Заур Шалашаа

Шьалашьаа аекономика иазку аусутә гәыԥ азы: уажәшьҭа иаҳҳәо нагӡахоит ҳәа сгәыӷуеит

14
(ирҿыцуп 15:45 15.04.2021)
Аԥсны Ахада ихаҭыԥуаҩ инапхгарала аинвестициақәа радԥхьалара азҵаарақәа рзы еилатәаз аусуратә гәыԥ аҿы излацәажәаз атәы арадио Sputnik аефир аҿы еиҭеиҳәеит Азини аекономикеи ринститут аиҳабы Заур Шьалашьаа.

Аԥсны ахада ихаҭыԥуаҩ Бадра Гәынба ихантәаҩрала имҩаԥысит Аԥсны аекономикатә политика ахырхарҭа хадақәа рышьақәыргыла иазку аусутә гәыԥ аилатәара. Абри атәы аанацҳауеит ахада иофициалтә саит.

Шьалашьаа аекономика иазку аусутә гәыԥ аусуразы: уажәшьҭа иаҳҳәо нагӡахоит ҳәа сгәыӷуеит

"2000-тәи ашықәсқәа инаркны иахьанӡа қьаадла еиқәыршәаны иҳамаз маҷӡам, хшыҩзышьҭра аҭаны, аҵарауаа адгаланы имаҷымкәа иҳадаҳкылахьеит. Уажәы ицәырҵыз азҵаарақәа ҳара ҳзы ҿыц ицәырҵыз ауп ҳәа ҳазҳәаӡом. Хаҭала, уажәы, аҳәынҭқарра ахада иҿы еиҿкаау агәыԥ ҩымз роуп иҵуа аус аауеижьҭеи. 20-ҩык рҟынӡа Аԥсны еиуеиԥшым аинститутқәа, анаука ирызкқәоу, апрактикақәа ирызкқәоу, атәылаҿы аԥхьа инаргыланы инагӡатәу аусқәа ҳәа аекономика мацараҟны акәым, асоциалтә сфера уҳәа, анаукеи аҳәынҭқарреи реизааигәара шьагәыҭс иаҭаны, русеицура азгәаҭоуп. Ишьақәыргылахо ашәҟәқәа аҳәынҭқарра ахада иахь инагалахоит, убас еиԥш астатус ҳаракны иамоуп, ишьҭаҳхуа азҵаарақәа аҳәынҭқарра ахада, аҩбатәи шьаҿала, Аминистрцәа реилазаарахь дҵаны иқәиргылоит, ишьақәыргылоу амҩақәа рынагӡара ҳәа. Ари даара ииашаны иӡбоу усуп, избанзар, уаанӡа есышықәса абас еиԥш иҟаз абжьгаратә формақәа рыҭаны ашәҟәқәа ҳаҩуан, иқәаҳҵон, аха нас уи анагӡара аус амаӡамызт. Уажәы иаҳҳәо, аус зуа аиҿкаара ҿыц ала инагӡахоит ҳәа сгәы ианаагоит. Қьаад мацарала иарбаны, есымша иҳаҩуа, ишьҭаҵо акәымкәа, анагӡара даара иус ӷәӷәоуп", - ҳәа еиҭеиҳәеит Шьалашьаа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

14

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1

Раионк аԥсҭазаараҟынтә: Хаҳәбиаԥҳа Тҟәарчал араион аҵарашықәс ҿыц ахацыркра иазкны

14
(ирҿыцуп 20:23 04.08.2021)
Тҟәарчал араион аҵараҟәша аиҳабы ихаҭыԥуаҩ Фросиа Хаҳәбиаԥҳа арадио Sputnik аефир аҿы еиҭалҳәеит ашколқәа рҿы аҵарашықәс ахацыркразы имҩаԥырго аусурақәа ртәы.
Раионк аԥсҭазаараҟынтә: Хаҳәбиԥҳа Тҟәарчал араион аҵарашықәс ҿыц ахацыркра иазкны

"Цәыбррамза 1 рзы ашколқәа рышәқәа аартразы гәҭыха змам ҳәа дыҟам. Имаҷым ари азҵаара иазхәыцуа. Адистанциатә ҵара Аԥсны ашколқәа изылшо ыҟазар ҟалап, жәаҳәарада, аха Тҟәарчал араион ашколкәа рзы акарантин ҟаларгьы, арҵара цароуп ашкол рҿы ҳәа агәаанагара сымоуп. Уи аус аиҿкаара иазхәыцуеит ҳраион ахадара. Хара хәыцрала уахәаԥшуазар, ари инымҵәо аҿкы чымазароуп, убри аҟнытә ашколқәа русура нырымкалар ҟалап ҳәа агәаанагара сымоуп. Ашкол аусура ахәыҷқәа еиҳагьы иахьчозар ҟалап. Ахәыҷқәа зегьы гәаҭан, асанитартә хылаԥшра бзиа ҟаҵаны, ҵыԥх ҳшалагаз еиԥш сынтәагьы, аҵара аус аиҿкаара, хымԥада, иахәҭоуп ҳәа сыԥхьаӡоит", -  еиҭалҳәеит Хаҳәбиаԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

14

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

1
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

1