Чкотуаԥҳа еиҭалҳәеит архитектор иус Аԥсны азҿлымҳара ахьынӡамоу

15
(ирҿыцуп 10:42 06.04.2021)
Архитектор иус Аԥсны азҿлымҳара ахьынӡамоу, ацәыргақәҵақәа реиҿкаара аҵакы атәы арадио Sputnik аефир аҟны далацәажәеит архитектор Мадина Чкотуаԥҳа.
Чкотуаԥҳа еиҭалҳәеит архитектор иус Аԥсны азҿлымҳара ахьынӡамоу

"Ақалақь архитектура. Апроектқәа, ахшыҩҵакқәа, аперспективақәа" захьӡу ацәыргақәҵа аартуп Аҟәа Ацәыргақәҵатә зал хадаҿы. Уаҟа ицәыргоуп Аҟәа аҭоурыхтә хәҭеи Аԥсны егьырҭ ақалақьқәеи рҟны ахыбрақәа рырҿыцреи реиҭашьақәыргылареи ирыдҳәалоу апроектқәа 25. Ацәыргақәҵа аартызаауеит мшаԥы 9-нӡа.

"Еимаҳдалар ҳҭахуп ҳдырра, насгьы зусумҭақәа ҳамбац егьырҭ архитекторцәа раԥҵамҭақәа абара, алацәажәара даара ихадоуп…Архитектор изанааҭ ала Аԥсны, хымԥада, иҟоуп аусутә. Иубарҭоуп ауаа азҿлымҳара шаадырԥшуа, ирҭахуп руадақәа рзы адизаин –апроектқәа ҟаҵаны аиҭашьақәыргыларатә усурақәа рылагара. Асасааирҭақәа, аҩнқәа рыргылараан иаҳа иазхәыцуа иалагеит архитектура. Ҳара ҳашҟа апроект аҟаҵаразы инеиуа ауаа излаҳалшо ираҳҳәоит ииашаны ишыҟаҵатәу, уи ҳапроектқәа рыла идҳарбароуп. Даҽа мчы ҳамаӡам (ақалакь архитектура аиӷьтәразы- аред.) иҟоуп еилызкаауа, иҟоуп издызымкыло. Зны –зынла избоит са исҳәо, иҟасҵо шамыхәо. Аргылара аамҭа анааиуа дара ишырҭаху ала ирыԥсахуеит апроект, избанзар уи ахылаԥшразы азакәан ишаҭаху аус ауам Аԥсны. Ацәыргақәҵаҟны иӡыргоу апроектқәа рыбжьара иҟоуп идыргылахьоу, идмыргылац ахыбрақәа. Иҟоуп Аҟәа агәаны иргылоу аҩнқәа. Уахәаԥшыр ауеит апроект шыҟаҵаз, иандыргыла аҵыхәтәаны иалҵыз. Убри аҟынтә ацәыргақәҵа аинтерес аҵоуп", - азгәалҭеит Чкотуаԥҳа.

Шәазыӡырҩы аудио.

Иара убас шәаԥхьар ҟалоит:

15

Џьопуа аҭоурых –культуратә баҟақәа ааха рызҭаз рзы: ҳақәгәыӷуеит рыхдырра аҽаԥсахып ҳәа

13
(ирҿыцуп 09:34 18.04.2021)
Абаҟақәеи аҭоурыхтә ҭыԥқәеи реиқәырхара Жәларбжьаратәи амш азгәарҭоит мшаԥы 18 рзы. Ари азҵаара ҳтәылаҿы актуалра ахьынӡамоу атәы далацәажәеит арадио Sputnik аефир аҟны Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.
Ҳазлацәажәаша ҳамоуп: Џьопуа Аԥсны аҭоурых –культуратә ҭынха ахьчара иазкны

Аҭоурыхтә баҟақәа Иаку аҭоурых-культуратә ҭынха аобиектқәа рсиа Аԥсны ирыдыркылеит 2015 шықәса ԥхынҷкәынмзазы. Уи аамҭазы уи ианылеит 1535 обиект. Ашьҭахь еиҿкааз аинветаризациа апрограммала даҽа 700 обиект алԥшаан. Хадаратәла урҭ архитектуратә баҟақәа ракәын. Дара аҳәынҭқарра иахьчоит азакәан инақәыршәаны, ҳәа азгәеиҭеит Аԥсны акультура аминистрра аҭоурых-культуратә ҭынха ахьчаразы адепартамент аспециалист Инал Џьопуа.

Иара убас шәаԥхьар ҟалоит:

13

Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

42
(ирҿыцуп 19:04 17.04.2021)
Баслахәтәи анхаҩы Аслан Дохнаӡе арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит ақыҭаҟны ақьармытӡырҭа шаадыртыз, раалыҵ азы аҭахрақәа зеиԥшроу, ақьармыт ахкқәа шаҟа рымоу, раалыҵ злырхуа, ахәқәа зеиԥшроу.
Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

Шәазыӡырҩы аудио.

Иара убас шәаԥхьар ҟалоит:

42
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0