Раионк аԥсҭазаараҟынтә: Дочиа Тҟәарчал аԥшасраан зхыб ахнахыз аҩнқәа рҭагылазаашьа иазкны

10
Тҟәарчал араион ахада Исидор Дочиа арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит амшцәгьақәеи аԥшасрақәеи раан аԥхасҭа зауз ахыбқәа реиҭашьақәыргылара аус ахьынӡанагоу атәы.
Раионк аԥсҭазаараҟынтә: Дочиа Тҟәарчал аԥшасраан зхыб ахнахыз аҩнқәа рҭагылазаашьа иазкны

"Ашықәси ашықәси рыбжьара ас еиԥш аԥшасра иахҟьаны аҩнқәа рхыбқәа ахнашәоит. Анцәа иџьшьаны, ауаа ааха рмоуит, иаҳа иахьныҟәо, рыԥсы ахьыршьо Ахақәиҭра амҩаду аҟны ауп аҩны ахыб ахьахнашәаз. Тҟәарчал амшцәгьақәа ирыхҟьаны иахьа аҩны ахыб абжеиҳарак рхиоуп ахыбразы, егьи ихнашәаз, инхаз ықәуп макьана. Амшқәа иҳарҭар, ҳазҭоу амчыбжь нҵәаанӡа маҷ-маҷ хәҭа-хәҭала аҩны хыбхоит. Егьи амҩаду аҟны игылоу аҩны ажәытә шифер акәын иақәыз, уи асмета аҟаҵара ҳаҿуп, иара зегьы иреиҳау ҩнуп ақалақь аҟны - 80 метра инацны иҟоуп. Убри аҟынтә иагьыхьанҭоуп аҟаҵара, жәба-жәаба миллион мааҭ рҟынӡа агар алшоит. Уи аҩны ҵыԥхгьы аԥшасраан маҷк ааха аиухьан, усҟан ақалақь амчала иӡбан азҵаара. Аԥыза-министр иҭабуп ҳәа иасҳәар сҭахуп игәцаракны ари азҵаара ахаҵгылара ахьеиҭаз", - иҳәеит Дочиа.

Иаҳа инеиҵыху аиҿцәажәара аудиофаил аҟны.

Иара убас шәаԥхьар ҟалоит:

10

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

1
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

1
Нодар Чанба

Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

8
(ирҿыцуп 17:51 18.06.2021)
Аԥсны раԥхьаӡатәи апрофессианалтә театр аԥҵараҿы злагала рацәоу Самсон Ҷанба диижьҭеи 135 шықәса ҵит. Жәлар рартист Нодар Ҷанба арадио Sputnik аефир аҿы еиҭеиҳәеит раԥхьатәи аԥсуа адраматург иҭоурых.
Аԥсны еицырдыруа ахьыӡқәа: раԥхьатәи аԥсуа драматург Самсон Ҷанба иҭоурых иазкны

Самсон Ҷанба – ауаажәларратә усзуҩы, ашәҟәыҩҩы, аҧсуа драматургиа ашьаҭыркҩы. Дыҩуан иара ҧсышәалагьы урысшәалагьы. Иҩымҭақәа цәырҵуа иалагеит агазеҭ "Аҧсны" адаҟьақәа рҿы 1919 шықәса рзы. Еиуеиҧшым ашықәсқәа рзы С. Ҷанба аус иуан: Аҧсны ацентртә нагӡаратә комитет (ЦИК) ахантәаҩыс (1923 - 1930), аҵаралашара жәлар ркомиссарс (1921 - 1925), Аҧсны ашәҟәыҩҩцәа Реидгыла ахантәаҩыс (1934 - 1937), агазеҭ "Аҧсны ҟаҧшь" редакторс. Ҷанба инапы иҵижьыз иреиуоуп: аромантикатә поема “Ашьха ҭыҧҳа”(1919), раҧхьатәи аҧсуа драма “Амҳаџьырқәа”(1920), “Аҧсны Ҳаным”(1923), “Ажәытәра иагаз” (1929) уҳәа убас егьырҭгьы. Идраматә ҩымҭақәа аҧсуа милаҭтә драматургиаҿ иауасхырны иҟалеит. Иповест “Сеидыҟ”(1934) – аҧсуа прозаҿы акыр зҵазкуа раҧхьатәи рҿиамҭаны иҧхьаӡоуп. С. Ҷанба иара убас еиқәиршәеит “Аҧсны агеографиа” (Аҟәа, 1925). Далахәын 1929ш. рзы иаҧҵаз раҧхьатәи апрофессионалтә аҧсуа театр аиҿкаара.

Аиҿцәажәара шәазыӡырҩыр шәылшоит аудиофаил аҿы.

8