Хра злоу ахҭысқәа: Аԥсны COVID-19, уи ахҟьаԥҟьақәеи ирызкны

49
Ауаажәларратә палата амаӡаныҟәгаҩ Гули Кьычбеи, Аԥсуа телехәаԥшра аусзуҩ, COVID-19 ибааԥсны изхызгаз Фарида Џьопуаԥҳаи, иара убасгьы Аҟәатәи ахәышәтәырҭа ареанимотолог Дамеи Занҭариеи арадио Sputnik аефир аҿы ҳтәылаҿы ишьақәгылаз аҭагылазаашьа ахҳәаа азыруит.
Хра злоу ахҭысқәа: Аԥсны COVID-19, уи ахҟьаԥҟьақәеи ирызкны

Аҟәа аинфекциатә хәышәтәырҭаҿы иҭацәу ҭыԥ ыҟаӡам, ҳәа адырра ҟаиҵеит Sputnik иаиҭаз аинтервиу аҿы ареанимотолог Дамеи Занҭариа.

"Еиҭа изҭаху ыҟоуп, аха аҭыԥ ахьҳамам аҟнытә Гәдоуҭаҟа иҳашьҭыз ыҟоуп. Ҩымчыбжь ҵуеит ачымазаҩцәа ихьанҭоу рхыԥхьаӡара иацлоижьҭеи. 40 -ҩык рҟынӡа ачымазаҩцәа шьҭоуп. Урҭ рахьынтә жәҩык ихьанҭоу ҳәа иԥхьаӡоуп. Ҳара иҳаман британиатәи аштамм змаз ачымазаҩцәа, урҭ рнаҩс индиатәи аштамм, иҟоуп зынӡа ихьанҭаны изхызго ачымазаҩцәа, ахәшә змыхәо", - азгәеиҭеит Занҭариа.

Ауажәларратә палата амаӡаныҟәгаҩ Гули Кьычба ҳтәылаҿы ачымазаҩцәа рхыԥхьаӡара ацлара ахҳәаа аҭауа илҳәеит, ауаажәларра аҿкы аҽацәыхьчаразы аԥҟарақәа ирықәымныҟәозар, амчратә усбарҭақәа уи хылаԥшра арҭар шахәҭоу.

"Ауаҩы ихдырра анылаҟәу, амчра аарԥштәуп, мамзаргьы ҳахдырра ҳараҳкроуп, ҳажәлар ҳреиҷаҳароуп", - азгәалҭеит Кьычба.

COVID-19 зхызгахьоу Фарида Џьапуаԥҳа лгәаанагарала, ауаа аԥсра иақәшәазаргьы иахәҭоу аԥҟарақәа зегьы ирықәныҟәаны аус еиҿыркаар, ачымазара зыҿиаӡом.

"Ачымазара уацныҟәароуп. Ауаа рхы рҭахызар, ус еиԥш иҟарҵароуп", - азгәалҭеит лара.

Инеиҵыху аиҿцәажәара шәазыӡырҩыр шәылшоит аудиофаил аҿы.

49

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11