Барцыц араионқәа рекономика-географиатә хҳәаа аус азы: ихадароу зҵаароуп

9
(ирҿыцуп 17:41 26.05.2021)
Аекомикеи азини ринститут аҭҵаарадырратә усзуҩ Леуард Барцыц арадио Sputnik аефир аҟны еиҭеиҳәеит Аԥсны араионқәа рекономика-географиатә хҳәаа иаҵанакуа, уи аус аҭҵаара феидас иалоу атәы.

Мышқәак раԥхьа Гал араион ахадараҿы имҩаԥысит араион ахадареи Аԥсны Аекономикеи азини ринститут ахаҭарнакцәеи реиԥылара. Аҵарауаа хықәкыс ирымоуп Гал араион аҟны аекономика-географиатә хҳәаа азырхиара. Изызкуи ари аус, знапы алакыда, араионқәа зегьы аиԥш зеиԥшу акартографиа рымазароума? Абри атәы арадио Sputnik аефир аҟны иалацәажәеит Аекономикеи азини ринститут аҭҵаарадырратә усзуҩ Леуард Барцыци Очамчыра араион ахада ихаҭыԥуаҩ Артемон Габелаиеи.

 

Барцыц араионқәа рекономика-географиатә хҳәаа аус азы: ихадароу зҵаароуп

"Иахьа аекономика, аҳәынҭқарра ҳанрылацәажәо иҟоуп хԥа-ԥшьба зҵаара, убарҭ ирхадоуп Аԥсны аҳәаа аҩнуҵаҟа иҟоу араионқәа, ақыҭақәа, аҳаблақәа рҳәаақәа, насгьы Валери Кәарҷиеи Таҷ Гыцбеи ҳтопонимика иадҳәаланы иҟарҵаз русумҭақәа ахсаалақәа рҟны иарбаны, ишахәҭоу еиԥш ԥсышәала ҳалацәажәо, иҭҵааны ҳганаҟны иҟоу аҳәынҭқаррақәа ирыдаагалартә. Ҳҳәаақәа ҟамлакәа, Аԥсны аҩнуҵаҟа аекономика алацәажәара акыр иуадаҩуп. 30 шықәса иреиҳауп, Аԥсны агеографиа аганахьала инҭкааны иарбан усзаалак инагӡаны иҭҵаауп, ишьақәыргылоуп ҳәа ҳҳәартә иҟам. Абри 1997 шықәсазы иҟаҳҵаз ахсаала анаҩс аҭҵаарақәа даара имаҷуп. Гал араион ала ҳалагеит, избанзар егьырҭ раасҭа имаҷны иҭҵаауп, аҭагылазаашьа иаҳа иуадаҩуп. Иахьазы ҩышә иреиҳаны аҭыԥхьыӡқәа еиҭашьақәыргыланы ахсаалаҟны иарбатәуп", - иҳәеит Барцыц.

 

Иаҳа инеиҵыху аиҿцәажәара аудиофаил аҟны.

Иара убас шәаԥхьар ҟалоит:

9

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4

Кәарҷиа аиога азы: анапы еиҿаршәны атәара мацара акәым иаанаго, уи мҩоуп

7
(ирҿыцуп 18:19 21.06.2021)
Рашәара 21 аиога иамшуп. Ауаажәларратә усзуҩ Абессалом Кәарҷиа арадио Sputnik аефир аҟны далацәажәеит аиога аҵакы.
Кәарҷиа аиога азы: анапы еиҿаршәны атәара мацара акәым иаанаго, уи мҩоуп

Аиога Жәларбжьаратәи амш азгәарҭоит рашәара 21 азы. Аашықәса раԥхьа Еиду Амилаҭқәа реиҿкаара Ассамблеиа Хада Индиа аԥыза-министр Нарендра Моди лажәалагалала арезолиуциа аднакылеит аиога амш азы. Ари амш машәыршақә иалрымхит, рашәара 21 ашықәсан зегь раасҭа иауу мшуп, анаҩс амш агхара иалагоит.

"…Аиога Индиа ицәырҵит, аҭоурых даара иҵаулоуп, ҳашықәсԥхьаӡара ҟалаанӡа ҩышә шықәса раԥхьа Патанджали ҳәа дыҟан аиог ду, убри иҟаиҵеит асистема. Аиога аԥҟарақәа инарықәыршәаны зхы мҩаԥызго даара доуҳала, леишәала аԥсабара иазааигәоу уаҩуп. Ҳазшаз иԥҟарала аԥсабара азнеишьа, ахымҩаԥгароуп ҵакыс иамоу аиога. Цәаныррала иудыруа иаҳа ирацәахоит, иаҳа иузымариахоит аԥсҭазаараҟны ахымҩаԥгара, анхара… Ауаҩы иԥсы ахьынӡаҭоу ихы шымҩаԥигаша аԥсабара аҿаԥхьа, иуаажәлар, иқыҭа, иуа-излацәа, иҭаацәа рҿы, абри амҩа дахьықәу ихы шымҩаԥигаша аҵанакуеит… Аԥсуаа ҳҟны аԥси ацәеижьи еидыганы ирыхцәажәоит… аԥсуаа ҳҟны ирҳәалоит "Ҳазшаз дисасуп" ҳәа, аԥсҭазаараҟны ҳара ҳсасцәоуп, убри аҟынтә сасцәаҵас ҳхы мҩаԥаагароуп. Ииашаны ухы мҩаԥугарц азы аиога аҟны аа-ҩаӡарак ыҟоуп. Аԥхьатәи аҟны ауаҩы ибызшәа ирыцқьароуп, аиакәым имҳәароуп, анаҩс ихәыцрақәа ирыцқьароуп, уи ашьҭахь убаҩ арҵәра уалагоит… Аиога анапы еиҿаршәны атәара мацара акәым, уи ахымҩаԥгашьа иаша, ауаҩы шаҟа аԥсабара дазааигәахо, Ҳазшаз деиликаартә, цәаныррала дгәеиҭартә даназааигәахо аиога ауп…Аиога уи амҩа ауп, Ҳазшази уареи шаҟа шәеизааигәахо ауп", - иҳәеит Кәарҷиа.

Иаҳа инеиҵыхны аицәажәара аудиофаил аҟны.

7

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау