Табаӷәуа "Адепутатцәа ралхразы" азакәан абызшәазы аиҭакра алагаларазы: алацәажәара аҭахӡам

314
(ирҿыцуп 18:06 06.04.2021)
Аԥсны Жәлар реизара адепутат Баҭал Табаӷәуа актәи аԥхьарала ирыдкылоу азакәан "Аԥсны Апарламент адепутатцәа ралхразы" аиҭакрақәа ахҳәаа рзыҟаиҵеит.
Табаӷәуа адепутатцәа ралхра азакәан абызшәазы аиҭакра алагаларазы: уи алацәажәара аҭахӡам

Аԥсны Апарламент адепутатцәа актәи аԥхьарала ирыдыркылеит "Аԥсны Апарламент адепутатцәа ралхразы" азакәан ахь аиҭакрақәа, урҭ инарықәыршәаны идепутатхар зҭаху аҳәынҭқарратә бызшәа идыруазароуп, иреиҳау аҵара имазароуп, иара убасгьы хәы-шықәса иреиҵамкәа аусуратә ԥышәа.

"Аԥсахрақәа зегьы срыдгылаҩуп, ҳәараҭахума хәыҷык згәы еихьнашьуа ыҟазар ҟалап, аԥсшәа ззымдыруа адепутатра дахьалахәым, аха ҳара убри ахәҭа ианаҳҵеит 2027 шықәса рзы Апарламент ахь ицо ҳәа. Сара сгәы иаанагоит ауаҩы абри аҩыза аус ахь дцар иҭахызар, иреиҳаӡоу Апарламент ахь далырхыр иҭахызар, аҳәынҭқарратә усҳәарҭақәа рҿы аус иур иҭахызар идыруазароуп аҳәынҭқарратә бызшәа. Сгәанала, уи алацәажәара аҭахӡам, избанзар, Урыстәыла ҳаҟоума, Франциа ҳаҟоума, дара рҳәынҭқарратә бызшәа узымдыруазар, аҳәынҭқарратә усҳәарҭаҿы аус узуӡом", - еиҭеиҳәеит Табаӷәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

314

Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

41
(ирҿыцуп 19:04 17.04.2021)
Баслахәтәи анхаҩы Аслан Дохнаӡе арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит ақыҭаҟны ақьармытӡырҭа шаадыртыз, раалыҵ азы аҭахрақәа зеиԥшроу, ақьармыт ахкқәа шаҟа рымоу, раалыҵ злырхуа, ахәқәа зеиԥшроу.
Раионк аԥсҭазаараҟынтә: Дохнаӡе Баслахә иҟоу ақьармытӡырҭатә наплакы иазкны

Шәазыӡырҩы аудио.

Иара убас шәаԥхьар ҟалоит:

41

Ахьиба еиҭеиҳәеит "Ауадҳара" аӡын аамҭазгьы аус аурц азы иҟаҵатәу

167
(ирҿыцуп 16:46 17.04.2021)
Апансионат "Ауадҳара" аиҳабы Радмир Ахьиба арадио Sputnik аефир аҿы иҳәеит иааиуа аԥхынтәи аамҭа рыҽшазыҟарҵо, насгьы аӡынтәи аамҭазгьы акурорт аус аурцаз ргәы иҭоу атәы.
Ахьиба еиҭеиҳәеит Ауадҳара аӡын аамҭазгьы аартра шрыгәҭаку

"Аҿаҵақәа ирылагоит лаҵара 15 инаркны, аха иара уажәгьы иҳаҳауеит ауаа аарц шырҭаху атәы. Аҽазыҟаҵарақәа ҳарҿуп, ҳҽеиҵаҳхыр ҳҭахуп, аплан иаҳарбеит иҳагу иҳабзоу, аӡын аамҭазы акурорт аус аҳарурц шаҳҭаху. Ари ашықәс азы раԥхьаӡа акәны аӡынгьы аус ҳурц ҳагәҭакуп. Урыстәылантәи ауаа иҳазҵаауа ыҟоуп, асы рацәаны ишьҭалоит, ара иаангылартә еиԥш иҟаҵатәуп. Ҳәарада, аӡын апансионат ааҳартырцаз аџьабаа даара ибатәуп, атехника ҳҭаххоит. Сынтәа атехника аахәареи аҩнқәа рыргылареи ҳгәы иҭоуп. Аԥхьа ауаа ҳарԥыланы арахь техникала ихаҳгало ала ашьапы аҳаркырц ҳгәы иҭоуп. Аҳәынҭқарра ҳавагылар, иҳацныҟәар, ҳгәы иҭоу рацәоуп", - еиҭеиҳәеит Ахьиба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

167

Адунеи аҿы иаарԥшу COVID-19 ахҭысқәа 140 миллион иреиҳахеит

1
(ирҿыцуп 09:32 18.04.2021)
Адунеи аҟны COVID-19 здырбалаз ауаа рхыԥхьаӡара 140 082 593 ирзааигәахоит, урҭ рахьтә 3 002 154 миллионҩык иреиҵамкәа рыԥсҭазаара иалҵит, ргәы бзиахеит 79 840 908 миллионҩык.

АҞӘА, мшаԥы 18 - Sputnik. Адунеи аҿы акоронавирустә инфекциа ҿыц здырбалаз рзеиԥш хыԥхьаӡара 140 миллион иреиҳахеит ҳәа адырра ҟанаҵоит Џьонс Хопкинс ихьӡ зху ауниверситет. Абри атәы аанацҳауеит РИА Новости.

Авирус реиҳаӡа алаҵәара ахьамоу тәылоуп Еиду Америкатәи аштатқәа-31,5 миллионҩык чмазцәахеит), аҩбатәи аҭыԥ аҟны игылоуп Индиа-14,5 миллионҩык), ахԥатәи аҿы Бразилиа 13,8 миллионҩык.

Мшаԥы 17 адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13924-ҩык ыҟоуп, ргәы бзиахеит 13338-ҩык, рыԥсҭазаара иалҵит 219-ҩык.

Хәажәкыра 11, 2020 шықәсазы Адунеизегьтәи агәабзиарахьчаратә еиҿкаара апандемиа рыланаҳәеит акоронавирустә инфекциа ҿыц COVID-19 алаҵәара инадҳәаланы.

Акоронавирус иазку ажәабжьқәа зегьы шәрыԥхьар ҟалоит абра>>

 

1
Атемақәа:
Аҿкычымазара – акоронавирус Аԥсни адунеи аҿи: иалкаау