Гәынба ConIFA 2016 Аԥсны амҩаԥысразы: ухы-угәаҿы иаанхо хҭысны иҟалеит

15
Хәышықәса раԥхьа ари амш аҽны ныҳәан - Аԥсны имҩаԥган ConIFA-2016. Ари аныҳәа иацу агәалашәарақәа ртәы арадио Sputnik аефир аҿы еиҭеиҳәеит ачемпионат аҟны ахәмаррақәа рыхҳәаа ҟазҵоз, иахьа Аԥсуа радио напхгара азызуа ажурналист Адгәыр Гәынба.
Гәынба ConIFA – 2016 Аԥсны амҩаԥысразы: ухы-угәаҿы иаанхо хҭысны иҟалеит

"Акомандақәа Аԥсныҟа ианааз амшқәа инадыркны угәы иахәаша, ҳгәы ҳхазыршҭша, аспорт ԥхьаҟа изгаша ак шыҟалоз агәраугаратәы иҟан. Иара аартрагьы уи шьақәнарӷәӷәеит. Акомандақәа рааишьа, раԥсшәаҳәашьа, астадион ушьапы узавамыргыло иҭәын, қәҿиаралагьы имҩаԥысит аартра. Уи ахҳәаа аҟаҵара ҳадын Арифа Қапԥҳаи сареи, иҳақәҿиеит ҳәа сгәы иаанагоит. Ныҳәан! Гәалаҟазаара бзиан! Даара ухы-угәаҿы иаанхо хҭысны имҩаԥысит аартра, иара Ачемпионат зегьы", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәрыхәаԥшыр ҟалоит афотоқәа>>

Хәышықәса раԥхьа: лаҵара 28 2016 шықәсазы Аԥсны иалагеит ConIFA ала адунеи ачемпионат

15

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4
Абессалом Кварчия

Хра злоу ахҭысқәа: Кәарҷиа афатәи абылтәи рыхәқәа рыцҵара иазкны

3
Афатә, ауҭраҭых хкқәак рыхә ацлара, абылтәы ахә аиҭакразы ишьақәгылаз аҭагылазаашьазы арадио Sputnik аефир аҟны игәаанагара иҳәеит Ауаажәларратә палата алахәыла, аусдкылаҩ Абессалом Кәарҷиа.
Хра злоу ахҭысқәа: Кәарҷиа афатәи абылтәи рыхәқәа рыцҵара иазкны

"Аҳәынҭқарраҟны мчыла ахә узышьақәыргылаӡом. Ахә шьақәзыргыло аџьармыкьа ауп. Сара иахьа аԥсыцәгьара аарԥшны џьара хә-мааҭк ахә иацланы схы иархәаны жәа мааҭк иацысҵар, уи збо иалоу феида шыҳараку анибо, иаргьы далагоит. Аӡәы имацара ахә изацҵом, дмонополистны дыҟамзар, иара ида аӡәгьы имамзар. Еибыҳәаны иҟарҵо атәы акәзар, Аԥсны уиаҟара амч, аԥышәа рымаӡам, аӡәгьы игәы иалымсааит, аха уи азы ҷыдала аилкаара рымаӡам рҽеидкыланы иазнеиртә еиԥш. Ус еиԥш апрактика Аԥсны исымбацт. Аҳәынҭқарра дуқәа рҿы ус еиԥш ҟамларц еиҿкааны ирымоуп амонополиа иаҿагылоу аилак. Ауаа рхы еидкыланы, еилацәажәаны ак ҟарымҵарц азы ахараԥсақәа ҳаракуп, уи иацәшәоит. Иҟоуп егьа закәан шьақәургыларгьы, ацәцашьа, ахыҵәахышьа, аха ус ишабалак ахә ашьҭыхра аҵаҵӷәы амамзар, иуадаҩуп", - иԥхьаӡоит Кәарҷиа.

Иара иазгәеиҭеит атәылазы афатә шәарҭадара апрограмма аҵакы атәы, ианамуӡах, 30 процент рҟынӡа Аԥсны ирфо араҟа иаадрыхлар ауп ҳәа.

Аицәажәара инарҭабааны аудиофаил аҟны ишәаҳәар шәылшоит.

Иара убас шәаԥхьар ҟалоит:

3

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау