Раионк аԥсҭазаараҟынтә: Шамугьиа Тҟәарчалтәи ахәшәтәырҭаҟны аусурақәа ахьынӡанагоу атәы

8
(ирҿыцуп 19:56 12.05.2021)
Аргыларатә фирма "Тҟәарчаларгылара" аиҳабы Рауль Шамугьиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит араионтә хәышәтәырҭаҟны аргыларатә усқәа ахьынӡанагоу, ахархәарахь рыҭаразы аргылаҩцәа ҽҳәарас ирымоу атәы.
Раионк аԥсҭазаараҟынтә: Шамугьиа Тҟәарчалтәи ахәшәтәырҭаҟны аусурақәа ахьынӡанагоу атәы

Аԥсны аԥыза-министр ихаҭыԥуаҩ, аекономика аминистр Кристина Озганԥҳа аҩаша, лаҵара 11 рзы Тҟәарчал даҭааит. Уажәазы ахәышәтәырҭаҟны аҵыхәтәантәи аусурақәа ирҿуп. Аминистр илбеит аус ахьынӡанагоу, иагу–иабзоу гәалҭеит.

"Дахәаԥшит (Аԥсны аԥыза-министр ихаҭыԥуаҩ, аекономика аминистр- аред.), ари амза анҵәамҭазы иҟаҵаны ахархәарахь ираҳҭароуп лҳәеит. Ҳаилацәажәеит, амза анҵәамҭазы ҳахьӡоит аҟаҵара. Ахыбра дакәшаны игәалҭеит, иҟоуп дахьҳацәҳазгьы, ииашаны иахьыҟаҳамҵаз аус ҳариашартә аамҭа ҳамоуп даҽа мчыбжьык-ҩымчыбжьа. Акаҭран ақәҵара хәыҷык ҳадхаланы ҳаҟан, аха уи иахьа иахәаԥшит, ҩымш-хымш рыла иалагар, ҳахьӡоит уигьы", - иҳәеит Шамугьиа.

Иара иҳәеит имоу адыррала лаҵара 28 рзы ахәшәтәырҭа аартра шазгәаҭоу.

Иаҳа инеиҵыхны аиҿцәажәара аудиофаил аҟны.

Иара убас шәаԥхьар ҟалоит:

8

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5