Раионк аԥсҭазаараҟынтә: Хагәышьԥҳа Гагра амашьына аргыларҭа ҭыԥқәа реиҿкаара атәы

13
(ирҿыцуп 10:37 18.06.2021)
Гагра араион ахадара архитектуреи-аргылареи рыҟәша аиҳабы лхаҭыԥуаҩ Шьазина Хагәышьԥҳа арадио Sputniк аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит ақалақь аҿы амашьынаргыларҭатә ҭыԥқәа шеиҿыркаауа атәы.

Гагра ақалақь аҿы амашьынаргыларҭатә ҭыԥқәа реиҿкаара напы адыркит. Иалагеит Абазгаа рымҩа ала, иахьазы иазыҟарҵоит 25 машьына ҭыԥ.

Раионк аԥсҭазаараҟынтә: Хагәышьԥҳа Гагра амашьына аргыларҭа ҭыԥқәа реиҿкаара атәы

"Ақалақьтә нхамҩа аусбарҭа ҳацырхрааны амҩа аиҭашьақәыргылара ҳалагеит. Уи абаҟа ахьгылоу Абазгаа рымҩа инаркны Адыгаа рымҩа налакны аџьармыкьаҟынӡа. Аргылаҩцәа ирыҭан аусутә план, уажәы рус нарыгӡоит. Ақалақь аҟны еиҳарак аԥхын аамҭазы амашьынақәа рхыԥхьаӡара ахьырацәоу аҟынтә уадаҩраны иҳамоуп урҭ ахьдыргыло аҭыԥқәа. Арҭқәа ҳрызхәыцны 25 машьына рҭыԥ архиаразы аус ҳаҿуп", - лҳәеит Хагәышьԥҳа.

Шәазыӡырҩы аудио.

13

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11