Ҳагба Шьамтәыла аганахьала Аԥсны азхаҵаразы: исимвол ӷәӷәоуп ҳҳәынҭқарра ашьақәгылараҿы

133
(ирҿыцуп 20:14 29.05.2021)
Иахьа хышықәса ҵит Шьамтәылатәи Арабтә Республика Аԥсны Аҳәынҭқарра ахьыԥшымра азханаҵеижьҭеи. Аполитолог Беслан Ҳагба арадио Sputnik аефир аҟны иазгәеиҭеит ахҭыс аҵакы, атәылақәа иахьатәи реизыҟазаашьа.
Ҳагба Шьамтәыла аганахьала Аԥсны азхаҵаразы: исимвол ӷәӷәоуп ҳҳәынҭқарра ашьақәгылараҿы

"…Аԥсни Шьатәылеи реизыҟазаашьақәа анагӡара аиура ҳаналацәажәо иаҳдыруазароуп, аԥхьаӡага аанкыланы ишузымԥхьаӡо, абри ҳҭахуп, ари қьафурак, малк џьара иаҳнаҭар ҟалоит ҳәа. Раԥхьа иргыланы ари (аизыҟазаашьа - аред.) иамоуп асимволтә ҵакы. Уи даара акраҵанакуеит. 30 шықәса раԥхьа Аԥсны иамамызт агимн, абираҟ, абас еиԥш иҟаз асимволқәа ҳашрышьҭаз аԥсуа жәлар, жәытә-натә аахыс ҭоурыхла иӷәӷәоу араб тәыла ҳазханаҵеит. Убри аганахьала атәылаҟны имҩаԥысыз алхрақәа, Асад даҽа 7 шықәса инапхгараҭара акраҵанакуеит, избанзар Шьматәыла аҩнуҵҟа еиҭакра ҟамлар, даҽакала иамыхәаԥшыр ауеит ҳазхаҵара, убасгьы иаҳа иҭышәынтәалахар уаҟа, аизыҟазаашьақәа егьырҭ аформақәа аархәар алшоит, иаҳҳәап, аекономика, еиҳаракгьы акультура, амала ҩаԥхьа исҳәоит абри (Шьамтәыла аганахьала Аԥсны иаиуз азхаҵаразы - аред.) исимвол ӷәӷәаны ишыҟалаз ҳҳәынҭқарра ашьақәгылараҿы", - иҳәеит Ҳагба.

Шәазыӡырҩы аудио.

133

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

8
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

8

Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

17
(ирҿыцуп 14:42 27.09.2021)
Леон иорден занашьоу, ахы иақәиҭны ақәԥара аҿар азыҟазҵо, СССР аспорт азҟаза Џьон Партанаӡе арадио Sputnik аефир аҟны игәалаиршәеит аибашьра ахҭысқәа.
Партанаӡе аибашьра ахҭысқәа рзы: ҳаԥсы ахьынӡаҭоу ҳгәаҵаҟны иҟоуп

"Ари (аибашьразы-азгәаҭа) ҳара ҳаԥсы ахьынӡаҭоу есқьынагьы ҳгәаҵаҟны иҟазаауеит…Ҳазлаз агәыԥ ашьха-хысратә рота акәын, напхгара аиҭон Лиосик Цыгәба.

Ажәыларақәа ыҟан акымкәа-ҩбамкәа. Ҩада Ешырантәи ҳалбааны Уазабаа, Ахалшениа, аӡфымцастанциа аума, Одишьа, 920-тәи аҳаракыра, Ҩада Кьалашәыр, убас ауп Аҟәа ҳагьшалалаз. Аамҭак-аамҭак рыман зегьы, ҽнакала иҭаурцәоз акәымызт, ишәатәын-изатәын. Шрома (Гәыма ду) раԥхьатәи ажәылара ыҟан абҵара 3 рзы, ҳаибашьратә мҩа уамаӡак аԥышәа амамкәа ҳаиҵазырхоз аусқәа ҟалеит, насгьы аӷа имч ӷәӷәан.

Уаҟа иҟаз ҳгәыԥ мацара акәымызт, 300-400 –ҩык ыҟан, ҳаибадыруагьы ҳаҟамызт. Убра иаҳнарбеит аӷа дазусҭаз, иарбџьарымчқәа шыӷәӷәаз. Убраантәи зыԥсы ҭаны иалҵыз иахьа уажәраанӡагьы ҳазхәыцуеит ҳазлалҵи ҳәа. Иаҳбон дара ртехника иҟанаҵоз, ҳара аҟәара ҳақәыԥсаны ҳаанхеит. Реибашьыгатә ҳаирпланқәа ҳхагыланы рџьаԥҳаны зегьы ҳаларҵон, рыбзарбзанқәа, ртанкқәа зегьы ҳаихсуан. Ҳара хԥа-ԥшьба БМП ҳаман, ус ҳгәы иаанагон ҳара ҳаҟара иӷәӷәоу ыҟамызшәа. Уи ажәылараҟны аџьабаа ҳдырбеит", - ҳәа игәалаиршәеит Партанаӡе.

Иаҳа инарҭбааны аицәажәара аудиофаил аҟны.

17
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5