Хра злоу ахҭысқәа: ашколқәа рҿы заанаҵтәи арратә ҽазыҟаҵара амаҭәар иазкны

56
(ирҿыцуп 17:30 27.04.2021)
Атәыла абжьаратә школқәа рҟны иаҭахума заанаҵтәи арратә ҽазыҟаҵара аурокқәа рымҩаԥгара, ирнаҭоузеи уи аҵаҩцәа, еиқәшәоума ҳашколқәа уи амаҭәар азы, абри атемала арадио Sputnik аефир аҿы еиҿкаан аиҿцәажәара.
Хра злоу ахҭысқәа: ашколқәа рҿы заанаҵтәи арратә ҽазыҟаҵара иазкны

Абри атемала арадио Sputnik аҿы ргәаанагарақәа еибырҳәеит арҵаҩы, аветеран Рауль Черқьезиеи, Аԥсны атәылахьчара аминистрра аррамаҵзурауаа разыҟаҵараз аусбарҭа аиҳабы, аполковник Беслан Мышәбеи, Очамчыра араион аҵара аусбарҭа аиҳабы Феликс Џьынџьиеи.

"Ахәыҷы актәи акласс ахь даннеиуа ихы ззикуа уамак издырӡом, уи зегьы ирҵаҩцәа, еиҳабацәа идырбоит. Арра аганахьала арԥыс 10 акласс аҿы даннеиуа маҭәарны иԥылоит. Ҩышықәса ҳхы иархәаны иҳарбаз, иҳарҵаз анаҩс анырра анаҭоит иара иԥсҭазаара. Шьҭа хышықәса ҵуеит аус зуеижьҭеи ашкол аҿы, уаҟа избо ала, аҿар арра ахысра рҭахӡам ҳәа сызҳәом", - азгәеиҭеит Мышәба арадиоефир аҿы.

Ақыҭақәа рҿы амаҭәар аганахьала аҭагылазаашьа зеиԥшроу атәы еиҭеиҳәеит Очамчыра араион аҵара аусбарҭа аиҳабы Феликс Џьынџьиа. Иара иажәақәа рыла, амаҭәар ишахәҭоу еиԥш имҩаԥысуеит ҳәа узҳәом, араион иацәыхароу ақыҭақәа рҿы арҵаҩцәа рзы ауадаҩрақәа ыҟоуп.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

 

56

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

1
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

1

Ҩардан акоронавирус аҟынтәи алаҵазы: изҭаху раасҭа изҭахым рацәоушәа сгәы иабоит

5
(ирҿыцуп 11:54 12.05.2021)
Агәабзиарахьчара аминистр ихаҭыԥуаҩ Вахтанг Ҩардан арадио Sputnik аефир аҟны иҳәеит акоронавирус аҟынтәи алаҵа аҟаҵара ианалаго, иахьыҟарҵо, уи раԥхьа иргыланы иззыҟаҵахо.

Аԥсны атәылауаа COVID-19 хызҽуа алаҵа "Спутник V" рзыҟаҵара иалагоит лаҵара 12 рзы.

Ҩардан акоронавирус аҟынтәи алаҵазы: изҭаху раасҭа изҭахым рацәоушәа сгәы иабоит

"Аԥсны араионқәа зегьы рҿы ахәышәтәырҭақәа рхыбрақәа рҿы ауадақәа аартуп алаҵа ахьыҟарҵо. Аҟәа ус еиԥш хыџьара иҟоуп. Ақалақьтәи ахәышәтәырҭаҟны алаҵа ҟарҵоит уа аус зуа амедицина аусзуҩцәа рзы мацара, 300-ҩык рҟынӡа ыҟоуп. Ареспубликатә хәышәтәырҭаҟынгьы раԥхьа авакцина роуеит амедицинатә усзуҩцәа. Насгьы иҟоуп иаҳа ихадоу ҳәа иԥхьаӡоу ақалақьтә поликлиника. Уа ашьыжь аусзуҩцәа ирзыҟарҵоит алаҵа, нас ақалақьуаа, авакцина аҟаҵара зыхәҭоу рзы иҟаҵахоит. Амедицина аусзуҩцәа рышьҭахь алаҵа рзыҟаҵахоит ажәлар рҟны аус зуа: арҵаҩцәа, ауаа рацәа ныҟәызго амашьына аныҟәцаҩцәа уҳәа егьырҭ… Алаҵа ахьыҟарҵо апунктқәа рҟны аҳақьымцәа ауаа иразҵаалоит ргәабзиара шыҟоу, игәарҭоит, изԥырхагахар ҟало ҳәа ззырԥхьаӡо ирыларҵаӡом", - иҳәеит Ҩардан.

Аԥсны агәабзиарахьчара аминистр ихаҭыԥуаҩ игәаанагарала, макьаназы алаҵаҟаҵаразы агәацԥыҳәара аазырԥшуа атәылауаа раасҭа, изҭахым еиҳауп.

"Изҭаху ыҟоуп, даара изҭаху, аха изҭахым иаҳа ирацәоушәа сгәы иабоит. Ҳаԥшып ишыҟало. Насгьы ари хатәгәаԥхарала ауп акәымзар, иҟауҵароуп ҳәа аӡәгьы идцалара азин ыҟам", - азгәеиҭеит Ҩардан.

Шәазыӡырҩы аудио.

Иара убас шәаԥхьар ҟалоит:

5
Атемақәа:
Аҿкычымазара – акоронавирус Аԥсни адунеи аҿи: иалкаау