Микрофон

Мамед-оӷли Ԥиԥиеи еиҭарҳәеит "Еверестинг" аиҿкаареи уи ахысшьеи ртәы

8
(ирҿыцуп 11:47 20.04.2021)
Маланыҟәала Еверест ақәцә аҟынӡеиԥш анаӡара зылзыршаз аспортсмен Асҭамыр Мамед-оӷли Амаланыҟәатә спорт афедерациа ахада Вахтанг Ԥиԥиеи арадио Sputnik аефир аҿы еиҭарҳәеит Аҟәа еиҿкааз аицлабра атәы.

Аспортсмен Асҭамыр Мамед-оӷлы "Еверестинг" ҳәа еиҿкааз аспортхкаҿы илиршеит Аҟәа ашьхантә анаркодиспансер аҟынӡа даанымгылаӡакәа 63-нтә ахалареи албаареи. Иааизакны аҳаракыра 8 848 метра иҟан. Арадио Sputnik аефир аҿы Мамед-оӷлы иҳәеит ас еиԥш аицлабра ахалархәра ишәаны-изаны дшазнеиз.

Мамед-оӷли Ԥиԥиеи еиҭарҳәеит "Еверестинг" аиҿкаареи уи ахысреи атәы

"Ари иахьа угәы иҭакны уаҵәы иҟаиуҵаша усмызт. Аицлабра схы аласырхәып ҳәа анысыӡбоз хәыҷык сагьшәон, исылшарыма ҳәа. Избанзар иааит Урыстәылантәи аспортсменцәа, сазыҟаҵаҩ, дара зегьы сывагылан. Ари аҭакԥхықәра ду сыднаҵон", - ҳәа азгәеиҭеит аспортсмен.

Аԥсны Амаланыҟәатә спорт азы афедерациа ахада Вахтан Ԥиԥиа иҳәеит ари аицлабра иабзоураны Аԥсны аӡбахә акырӡа инаӡеит ҳәа.

"Ари аицлабара аӡабхә атәы раҳаит амаланыҟәазы афедерациақәа жәпакы. Уи аума аҵанакуеит, ари аҩаӡара ҳаракуп. Аԥсназы аӡыргара дуӡӡа ҟаҵоуп Асҭамыр ибзоурала", - ҳәа азгәеиҭеит Ԥиԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

1
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

1

Ҩардан акоронавирус аҟынтәи алаҵазы: изҭаху раасҭа изҭахым рацәоушәа сгәы иабоит

5
(ирҿыцуп 11:54 12.05.2021)
Агәабзиарахьчара аминистр ихаҭыԥуаҩ Вахтанг Ҩардан арадио Sputnik аефир аҟны иҳәеит акоронавирус аҟынтәи алаҵа аҟаҵара ианалаго, иахьыҟарҵо, уи раԥхьа иргыланы иззыҟаҵахо.

Аԥсны атәылауаа COVID-19 хызҽуа алаҵа "Спутник V" рзыҟаҵара иалагоит лаҵара 12 рзы.

Ҩардан акоронавирус аҟынтәи алаҵазы: изҭаху раасҭа изҭахым рацәоушәа сгәы иабоит

"Аԥсны араионқәа зегьы рҿы ахәышәтәырҭақәа рхыбрақәа рҿы ауадақәа аартуп алаҵа ахьыҟарҵо. Аҟәа ус еиԥш хыџьара иҟоуп. Ақалақьтәи ахәышәтәырҭаҟны алаҵа ҟарҵоит уа аус зуа амедицина аусзуҩцәа рзы мацара, 300-ҩык рҟынӡа ыҟоуп. Ареспубликатә хәышәтәырҭаҟынгьы раԥхьа авакцина роуеит амедицинатә усзуҩцәа. Насгьы иҟоуп иаҳа ихадоу ҳәа иԥхьаӡоу ақалақьтә поликлиника. Уа ашьыжь аусзуҩцәа ирзыҟарҵоит алаҵа, нас ақалақьуаа, авакцина аҟаҵара зыхәҭоу рзы иҟаҵахоит. Амедицина аусзуҩцәа рышьҭахь алаҵа рзыҟаҵахоит ажәлар рҟны аус зуа: арҵаҩцәа, ауаа рацәа ныҟәызго амашьына аныҟәцаҩцәа уҳәа егьырҭ… Алаҵа ахьыҟарҵо апунктқәа рҟны аҳақьымцәа ауаа иразҵаалоит ргәабзиара шыҟоу, игәарҭоит, изԥырхагахар ҟало ҳәа ззырԥхьаӡо ирыларҵаӡом", - иҳәеит Ҩардан.

Аԥсны агәабзиарахьчара аминистр ихаҭыԥуаҩ игәаанагарала, макьаназы алаҵаҟаҵаразы агәацԥыҳәара аазырԥшуа атәылауаа раасҭа, изҭахым еиҳауп.

"Изҭаху ыҟоуп, даара изҭаху, аха изҭахым иаҳа ирацәоушәа сгәы иабоит. Ҳаԥшып ишыҟало. Насгьы ари хатәгәаԥхарала ауп акәымзар, иҟауҵароуп ҳәа аӡәгьы идцалара азин ыҟам", - азгәеиҭеит Ҩардан.

Шәазыӡырҩы аудио.

Иара убас шәаԥхьар ҟалоит:

5
Атемақәа:
Аҿкычымазара – акоронавирус Аԥсни адунеи аҿи: иалкаау