Аҟәысба Ҭырқәтәылеи Урыстәылеи рыбжьара аҳаиртә еимадара ахацыркразы: гәахәа дууп

25
(ирҿыцуп 09:19 23.06.2021)
Урыстәыла 32 қьалақьи Ҭырқәтәылеи рыбжьара аҳаиртә еимадара еиҭахацыркуп. Ҭырқәтәыла инхо ари ажәабжь шрыдыркылаз, апандемиа аамҭа шырхырго атәы арадио Sputnik аефир аҟны еиҭеиҳәеит Ҭырқәтәыла иҟоу Аԥсуа культуратә центрқәа рфедерациа аиҳабы Аҭанур Аҟәысба.
Аҟәысба Ҭырқәтәылеи Урыстәылеи рыбжьара аҳаиртә еимадара ахацыркразы: гәахәа дууп

"Ауадаҩрақәа ҳхаҳгазаргьы иахьатәи аҭагылазаашьа маншәалоуп, ачымазара еихсыӷьт, ҳауаажәларгьы русқәа ирылагеит, ҳхеидкылақәа хәыҷы-хәыҷла ауаажәлар адеизало иалагеит", - иҳәеит Аҟәысба.

Урыстәылантәи аԥсшьаҩцәа Ҭырқәтәылаҟа рнеира, аҳаиртә еимадара ахацыркра гәахәа дула ирыдыркылеит Ҭырқәтәыла ҳәа азгәеиҭеит Аҭанур Аҟәысба.

"Акыр шықәса раахыижьҭеи Ҭырқәтәыла аурыс ԥсшьаҩцәа ирызку асистема еиҿкааны иҟоуп, урҭ рыԥсшьара иадҳәалоу аҽазыҟаҵарақәа есышықәса имҩаԥыргоит. Сынтәа мызкы аҟара уи иавсит. Даара игәырӷьараны ирыдыркылеит (аҳаиртә еимадара аиҭахацыркра- аред.), избанзар рсистема аус ауа иалагеит", - иҳәеит Аҟәысба.

Иара убасгьы еиҭеиҳәеит атәылаҟны шаҟаҩы алаҵа ҟарҵахьоу, Ҭырқәтәыла иарбан хкқәоу ахархәара змоу.

Иаҳа инеиҵыхны аиҿцәажәара шәаҳар шәылшоит аудиофаил аҟны.

Иара убас шәаԥхьар ҟалоит:

25

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11