Шәлымба еиҭеиҳәеит Ԥсҳәыҟа апассаџьыртә транспорт адәықәҵара азҵаара аус шадыруло

11
(ирҿыцуп 09:50 30.05.2021)
Аҟәатәи автобустә парк аиҳабы Леонид Шәлымба арадио Sputnik аефир аҟны иҳәеит Ԥсҳәыҟа апассаџьыртә транспорт ҩаԥхьа абжьаҵаразы Аҟәа араион ахадара азҵаара аус шадыруло, дырзааҭгылеит иҟоу ауадаҩрақәа ртәы.
Шәлымба еиҭеиҳәеит Ԥсҳәыҟа апассаџьыртә транспорт адәықәҵара азҵаара аус шадыруло

"Шәара шәеиԥш саргьы даара сгәы иахәеит уахь (Ԥсҳәыҟа - аред.) атранспорт андәықәаҳҵа. Уи атранспорт Аҟәа араион ахадара амчала иаахәан, дара рбаланс аҟны иҟоуп. Ҳара ацхыраара ҟаҳҵеит уи ныҟәызцо иганахьала, атехникатә ҭагылазаашьа аганахьала ишахәҭоу ҳацныҟәеит, аха Ԥсҳәыҟа амҩа даара иҷыдоуп, ишәарҭоуп, уи амҩангага хәыҷык иманшәалам. Ауаа ашәарҭара иҭанаргыло анаҳба, ҳаилацәажәан, ҳаҟәыҵит (ауаа рымҩангара - аред.), избанзар амашьына хышәҭыр ҟалон. Абри атранспорт аныргоз, хәыҷык азҿлымҳара аҭахын, ирызгәамҭаӡеит иамоу гхақәак. Амашьынаныҟәцаҩ уи нап адикылеит, аха уи иагқәоу имч ақәхом. Уажәы Аҟәа араион ахадара рымчала атранспорт аиқәыршәара иаҿуп, ҳгәыӷуеит хара имгакәа еиқәдыршәоит ҳәа. Ишеиқәдыршәалак еиԥш, идәықәаҳҵоит, аха уи атранспорт акзаҵәык ала ауаа рымҩангара узышьақәыргылом, излауԥсахуагьы ак умазароуп. Ари техникоуп, акы амыхькәа иҟалом, инеивыга-ааивыго идәықәуҵароуп, излаупсахуа умазароуп", - иҳәеит Шәлымба.

Раԥхьатәи апассаџьыртә реис Аҟәа-Псҳәы бжьаҵан ԥхынгәы 7, 2020 шықәсазы.

Автомашьына ГАЗ Аҟәа ахадара рымчала иаахәан миллион мааҭк ҳәа.

11

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

5
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

5