Паӷәааԥҳа Баслахә ақыҭа асаит азы: иахьа уажәраанӡагьы ақыҭаҿы ишҳамоу ззымдыруа ыҟоуп

216
(ирҿыцуп 11:20 11.05.2021)
Баслахә ақыҭа асаит аусушьа, насгьы избан ақыҭа ахатә саит замоу атәы арадио Sputnik аефир аҿы еиҭалҳәеит уи аредактор Лорена Паӷәааԥҳа.

Жәашықәса раԥхьа Баслахә ақыҭа иаиуит ахатә саит. Уи ахҭыс шыҟалаз атәы, насгьы аханатә хықәкыс иамаз атәы еиҭалҳәеит асаит аԥҵаҩцәа ируаӡәку, иахьа уажәраанӡагьы аус адызуло Лорена Паӷәааԥҳа.

Паӷәааԥҳа Баслахә ақыҭа асаит азы: иахьа уажәраанӡагьы ақыҭаҿы ишҳамоу ззымдыруа ыҟоуп

"Асаит анаԥаҳҵоз, раԥхьа ҳхықәкқәа ируакыз, ақыҭаҿы имҩаԥысуа ахҭысқәа рӡыргара акәмызт, иаҳҭахын ҳқыҭа аҭоурых ауаа идҳардырырц. Асаит аартра ҳара шәҟәҭыжьрак иаҳзаҩызан. Уи аҭааҩцәа рхыԥхьаӡара иацлоит асоциалтә даҟьақәа рҿы аӡыргара анамоу. Иара аинформациатә саитқәа реиԥш аус ауам, усҵәҟьа жәабжьла ахарҭәааразы алшара ыҟам, схала соуп аус адызуло, убри аҟнытә сызлахәу аусмҩаԥгатәқәа роуп уаҟагьы иӡыргоу. Иахьа уажәраанӡагьы ақыҭаҿы асаит шҳамоу ззымдыруа ыҟоуп, аха аханатә ҳусура ҳаналагоз аахыижьҭеи, аинтернет ахархәара уажәы иаҳа иахьыҭбаау аҟнытә аӡбахәгьы иаҳа ирдырит. Иара аинтернет ахаҭагьы сынтәоуп ақыҭаҿы ианыҟала, уажәы изҭаху зегьы, ақыҭа ауааԥсыра иҭалан ирбар рылшоит ҳсаит", - ҳәа еиҭалҳәеит Ԥаӷәааԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

216

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

1
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

8
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

8