Анаплакҩы Аҩӡба: аҵыҵындра Аԥсны иаарыхны изҭиуа рус саԥырхагам, аконкуренциа ҟасҵом

33
Аҵыҵындра аазрыхуа анаплакҩы Баҭал Аҩӡба арадио Sputnik аефир аҟны еиҭеиҳәеит атәыла анҭыҵ иаадрыхуа зегьы зырышьҭуа, убасгьы аҵыҵындра аарыхраҟны Аԥсны авасҩы дыҟам ҳәа зииԥхьаӡо, иара убас ашықәс иалагӡаны еиԥҟьарада уи аарыхразы игәҭакы атәы.

Аҳазалхратә еилакаҿы аилацәажәара мҩаԥыргеит мшаԥы 27 рзы. Шьҭарнахыс аҵыҵындра Ԥсоу ахыгара маншәалахароуп. Атауар аекспорт аан аҳазалхратә кәамаҵамақәа рырмариаразы аус адулан аамҭалатәи адекларациаҟаҵара ҳәа азгәаҭан аилацәажәараҟны. Сынтәа Аԥснынтәи Урыстәылаҟа аҭиразы инашьҭхар алшоит зықь тонна инареиҳаны аҵыҵындра. Ҵыԥх Аԥснынтәи Урыстәылаҟа аҳәаа иахыган 294 тонна. Аԥсны иҟоу Урыстәыла аҳазалхартә маҵзура ахаҭарнак Константин Козлов иҳәеит аамҭалатәи адекларациаҟаҵара аҳәааҿ агәаранқәа рыҟазаара шеиҵанатәуа, адекларациа зныктәи аҟаҵарала мызкы ахы-аҵыхәа атауар аҳәаа ахыгара шалнаршо. Урыстәылатәи аҳазалхырҭа азыхиоуп аҵыҵындра атауартә партиақәа аԥҟара ҿыцқәа рыла реиҿкаара ҳәа азгәеиҭеит иара.

Анаплакҩы Аҩӡба: аҵыҵындра Аԥсны иаарыхны изҭиуа рус саԥырхагам, аконкуренциа ҟасҵом

"Ари азҵаара ҵыԥх иҳазцәырҵит, аха иақәшаҳаҭны иҟамызт. Аамҭа иаҳнарбеит, уи еилкааны иазнеир акәхеит аԥсуагьы аурысгьы ҳазалхыҩцәа. Аамҭалатәи адекларациазы ирыдыркылаз аӡбамҭа даара иҳахәоит, избанзар мызкы ахы-аҵыхәа ианаҳҭаху аҵыҵындра ииаҳгар ҟалоит. Уи азы угәҭакы ҳәаны, аплан уҽақәыршәаны ииаугар ҟалоит атауар", - иҳәеит анаплакҩы Баҭал Аҩӡба арадио Sputnik аефир аҟны.

Инеиҵыхны аицәажәара шәазыӡырҩыр шәылшоит аудиофаил аҟны.

Иара убас шәаԥхьар ҟалоит:

33

Раионк аԥсҭазаараҟынтә: Хаҳәбиаԥҳа Тҟәарчал араион аҵарашықәс ҿыц ахацыркра иазкны

13
(ирҿыцуп 20:23 04.08.2021)
Тҟәарчал араион аҵараҟәша аиҳабы ихаҭыԥуаҩ Фросиа Хаҳәбиаԥҳа арадио Sputnik аефир аҿы еиҭалҳәеит ашколқәа рҿы аҵарашықәс ахацыркразы имҩаԥырго аусурақәа ртәы.
Раионк аԥсҭазаараҟынтә: Хаҳәбиԥҳа Тҟәарчал араион аҵарашықәс ҿыц ахацыркра иазкны

"Цәыбррамза 1 рзы ашколқәа рышәқәа аартразы гәҭыха змам ҳәа дыҟам. Имаҷым ари азҵаара иазхәыцуа. Адистанциатә ҵара Аԥсны ашколқәа изылшо ыҟазар ҟалап, жәаҳәарада, аха Тҟәарчал араион ашколкәа рзы акарантин ҟаларгьы, арҵара цароуп ашкол рҿы ҳәа агәаанагара сымоуп. Уи аус аиҿкаара иазхәыцуеит ҳраион ахадара. Хара хәыцрала уахәаԥшуазар, ари инымҵәо аҿкы чымазароуп, убри аҟнытә ашколқәа русура нырымкалар ҟалап ҳәа агәаанагара сымоуп. Ашкол аусура ахәыҷқәа еиҳагьы иахьчозар ҟалап. Ахәыҷқәа зегьы гәаҭан, асанитартә хылаԥшра бзиа ҟаҵаны, ҵыԥх ҳшалагаз еиԥш сынтәагьы, аҵара аус аиҿкаара, хымԥада, иахәҭоуп ҳәа сыԥхьаӡоит", -  еиҭалҳәеит Хаҳәбиаԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

13

Хра злоу ахҭысқәа: Шьалашьааи Џьапуеи абылтәы ахә ацлара иазкны

13
(ирҿыцуп 16:57 04.08.2021)
Абылтәы ахә ахалара, аҭагылазаашьа аҿиашьа арадио Sputnik аефир аҟны иалацәажәеит Азини аекономикеи ринститут аиҳабы Заур Шьалашьааи, аилахәра "Аԥсныбылтәы" аиҳабы Рамаз Џьапуеи.
Хра злоу ахҭысқәа: Шьалашьааи Џьапуеи абылтәы ахә ацлара иазкны

Урыстәыла аенергетика аминистрра иҟанаҵаз ажәалагала абылтәы хымыз аекспорт аанкылара, ашәара аԥнаҵеит ҳтәыла амашьынаныҟәцаҩцәа рыбжьара. Аҧыза-министр Александр Анқәаб аекономика аминистр Кристина Озганԥҳаи иареи реипылараҿы адҵа лиҭеит ҳтәылахь анефть аалыҵқәа аагара знапы алакыу алархәны аҭагылазаашьа арҽеиразы азҵаарақәа ирылацәажәарц. Аҧыза- министр ихаҭыҧуаҩ, аекономика аминистр Кристина Озганԥҳа излазгәалҭаз ала, уажәтәазы ажәалагалақәа азырхиара иаҿуп анефтаалыҵқәа рзы. Аҭагылазаашьа зеиԥшроу, ԥхьаҟа иҿиар шалшо атәы арадио Sputnik аефир аҟны иалацәажәеит Аекономикеи азини ринститут аиҳабы Заур Шьалашьааи, аҳәынҭқарратә еилахәыра "Аԥсныбылтәы" аиҳабы Рамаз Џьапуеи.

Шәазыӡырҩы аудио.

Иара уьас шәаԥхьар ҟалоит:

13

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

2
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

2