Хра злоу ахҭысқәа: Ԥлиа Аԥсны алхратә система аиҭакрақәа ралагалара атәы

25
(ирҿыцуп 09:46 26.06.2021)
Астратегиатә ҭҵаарақәа рцентр аҟны имҩаԥысит "Аԥсны алхратә система: апроблемақәеи аперспективақәеи" ҳәа хьӡыс измаз астол гежь. Излацәажәаз азҵаарақәа, алхратә система еиҭакрас иалагалатәны иибо атәы арадио Sputnik аефир аҟны еиҭеиҳәеит ауаажәларратә усзуҩ Давид Ԥлиа.
Хра злоу ахҭысқәа: Ԥлиа Аԥсны алхратә система аиҭакрақәа ралагалара атәы

"Ҳаиԥылараҿы 15-ҩык инареиҳаны ауаа ықәгылеит аполитика аганахьала аԥышәа змоу. Иахьа ҳаԥхьа ишьҭоу аус - Апарламент ахь иреиӷьу, зыгәра ҳго ауаа ралхра, рнагара проблеманы иҟоуп, иӡбаӡам. Азакәан уахьахәаԥшуа ицәгьаӡам, адемократиа ҳасаб азуны ибзианы иудукылартә иҟоуп, аха алхрақәа раан иреиӷьу ракәӡам Апарламент ахь инеиуа. Иаҳа-иаҳа иԥсыҽхалар Апарламент ааԥхьарақәа, ҳәарас иаҭахузеи, уи ҳҳәынҭқарра даара иаԥырхагахоит… Азакәан аԥсахра лҵшәа амаӡам, избанзар иара алхра аҟынӡагьы шықәсык еиҵаны иаанхеит. Проблеманы иҟоу - ауаа раахәара иалагеит, аԥара аус ауеит… Ҳажәлар даара иаԥсаҟьоит… Аполитикатә партиақәа панацеиаӡам, зегьы рыӡбо иҟам. Уи аан ажәлар рполитикатә культура даара идузароуп. Аполитикатә партиақәа рыла алхра ҳахәоит ҳәа ҳзықәгәыӷуа уигьы ҳмыхәар ҟалоит. Зегьы иреиӷьу ҳәа избо, ажәлар даара еицәажәароуп, ирыӡбароуп", - иҳәеит Ԥлиа.

Иара иазгәеиҭеит аквотала асистема алшара атәы.

Иаҳа инарҭбааны аиҿцәажәара шәаҳар шәылшоит аудиофаил аҟны.

Иара убас шәаԥхьар ҟалоит:

25

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

0
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

0

Раионк аԥсҭазаараҟынтә: Хаҳәбиаԥҳа Тҟәарчал араион аҵарашықәс ҿыц ахацыркра иазкны

13
(ирҿыцуп 20:23 04.08.2021)
Тҟәарчал араион аҵараҟәша аиҳабы ихаҭыԥуаҩ Фросиа Хаҳәбиаԥҳа арадио Sputnik аефир аҿы еиҭалҳәеит ашколқәа рҿы аҵарашықәс ахацыркразы имҩаԥырго аусурақәа ртәы.
Раионк аԥсҭазаараҟынтә: Хаҳәбиԥҳа Тҟәарчал араион аҵарашықәс ҿыц ахацыркра иазкны

"Цәыбррамза 1 рзы ашколқәа рышәқәа аартразы гәҭыха змам ҳәа дыҟам. Имаҷым ари азҵаара иазхәыцуа. Адистанциатә ҵара Аԥсны ашколқәа изылшо ыҟазар ҟалап, жәаҳәарада, аха Тҟәарчал араион ашколкәа рзы акарантин ҟаларгьы, арҵара цароуп ашкол рҿы ҳәа агәаанагара сымоуп. Уи аус аиҿкаара иазхәыцуеит ҳраион ахадара. Хара хәыцрала уахәаԥшуазар, ари инымҵәо аҿкы чымазароуп, убри аҟнытә ашколқәа русура нырымкалар ҟалап ҳәа агәаанагара сымоуп. Ашкол аусура ахәыҷқәа еиҳагьы иахьчозар ҟалап. Ахәыҷқәа зегьы гәаҭан, асанитартә хылаԥшра бзиа ҟаҵаны, ҵыԥх ҳшалагаз еиԥш сынтәагьы, аҵара аус аиҿкаара, хымԥада, иахәҭоуп ҳәа сыԥхьаӡоит", -  еиҭалҳәеит Хаҳәбиаԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

13