Раионк аԥсҭазаараҟынтә: Габлиа Гәылрыԥшь сынтәатәи аҵарашықәс алҵшәақәа ирызкны

14
(ирҿыцуп 18:31 29.06.2021)
Гәылрыԥшь араион ахадара аҵараусбарҭа аиҳабы Дмитри Габлиа арадио Sputnik аефир аҟны еиҭеиҳәеит араион аҟны аҵаҩцәа рхыԥхьаӡара зеиԥшроу, аушьҭымҭацәа рыбжьара иҟоума медалла иалго, сынтәатәи аҵарашықәс алҵшәақәа ртәы.

 

Раионк аԥсҭазаараҟынтә: Габлиа Гәылрыԥшь сынтәатәи аҵарашықәс алҵшәақәа ирызкны

"Гәылрыԥшь араион ашколқәа рҟны 1802-а аҵаҩцәа ыҟоуп. Урҭ рахьынтә сынтәа ажәеизатәи акласс иалгаз 119-ҩык ыҟоуп, ажәбатәи акласс - 125-ҩык. Сынтәа излауаз ала апрограмма иахьаҳагӡеит ҳҳәар ҟалоит, маҷқәак ҳазхьымӡаз ыҟоуп, аха апрограмма абжеиҳара ахәыҷқәа ахьӡаратәы иҟаҳҵеит. Аџьабаа ирбаз азы арҵаҩцәа иҭабуп ҳәа расҳәоит. Ахьтәы медалла, мамазаргьы араӡны ала иалго акандидатцәа ҳамаӡамызт аушьҭымҭацәа рыбжьара, аха уеизгьы зҵара ибзиаӡаны иалго ыҟоуп, ҳгәыӷуеит урҭ 10-ҩык рҟынӡа ҟалап ҳәа. Иҟоуп ахәыҷқәа рыбжьара урыстәылатәи аҵараиурҭақәа рахь иҭалахьоу. Аҽазыҟаҵарақәа ирҿуп еиуеиԥшым ахырхарҭақәа рыла Аԥснытәи аҳәынҭқарратә университет аҭаларазгьы", - иҳәеит Габлиа.

 

Иаҳа инеиҵыху аиҿцәажәара шәаҳар шәылшоит аудиофаил аҟны.

Иара убас шәаԥхьар ҟалоит:

14

Жәлар рдоуҳа: Ҭодуаԥҳа ахшара дызмауа аԥҳәыс лзы аԥсуаа имҩаԥыргоз ақьабзқәа ирызкны

15
Нарҭдырреи адәынтәи афольклорҭҵаареи рцентр аусзуҩ Есма Ҭодуаԥҳа арадио Sputnik арубрика "Жәлар рдоуҳа" аҟны еиҭалҳәеит ахшара дызмауа аԥҳәыс лзы аԥсуаа имҩаԥыргоз ақьабзқәа ртәы.
Жәлар рдоуҳа: Ҭодуаԥҳа ахшараиура ацхрааразы жәлар рқьабзқәа ирызкны

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит: Анра анасыԥ: ахшара дызмауа аԥҳәыс лыцхраара иадҳәалоу ақьабзқәа

15

Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

9
(ирҿыцуп 15:05 28.07.2021)
Аԥсны ашьапылампыл асразы ачемпионат сынтәа аформат ҿыц азԥҵәоуп, абри атәы арадио Sputnik аефир аҿы еиҭеиҳәеит ашьапылампылтә федерациа апресс-атташе Алхас Манаргиа.
Ҳазлацәажәаша ҳамоуп: Манаргиа ашьапылампыл асразы ачемпионат аформат ҿыц азы

"Ишиашоу ицо аефир ала иаабалоит Ачемпионатгьы Ахраҿагьы. Сынтәа ачемпионат х-еикәшаракны имҩаԥысуеит. Еикәшарак шьҭа имҩаԥысхьеит, уажәы ааҭгылара ыҟоуп. Аҩбатәии ахԥатәии еикәшарақәа ааҭгыларада иҟалоит. Иалагоит нанҳәа 31 рзы. Абас еиԥш иҟоу аӡбамҭа рыдыркылеит. Ихыркәшахоит абҵарамзазы. Астадионқәа зегьы рҟынтә ишиашоу ицо аефирқәа еиҿкаахоит. Уи алыршахоит Џьано Ҵурҵумиа икомнда иабзоураны. Иара ихаҭа иоуп уи алагала ҟазҵаз, афедерациа ахаҭа иамаӡам асҟак алшара, ахарџь ахахьы агаразы. Аидеиа убас иҟоуп – хәмаррацыԥхьаӡа иԥшӡаны, ҳаамҭазтәи аграфикала еиҿкааны, ахәмарыҩцәа рфотосахьа арбаны, аҟаҵара. Ҳәараҭахума, ари ҳамҭоуп, ашьапылампыл абзиабаҩцәа зегьы рзы", -  еиҭеиҳәеит Манаргиа.

Инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

9

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау