаҩуп, иҟалап, иахьазы уи хымԥадатәизар
Аҟәа аҵара аусбарҭа аспециалистцәа Шәачатәи ашколқәа ирҭаан ирбеит апрофильтә классқәа русура аиҿкаашьа.
"Уажәазы Аԥсны апрофильтә хырхарҭа змоу ҳәа иҟоуп аекономикатә класс. Уа аекономика арҵара алагаланы ирымоуп ашкол аҿы. Сынтәа иҟаӡам апрофильтә классқәа уаҳа, аха уажәраанӡа иҳаман афизико-математикатә класс, ахимиа-биологиатә, агуманитартә классқәа. Аԥышәа ҳамоуп амҩаԥгашьазы, ҳәарада, аха аиҿкаашьагьы ауадаҩрақәа ацуп, еиҳарак, харџьла аиқәыршәаразы. Апрофильтә класс аныҟауҵа, иахәҭоу амаругақәа умазароуп, техникала еиқәшәазароуп. Амедицинатә класс Шәача иаҳбаз, ахәыҷқәа ирылшоит агәыр ақәыргылара, ирылшоит акапельница аҟаҵара, ашьақәыӷәӷәара ашәара. Раԥхьатәи ацхыраа ҟарҵар рылшоит, иара абри зегьы еиҭарҳәоит. Убри иақәнагоу амаругақәа рымоуп, иахьыддырбо рымоуп. Ҳаргьы иҳалшоит ус еиԥш, иҳамоуп арҵаҩцәа аԥышәа ду змоу, иҳагу атехникала аиқәыршәара ауп. Ара аматериалтә базатә ҭагылазаашьа хьысҳауп. Еиҭа иазгәаҭатәуп, аурокқәа рҿы уа аҵаҩцәа иаҳа ахақәиҭра рыманы иҟоуп, ирылшоит иаҳа рхаҭара аарԥшра, ҳара маҷк аконсервативра ҳамоуп. Ахәыҷқәагьы арҵаҩцәагьы ҳаршьцылаӡом дара ргәы ишаанаго ицәырыргартә еиԥш, ахақәиҭра рымоуп, ишәаӡом ииашамкәа ирҳәар ҳәа. Аурок аҿы ҳхы ҳақәиҭны ахымҩаԥгара ҳцәыуадаҩуп. Иҟалап, иахьатәи аамҭазы убри хымԥадатәизар", - еиҭалҳәеит Арышԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Қорсаиа: ҳашцо ҳцалар, иааиуа аӡын азы ҳенергетика ҳалгоит
(ирҿыцуп 10:16 14.04.2021)
Аԥсны аенергетика аганахьала ишьақәгылаз аҭагылазаашьази, амаинингқәа ҳтәылаҿы ԥеиԥшс ирымоуи рзы игәаанагара арадио Sputnik аефир аҿы иҳәеит 40 шықәса анџьнырс аус зуа Даур Қорсаиа.Хра злоу ахҭысқәа: Қорсаиа Аԥсны аенергетика иазкны
"Уажәы аус шцо ицалар, амаининг фермақәа ҳарцәошәа, аха ииашаҵәҟьаны уи ус акәымкәа, жәаҳәарада ЕгрыГЕС аныҟарҵалакгьы акгьы иҳахәаӡом, избанзар, иалагеижьҭеи иаҳагьы иацлеит, ауаа ишаархәац иаархәоит, уи иахҟьаны еиҭа аӷьычрақәа цәырҵит, аӡәы иҟынтә аӡәы иӷьычуеит, урҭ рҟнытә даҽа шьоукы, апроцесс уажәгьы иаҿуп. Макьана ахықә аҟынӡа имнеиӡац, ари аанкылашьа амаӡам, избанзар, акриптовалиута ахә ацлара иаҿуп, ауаа знык аԥара агьама збаз, уи имариаӡаны изырҳауа, аанкылаша мчы ҳамаӡам", - азгәеиҭеит иара.
Қорсаиа иажәақәа рыла ас еиԥш ҳашцо ҳцалар, иааиуа аӡын азы ҳенергетика ҳалгоит.
"Иаанхаз атраснформаторқәа акакала, ҩба-ҩбала ибжьыслоит, ас еиԥш ақәыӷәӷәара рзычҳаӡом, иҳауа алашара ҳазхаӡом, аҭагылазаашьа еиҳагьы еицәахоит, ауаа еиҭа иархәалоит амаинингқәа, ирыԥшаалоит излаарго амҩақәа, аха убри аан амаининг аԥхьаҟатәи аԥеиԥш амоуп. Уи ахылаԥшра ӷәӷәа амазароуп аҳәынҭқарра аганахьала, иҟазароуп аԥҟарақәа. "Амшынеиқәафымцамч" атехникатә ҭагылазашьа изаԥнаҵароуп уи зҽазызкыр зҭаху изы, азин ылхны, ашәахтә акәҵаны, алашара ахә ақәҵаны, насгьы, ҭыԥла Гал араион ада афермақәа рыргылара азин ыҟамзароуп. Усҟан ацәаҳәақәа ақәыӷәӷәара роуӡом, уа алашара убыллар, иаҳа иныухуа алашарагьы маҷхоит",- агәаанагара ааирԥшит Қорсаиа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Атемақәа:
Џьугьелиа Рамадан аурычра аԥҟарақәа рзы: ҳгәабзиара иазеицәоу Ҳазшаз иҳадиҵом
(ирҿыцуп 18:29 13.04.2021)
Аԥсылманцәа рзы иԥшьоу амза Рамадан сынтәа иалагоит мшаԥымза 13 инаркны. Аԥсны аԥсылманцәа рдоуҳатә усбарҭа ахада ихаҭыԥуаҩ Абдураҳман Џьугьелиа арадио Sputnik аефир аҿы еиҭеиҳәеит аурычра аԥҟарақәа ртәы.Џьугьелиа: ҳаныхәыҷыз амзаҿа ангыло аԥхьа иаабар, ҳамҭак ҳарҭоит ҳәа, аҵла ҳхалан ҳаԥшуан
"Ҳазшаз игәра зго зегьы џьанаҭ ҳақәгәыӷуеит, уахь ақәшәаразы иаҳа имаҷны агәнаҳа умазароуп, ибзиоу аусқәа ныҟәугозароуп. Сара иаха амзаҿа ангыла, ҳәарада, сеигәырӷьеит. Ацәылаҷҷара иалгаанӡа, уажәы асааҭ 4 рзы ацәылаҷҷара иалагоит, убраанӡа жәа-минуҭк шыбжьоу ауаҩы акрифароуп, нас акрыфара аанкыланы амра ҭашәаанӡа иԥшоит. Саргьы убас сналагеит иахьатәи сымш. Ауаҩы игәабзиара иазеицәоу Ҳазшаз ԥҟарак ҳара иҳадиҵаӡом, абри аурычрагьы убас ауп ишыҟоу. Ахәыҷы ари идцалаӡам, уныҟәугартә уаныҟалак аамҭа инаркны иахьынӡаулшо иныҟәугоит. Иахьазы ҳаҩнаҭаҿы сыҷкәын дыурычуеит, сара, сан шьҭа лгәыбзиара иауӡом", - еиҭеиҳәеит Џьугьелиа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Чепиаԥҳа Рамадан азы: ҳазыԥшуп, бзиа иаабоит аурычра
Аԥсны афымцарцәара аграфик ԥсахуп
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа. АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".
Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.
- Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
- Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
- Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
- Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.
Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.
Атемақәа: