Абессалом Кварчия

Кәарҷиа еиҭеиҳәеит аҭыԥантәи алхрақәа ауаа ргәы азыбылуам ҳәа зиԥхьаӡо атәы

29
Аҭыԥантәи ахаланапхгараҭарахь адепутатцәа ралхразы Аԥсны абжьыҭара мҩаԥысуеит. Ауаажәларратә палата алахәыла Абессалом Кәарҷиа арадио Sputnik аефир аҟны игәаанагара иҳәеит абжьыҭаразы ауаа уамак агәазыҳәара зрымам ҳәа.

 

Кәарҷиа еиҭеиҳәеит аҭыԥантәи алхрақәа ауаа ргәы азыбылуам ҳәа зиԥхьаӡо атәы

"Анкьа ауаа ирымаз аентузиазм уиаҟара иҟамшәа сгәы иаанагоит, избанзар иалҳхуа араион, ақалақь адепутат иоума, ажәлар рыԥсҭазаашьа ианыԥшыртә еиԥш ииӡбо акгьы ыҟам. Ирыдыркылахьоу ақәҵарақәа абзиарақәа аарганы, уск ауны исгәалашәом. Иҟоуп, ианаҭаху рнапы иҩахоит, ус иаԥуп. Адепутат ажәагьы ҳара иаҳтәӡам, ажәлар рхаҭарнак ҳҳәозар, уи аҵакы ҳдыруеит. Ус еиԥш иҟоу аҭакԥхықәра имоуп далзхыз рҿаԥхьа, иҟаиҵогьы дҵаароуп, ибжьы аиҭо ма, иаимҭо. Иахьа далырхит, даналырх нахыс далзхызгьы дырбом, иалырхызгьы хьаас имаӡам, абри аҩыза аҭагылазаашьа ыҟоуп иахьа", - иҳәеит Кәарҷиа.

 

Иара иазгәеиҭеит ҳаамҭазы алхрақәа рылахәхаразы аԥшьгамҭақәа ақыҭақәа рҟынтәи иҟам ҳәа.

"Аинициатива ҵаҟантәи ицаӡом. Иаҳҳәап, далырхуазар адепутат, ақыҭа еизаны рымаҵ зуша, ирҭаху зҳәаша, рыгәҭакы назыгӡаша ҳәа еилацәажәаӡом. Итәаны иԥшуп. Аӡәы даауеит "салшәхыроуп" ҳәа. Џьара ма чашәк рзааигоит, убри аҟынтәи аҵакы амам, ауаагьы ргәы азыбылуам абжьыҭара. Уалаҭахыла ицаны рыбжьы арымҭозар, снеины абжьы асҭароуп ҳәа хықәкыла ицо дмаҷуп иахьа", - иҳәеит Кәарҷиа.

Шәазыӡырҩы аудио.

Аԥсны Аҳәынҭқарра аҭыԥантәи ахаланапхгараҭаратә усбарҭақәа рахь алхрақәа раԥхьаӡа акәны имҩаԥысит хәажәкыра 14, 1998 шықәсазы. Уи ашьҭахь алхрақәа мҩаԥган 2001, 2004, 2007, 2011, 2016 шықәсқәа рзы. Аԥсны зынӡа абжьыҭара азин рымоуп 125 нызқьҩык алхыҩцәа, абжьыҭара мҩаԥысуеит 161 алхратә ҭыԥ хадақәа рҟны алхырҭатә ҭыԥқәа 198 рҿы.

Иара убас шәаԥхьар ҟалоит:

29

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

1
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

1

Ҩардан акоронавирус аҟынтәи алаҵазы: изҭаху раасҭа изҭахым рацәоушәа сгәы иабоит

5
(ирҿыцуп 11:54 12.05.2021)
Агәабзиарахьчара аминистр ихаҭыԥуаҩ Вахтанг Ҩардан арадио Sputnik аефир аҟны иҳәеит акоронавирус аҟынтәи алаҵа аҟаҵара ианалаго, иахьыҟарҵо, уи раԥхьа иргыланы иззыҟаҵахо.

Аԥсны атәылауаа COVID-19 хызҽуа алаҵа "Спутник V" рзыҟаҵара иалагоит лаҵара 12 рзы.

Ҩардан акоронавирус аҟынтәи алаҵазы: изҭаху раасҭа изҭахым рацәоушәа сгәы иабоит

"Аԥсны араионқәа зегьы рҿы ахәышәтәырҭақәа рхыбрақәа рҿы ауадақәа аартуп алаҵа ахьыҟарҵо. Аҟәа ус еиԥш хыџьара иҟоуп. Ақалақьтәи ахәышәтәырҭаҟны алаҵа ҟарҵоит уа аус зуа амедицина аусзуҩцәа рзы мацара, 300-ҩык рҟынӡа ыҟоуп. Ареспубликатә хәышәтәырҭаҟынгьы раԥхьа авакцина роуеит амедицинатә усзуҩцәа. Насгьы иҟоуп иаҳа ихадоу ҳәа иԥхьаӡоу ақалақьтә поликлиника. Уа ашьыжь аусзуҩцәа ирзыҟарҵоит алаҵа, нас ақалақьуаа, авакцина аҟаҵара зыхәҭоу рзы иҟаҵахоит. Амедицина аусзуҩцәа рышьҭахь алаҵа рзыҟаҵахоит ажәлар рҟны аус зуа: арҵаҩцәа, ауаа рацәа ныҟәызго амашьына аныҟәцаҩцәа уҳәа егьырҭ… Алаҵа ахьыҟарҵо апунктқәа рҟны аҳақьымцәа ауаа иразҵаалоит ргәабзиара шыҟоу, игәарҭоит, изԥырхагахар ҟало ҳәа ззырԥхьаӡо ирыларҵаӡом", - иҳәеит Ҩардан.

Аԥсны агәабзиарахьчара аминистр ихаҭыԥуаҩ игәаанагарала, макьаназы алаҵаҟаҵаразы агәацԥыҳәара аазырԥшуа атәылауаа раасҭа, изҭахым еиҳауп.

"Изҭаху ыҟоуп, даара изҭаху, аха изҭахым иаҳа ирацәоушәа сгәы иабоит. Ҳаԥшып ишыҟало. Насгьы ари хатәгәаԥхарала ауп акәымзар, иҟауҵароуп ҳәа аӡәгьы идцалара азин ыҟам", - азгәеиҭеит Ҩардан.

Шәазыӡырҩы аудио.

Иара убас шәаԥхьар ҟалоит:

5
Атемақәа:
Аҿкычымазара – акоронавирус Аԥсни адунеи аҿи: иалкаау