Кәыҵниаԥҳа еиҭалҳәеит асоциалтә проектҩразы атренингқәа лҵшәас иаарышьҭыр рылшо

14
(ирҿыцуп 16:23 29.06.2021)
Асоциалтә проектҩразы атренинг мҩаԥысит аԥснытәи аҿар рзы. Аҟәа ақалақь ахадара аҿари аспорти русқәа рзы аусбарҭа аиҳабы лхаҭыԥуаҩ Есма Кәыҵниаԥҳа арадио Sputnik аефир аҟны еиҭалҳәеит урҭ адыррақәа хархәашьас ирыҭахо.

Аҟәа ақалақь ахадара аҿари аспорти русқәа рзы аусбарҭа ахаҭарнакцәеи Шәачатәи аҳәынҭқарратә университет аспециалистцәеи еиқәшәеит. Аиԥылараҟны ирылацәажәеит анаҩстәи аусеицура апланқәеи аҿартә политика ахырхарҭала апроектқәа реицымҩаԥгареи. Убри инаҷыданы аҭыԥантәи аҿар рзы еиҿкаан атренингқәа.

Кәыҵниаԥҳа еиҭалҳәеит асоциалтә проектҩразы атренингқәа лҵшәас иаарышьҭыр рылшо

"…Ҳаиқәшәара ҩ-хәҭакны ишан. Актәи ахәҭаҟны имҩаԥыргеит атренинг Аԥснытәи аҳәынҭқарратә университет астудентцәеи аволонтиортә центр ахаҭарнакцәеи рзы, аҩбатәи ахәҭаҟны иаҳҭаази ҳусбарҭа ахатарнакцәеи ҳаиԥылара мҩаԥысит, ҳусеицура аплан ҳалацәажәеит. Урыстәыла ирымоуп аԥышәа ду аволонтиортә ус аиҿкаара, апроектқәа рымҩаԥгаразы. Иааҳаԥхьеит ҳастудентцәа ирбарц, ираҳарц аҿартә политика ахырхарҭақәа рацәаны ишамоу, алшара шыҟоу еиуеиԥшым афорумқәеи агранттә программақәеи рылахәхаразы. Апроект агрант аиуразы ицәыругарц еиуеиԥшым акәамаҵамақәа ыҟоуп. Апроект аҩышьа удыруазароуп. Ҩынтә-хынтә имҩаԥаагахьеит ас еиԥш аиԥыларақәа, апроектқәа рҽырзыҟарҵоит. Шәачатәи аспециалистцәа иргәаԥхеит ҳҿар, ирҳәеит аинтерес, апотенциал шрымоу", - лҳәеит Кәыҵниаԥҳа.

Иаҳа инеиҵыху аиҿцәажәара аудиофаил аҟны.

14

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

6
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

6

Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

11
(ирҿыцуп 17:07 25.07.2021)
Аԥсны иаку аволонтиортә гәыԥ аԥҵара ахьынӡаҭаху арадио Sputnik аефир аҟны еиҭарҳәеит Аҟәеи Очамчыреи аволонтиорцәа ргәыԥқәа ирылахәу Лана Ҷкадуаԥҳаи Аслан Асланӡиеи.
Хра злоу ахҭысқәа: Ҷкадуаԥҳаи Асланӡиеи аволонтиортә ус иазкны

Шықәсыки бжаки ҵуеит адунеи иахыҵәаз аҿкычымазара COVID-19 ауаа аргәамҵуеижьҭеи. Аҿкчымазара Аԥснынӡа ианааӡа, аԥкракәа аналагалаха инаркны ацхыраара зҭаххоны иҟало рзы рҽеидыркыло иалагеит ауааԥсыра ковид рацәыхьчаразы хатәгәаԥхарала ацхыраара аҟаҵара иазхиаз аволонтиорцәа. Иахьа ус еиԥш аус зуа ыҟоума, мамзаргьы аҭагылазаашьа аҽаԥсаху, насгьы ҳтәылаҿы иахәҭоума иаку аволонтиортә еиҿкаара аԥҵара?

Абарҭқәа арадио Sputnik астудиаҟны ирылцәажәеит Аҟәеи Очамчыреи аволонтиорцәа ргәыԥ иалахәу Лана Ҷкадуаԥҳаи Аслан Асланӡиеи.

Шәазыӡырҩы аудио.

11