Агрба еиҭеиҳәеит акультуратә хыбрақәа рҭагылазаашьазы агәаҭарақәа иаадырԥшыз атәы

46
(ирҿыцуп 13:58 20.05.2021)
Атәыла акультуратә хәышәҭаарақәа рҭагылазаашьа зеиԥшроу, насгьы, атехника аганахьала реиқәыршәашьа атәы арадио Sputnik аефир аҿы еиҭеиҳәеит Аԥсны акультура аминистр Гудиса Агрба.
Агрба еиҭеиҳәеит акультуратә хыбрақәа рҭагылазаашьазы агәаҭарақәа иаадырԥшыз атәы

Сынтәа дара ирацәоуп акультуратә проектқәа, ҳәа азгәеиҭеит аиҿцәажәараҿы Гудиса Агрба.

"Аминистрраҿы еиҿкаауп акультуратә усбарҭақәа ирыгу-ирыбзоу ҭызҵаауа аусуратә гәыԥ, иара имҩаԥнагоит аинспекциақәа. Иҟоуп азҵарақәа аамҭа мгакәа иӡбатәу, иҟоуп - хәыҷык инаханы иуӡбашагьы. Ихадоу азҵаарақәа иреиуоуп Аҳәынҭқарратә филармониаҿы атехника аҭагылазаашьа. Иара убас ихымԥадатәны иҟоу рахь иаҵанакуеит Аҳәынҭқарратә ансамбль аҽазыҟаҵарҭатә зал аҟаҵара, дара русура аамҭала ииагоуп афилармониахь. Аҽазыҟаҵарҭатә ҭыԥ аремонт алагара азыӡбан. Аусурақәа анхыркәшахалак, уи азал аҿы рҽазыҟаҵалоит Аҳәынҭқарратә ансамбль ахаҭа адагьы, акәашаратә ансамбль "Шьараҭын". Уи анаҩс ирацәоуп еиҭа аусбараҭақәа ирыгу, аусуақәа зегьы ирлас иаҳзыҟамҵаргьы, хәыҷы-хәыҷла нап аҳаркырц ауп", - еиҭеиҳәеит Агрба.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы, мамзаргьы арадио Sputnik аефир аҿы.

Иара убас шәаԥхьар ҟалоит:

46

Хра злоу ахҭысқәа: Ҭарбеи Занҭариеи Аԥсны аинвестициақәа радԥхьалара иазкны

1
Аԥсны Жәлар Реизара адепутат, аграртә политикеи аԥсабаратә хархәареи аекологиеи рзы ахеилак ахантәаҩы Асҭамыр Ҭарбеи Тамшь ақыҭа ахада Вадим Занҭариеи арадио Sputnik аефир аҿы аԥсуа қыҭақәа рҿы аинвестициақәа ралагаларазы иҟоу алшарақәеи аԥкрақәеи ирылацәажәеит.
Хра злоу ахҭысқәа: Ҭарбеи Занҭариеи Аԥсны аинвестициақәа радԥхьалара иазкны

Иҳаҩсыз ашықәс жьҭаарамза анҵәамҭазы Очамчыра араион Тамшь ақыҭан аргылара иалагеит атуристтә аобиект. Мышқәак раԥхьа уи аусура хацнаркит. Аԥсны Мрагыларатәи ахәҭа иахьаҵанакуа ари раԥхьатәи ҭыԥхеит атуристцәа рыԥсшьара аиҿкааразы.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

1

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

7
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

7

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

5
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа. Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

5