Аҩӡба: аибашьра шалагоз азы Сталин иԥшыхәцәа ирҳәоз хаимҵеит, аиқәшаҳаҭра агәра игон

11
(ирҿыцуп 10:16 22.06.2021)
80 шықәса раԥхьа, рашәара 22 рзы Аџьынџьтәылатә еибашьра Ду иалагеит. Асовет Еидгыла анапхгаҩы Иосиф Сталин аибашьра шалагоз адырра имазу, мамзаргьы изымдыркәа иҟалаз хҭысу ҳәа арадио Sputnik аефир аҟны азҵаара аҭак ҟаиҵеит аҭоурыхҭҵааҩ, апрофессор Аслан Аҩӡба.
Аҩӡба: аибашьра ишалагоз азы Сталин иԥшыхәцәа ирҳәоз хаимҵеит, аиқәшаҳаҭра агәра игон

"Аҵыхәтәантәи агәаанагарақәеи адыррақәеи рыла (Сталин) аинформациа иман, аха агәра игомызт. Аҭҵаамҭақәа ишырҳәо ала, иара шықәсыбжак шыбжьазгьы арыцхә иарҳәахьан аԥшыхәцәа, аха агәра изгомызт ҳәа ауп иахьатәиала агәаанагара шыҟоу, ус рыԥхьаӡоит Аџьынџьтәылатә еибашьра Ду аҭоурых ҭызҵаауа. 1939 шықәса нанҳәамзазы асовет ҳәынҭқарреи Гитлери аиқәшаҳаҭра рнапы аҵаҩны ирыман "Еибашьрала ишқәымло азы апакт", 10 шықәса ҳәа ҽҳәарас иаҭаны, убри акәын зыгәра игоз", - иҳәеит Аҩӡба.

Шәазыӡырҩы аудио. Иаҳа инеиҵыху аиҿцәажәара шәаҳар шәылшоит арадио Sputnik аефир аҟны.

11

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11